سندھ بلڈنگ،سرپرستوں کی پشت پناہی ، اورنگزیب سینٹرل میں سرگرم
اشاعت کی تاریخ: 27th, January 2025 GMT
سندھ بلڈنگ سرپرستوں کی پشت پناہی پر بلڈنگ انسپکٹر اورنگزیب نے منہدم عمارتوں کی ازسرنو تعمیر شروع کروا کر خطیر رقم بٹور بٹور لی اور ساتھ ہی رہائشی پلاٹوں پر کمرشل تعمیرات بھی شروع کروا رکھی ہیں ۔ باوثوق ذرائع کے مطابق اورنگزیب کو خفیہ سرپرستوں کی پشت پناہی حاصل ہے جس کا فائدہ اٹھاتے ہوئے موصوف نے سر پرستوں کے نام پر وصولی کا سلسلہ بھی شروع کر رکھا ہے۔ جرأت سروے میں یہ بات سامنے آئی ہے کہ ٹرانسفر کے باوجود غیر قانونی دھندوں میں تیزی آئی ہے، بغیر نقشے بننے والی غیر قانونی عمارتوں کی آزادی دے کر ناظم آباد کابنیادی ڈھانچہ تبدیل کر کے گیس بجلی پانی اور پارکنگ جیسے بنیادی مسائل میں مسلسل اضافہ کیا جارہا ہے۔ اس وقت بھی ناظم آباد نمبر 5کے پلاٹ نمبر A12/1جس پر جاری ناجائز 3منزلوں پر نمائشی انہدامی کارروائی کے بعد ازسرنو تعمیر کی آزادی دلوا دی گئی ہے جبکہ رہائشی پلاٹ نمبر E22/1پر کمرشل پروجیکٹ کی تیاری انہدام سے محفوظ رکھنے کی ضمانت کے ساتھ جاری ہے۔
.ذریعہ: Juraat
پڑھیں:
سرکاری گاڑی کی نمبر پلیٹ کا پرائیوٹ گاڑی میں استعمال، سندھ گورنمنٹ اسپتال سعود آباد کے ایم ایس معطل
کراچی:سندھ گورنمںٹ سعود آباد اسپتال کے میڈیکل سپرنٹنڈنٹ ڈاکٹر آغا عامر کو سرکاری گاڑی کی نمبر پلیٹ اتار کر پرائیوٹ گاڑی پر لگانے پر معطل کردیا گیا۔
محکمہ صحت کے ذمے دار ذرائع نے تصدیق کی ہے کہ معطل ہوئے ڈاکٹر آغا عامر نے سندھ گورنمنٹ سعود آباد اسپتال کی سرکاری گاڑی کلٹس کی نمبر پلیٹ اتار کر اپنی پرائیویٹ کار میں لگا رکھی تھی، اوریجنل نمبر پلیٹ کا کلر یلو تھا جسے گرین کلر کرکے نمبر پلیٹ میں ٹیمپرنگ بھی کردی گئی تھی۔ وہ پرائیویٹ کار کوئی اورشخص چلاتا تھا۔
منگل کو ایم ایس کے قریبی دوست کی سعود آباد اسپتال کی سرکاری گاڑی کلٹس جی ایس۔ 6751 جب شاہراہ بھٹو کے ٹول پلازا پہنچی تو وہاں موجود عملے نے ٹول ٹیکس طلب کیا جس پر گاڑی میں موجود شخص نے ٹول ٹیکس دینے سے انکار کیا اور کہا کہ سرکاری گاڑی ہے اور میں سندھ گورنمنٹ سعود آباد اسپتال کا ایم ایس ہوں۔
اس پر ٹول ٹیکس والوں کو شبہ ہوا اور انھوں نے گاڑی کی تصاویر بناکر متعلقہ حکام کو بھیج دیں جس پر چیف سیکرٹری سندھ نے فوری کارروائی کرتے ہوئے سندھ گورنمنٹ سعود آباد اسپتال کے ایم ایس ڈاکٹر آغا عامر کو فوری طور پر معطل کرتے ہوئے انہیں محکمہ صحت کو رپورٹ کرنے کے تحریری احکامات جاری کردئیے۔
واضح رہے کہ صوبائی محکمہ صحت نے 20 دسمبر 2024ء کو سندھ گورنمنٹ اسپتال سعودآباد کے ایم ایس ڈاکٹر پیر غلام نبی شاہ جیلانی گریڈ 20 کا تبادلہ کرکے گریڈ 19 کے ڈاکٹر آغا عامر کو ایم ایس مقرر کیا تھا۔ ڈاکٹر پیر غلام نبی شاہ جیلانی گریڈ20 کی سینیارٹی لسٹ میں 5 ویں نمبر پر ہیں اور ڈاکٹر آغا عامر گریڈ 19 کی سینیارٹی لسٹ میں 140 ویں نمبر پر تھے لیکن حکومت سندھ نے سیاسی اثر و رسوخ رکھنے والے ڈاکٹر آغا عامر کو قواعد کے برخلاف تقرری کے احکامات جاری کیے۔
ملک بھر میں ووٹر کی تعداد کتنی ہوگئی؟ رپورٹ سامنے آگئی