وزیراعظم کا اسٹیٹ بینک کی جانب سے پالیسی ریٹ میں کمی کا خیر مقدم
اشاعت کی تاریخ: 27th, January 2025 GMT
اسلام آباد (نیوز ڈیسک) وزیراعظم محمد شہباز شریف نے اسٹیٹ بینک آف پاکستان کی جانب سے پالیسی ریٹ میں ایک فیصد کمی کا خیر مقدم کیا ہے۔ انہوں نے کہا کہ پالیسی ریٹ کا 12 فیصد پر آنا ملکی معیشت کے لئے ایک خوش آئند اقدام ہے۔
وزیراعظم نے کہا کہ پالیسی ریٹ میں کمی سے پاکستانی معیشت پر سرمایہ کاروں کا اعتماد بڑھے گا اور ملک میں سرمایہ کاری میں اضافہ ہوگا۔
ان کا کہنا تھا کہ پالیسی ریٹ میں کمی کم افراط زر کی شرح کی بدولت ممکن ہوئی ہے اور انہیں امید ہے کہ آئندہ مہینوں میں افراط زر میں مزید کمی دیکھنے کو ملے گی۔
وزیراعظم نے معیشت کی بحالی کے حوالے سے وفاقی وزیر خزانہ اور دیگر متعلقہ اداروں کی کوششوں کو بھی سراہا اور انہیں لائق تحسین قرار دیا۔
.ذریعہ: Daily Mumtaz
کلیدی لفظ: پالیسی ریٹ میں
پڑھیں:
حکومت کی دانشمندانہ پالیسیوں کے سبب معیشت مستحکم ہوچکی، عطا اللہ تارڑ
وزیر اطلاعات و نشریات عطاء اللہ تارڑ کا کہنا ہے کہ پاکستان نے وزیراعظم شہباز شریف اور چیف آف آرمی سٹاف فیلڈ مارشل سید عاصم منیر کی فعال قیادت میں بڑی کامیابیاں حاصل کی ہیں۔
میڈیا سے گفتگو کرتے ہوئے وزیر اطلاعات و نشریات عطاء اللہ تارڑ نے کہا کہ فیلڈ مارشل کی جامع حکمت عملی کے سبب پاکستان کے خلاف بھارتی جارحیت کا منہ توڑ جواب دیا گیا۔ انہوں نے کہا کہ دوست ممالک نے بھی پاک بھارت کشیدگی کے دوران پاکستان کا مکمل ساتھ دیا۔
عطا اللہ تارڑ نے کہا کہ پاکستان نے سفارتی محاذ پر نمایاں پیش رفت کی ہے اور پوری دنیا نے پاکستان کی کامیابی کا اعتراف کیا ہے۔
وزیر اعظم کے حالیہ دورہ سعودی عرب کا ذکر کرتے ہوئے وفاقی وزیر نے اسے انتہائی کامیاب قرار دیا۔
انہوں نے کہا کہ وزیراعظم نے عید کے دنوں میں مختلف مسلم ممالک کے رہنماؤں سے ٹیلی فونک گفتگو کی اور انہیں عید کی مبارکباد پیش کی۔
وزیر اطلاعات نے کہا کہ وزیراعظم نے ملک کی سیاسی قیادت بشمول گورنرز، وزرائے اعلیٰ اور وفاقی وزراء کو بھی ٹیلی فون کیا اور انہیں عید کی مبارکباد دی۔
عطاء اللہ تارڑ نے کہا کہ حکومت کی پوری توجہ اب معیشت پر مرکوز ہے جو کہ حکومت کی دانشمندانہ پالیسیوں کی وجہ سے مستحکم ہو چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ تارڈ
پاکستان اور افغانستان کا باہمی اعتماد کے فروغ کیلئے تعاون جاری رکھنے پر اتفاق