کچھ ناممکن نہیں، دوسرا ٹیسٹ بھی جیتنے کے لیے بھرپورجدوجہد کریں گے، ساجد خان
اشاعت کی تاریخ: 26th, January 2025 GMT
پاکستان کرکٹ ٹیم کے جادوائی آف اسپنر ساجد خان نے سیریز کے دوسرے میچ میں ویسٹ انڈیز کرکٹ ٹیم کی کارکردگی کو سراہتے ہوئے کہا ہے کہ کرکٹ بہت پروفیشنل ہوچکی ہے، کرکٹ میں کچھ بھی ممکن ہو سکتا ہے، دوسرا ٹیسٹ بھی جیتنے کی بھرپور کوشش کریں گے۔
ملتان میں پریس کانفرنس سے خطاب کرتے ہوئے ساجد خان نے اپنی ٹیم کی فتوحات کا ذکر کرتے ہوئے کہا کہ ہم نے انگلینڈ کے خلاف کامیابی حاصل کی اور ہم نے ویسٹ انڈیز کے خلاف پہلا ٹیسٹ بھی جیتا اور ہم پر امید ہیں کہ دوسرا ٹیسٹ بھی جیتنے میں کامیاب ہوں گے ۔
ساجد خان نے کہا کہ کرکٹ انتہائی پروفیشنل ہوچکی ہے۔ کوئی بھی بلے باز آؤٹ نہیں ہونا چاہتا اور نہ ہی کوئی بولر بلے باز کو آؤٹ کرنے کا موقع گنوانا چاہتا ہے۔ مقابلہ سخت ہے اور ہر کھلاڑی اپنی بہترین کارکردگی کا مظاہرہ کر رہا ہے۔
ساجد خان نے مزید کہا کہ ملتان کی پچ نے ٹیسٹ سیریز کو فیصلہ کن بنانے میں اہم کردارادا کیا ہے اور عاقب بھائی کا اس طرح کے ٹریک بنانے کا فیصلہ قابل ستائش ہے۔
انہوں نے وضاحت کی کہ ’پہلے ٹیسٹ کرکٹ کے نتائج صرف پانچویں دن سامنے آتے تھے، لیکن اب ہمیں جلد ہی فیصلہ کن نتائج دیکھنے کو ملتے ہیں۔
ساجد خان نے اپنی ٹیم کے مِڈل آرڈر بلے بازوں کا دفاع کرتے ہوئے کہا کہ ہمارے بلے باز بھی بھرپور مقابلہ کرتے ہیں تاہم کرکٹ میں غلطیاں بھی ہوتی ہیں جیسا کہ مجھ سے بھی دوسرے ٹیسٹ میں کچھ غلطیاں ہوئی ہیں ۔
ساجد خان نے بابراعظم سمیت ہر کھلاڑی کی کاؤشوں کو سراہتے ہوئے کہا کہ جس کو بھی موقع ملا اس نے اچھا کھیل پیش کیا۔
ساجد نے سعود شکیل اور آنے والے بلے بازوں کے حوالے سے امید ظاہر کی کہ ہمیں امید ہے کہ سعود شکیل تیسرے روز اچھا کھیلیں گے اور اگلے بلے باز ہمیں فتح تک پہنچانے کی پوری کوشش کریں گے۔ کچھ بھی ناممکن نہیں ہے، ہم ٹیسٹ جیتنے کے لیے بھرپور جدوجہد کریں گے۔
ایک سوال کے جواب میں ساجد خان نے کہا کہ 20-25 اوورز کے بعد گیند پرانی ہوتی جاتی ہے، بیٹنگ نسبتاً آسان ہوجاتی ہے اور رنز بنائے جا سکتے ہیں، امید ہے کہ کھیل کے تیسرے روز ہمارے بیٹرز میچ میں اچھا کھیلتے ہوئے جیتنے کی بھرپور کوشش کریں گے۔
ایک سوال کے جواب میں انہوں نے مزید کہا کہ یہ وہ دور نہیں ہے جب ٹیل اینڈرز بیٹنگ نہیں کر سکتے تھے، اب ہر کوئی اپنا حصہ ڈالتا ہے اور بیٹنگ بھی کرلیتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آف اسپنر بابراعظم بلے باز بولرز بولنگ بیٹرز بیٹنگ پاکستان ٹیسٹ میچ ساجد خان سعود شکیل شان مسعود فتح کرکٹ ٹیم کھیل ملتان وی نیوز ویسٹ انڈیز.
ذریعہ
ذریعہ: WE News
کلیدی لفظ: بلے باز بولرز بولنگ بیٹرز بیٹنگ پاکستان ٹیسٹ میچ سعود شکیل فتح کرکٹ ٹیم کھیل ملتان وی نیوز ویسٹ انڈیز ٹیسٹ بھی ہوئے کہا بلے باز کریں گے کہا کہ ہے اور
پڑھیں:
پاکستان اور ویسٹ انڈیز کے درمیان ٹیسٹ سیریز کی ٹرافی کی رونمائی
پاکستان اور ویسٹ انڈیز کے درمیان ٹیسٹ سیریز کی ٹرافی کی رونمائی کردی گئی۔
تفصیلات کے مطابق قومی کپتان بابر اعظم اور ویسٹ انڈیز کے کپتان روسٹن چیز نے ٹرافی کی رونمائی کی اور اس کے ساتھ تصاویر بنوائیں۔
ٹرافی کی رونمائی ٹرینیڈاڈ میں واقع برائن لارا کرکٹ اکیڈمی میں کی گئی۔
پاکستان ویسٹ انڈیز ٹیسٹ سیریز
پاکستان اور ویسٹ انڈیز ٹیسٹ سیریز کے ٹرافی کی رونمائی کر دی گئی
کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی
ٹرافی کی رونمائی برائن لارا کرکٹ اکیڈمی میں کی گئی
دونوں ٹیموں کے درمیان پہلا ٹیسٹ میچ 25… pic.twitter.com/jw64f4bqZp
دونوں ٹیموں کے درمیان پہلا ٹیسٹ میچ 25 جولائی سے شروع ہوگا۔ یہ برائن لارا کرکٹ اکیڈمی میں کھیلا جانے والا پہلا ٹیسٹ میچ ہوگا۔
اس سے قبل اس گراؤنڈ میں محدود اوورز کے انٹرنیشنل میچز سمیت ریجنل فرسٹ کلاس میچز کھیلے جا چکے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم