بجلی کے بھاری بلوں سے بچنا چاہتے ہیں تویہ 3 آلات کبھی اسٹینڈ بائی پر نہ چھوڑیں
اشاعت کی تاریخ: 27th, January 2025 GMT
جب بات کی جائے گھر میں خرچ ہونے والے توانائی کے بلوں کی تو پیسہ بہت اہمیت اختیار کر جاتا ہے، خاص طور پر جب ہم توانائی پر آنے والے اخراجات کو کم کرنے کی کوشش کر رہے ہوں۔
کئی گھریلو آلات ہمارے بلوں میں اضافے کا سبب بنتے ہیں، اور ان میں سے کچھ آلات ایسے ہیں جو اسٹینڈ بائی موڈ میں ہونے کے باوجود توانائی کا استعمال جاری رکھتے ہیں۔گذشتہ چند سالوں میں توانائی کے بلوں میں غیر معمولی اضافہ دیکھنے کو ملا ہے جو بہت زیادہ ہیں اور عام آدمی کی استطاعت سے باہر ہوتے جارہے ہیں۔ یہ بل عام لوگوں کے لیے درد سر بن گئےہیں۔ ایسے میں کچھ عام عادتیں، جیسے آلات کو اسٹینڈ بائی پر چھوڑ دینا، آپ کے بجلی کے بلوں میں غیر ضروری اضافہ کر سکتی ہیں۔
جب آپ کسی آلے کو اسٹینڈ بائی پر چھوڑتے ہیں، تو وہ بجلی کھینچتے رہتے ہیں، چاہے آپ اسے استعمال نہ کر رہے ہوں۔ گواسٹینڈ بائی موڈ مکمل طور پر آلے کے چلنے کی حالت سے کم توانائی استعمال کرتا ہے، لیکن پھر بھی یہ آپ کے توانائی کے بلوں کو بڑھانے کا باعث بن سکتا ہے۔توانائی کے ماہرین نے ”کبھی بھی اسٹینڈ بائی پر نہ چھوڑنے“ کے لیے تین اہم آلات کی نشاندہی کی ہے:
ٹی وی
ٹی وی کے بیشتر ماڈلز اسٹینڈ بائی پر بھی توانائی استعمال کرتے ہیں۔ جب آپ ٹی وی نہ دیکھ رہے ہوں تو اسے فضول میں چلنے کی بجائے مکمل طور پر بند کر دینا چاہیے یا اس کا پلگ نکال لینا چاہیے، اسٹینڈ بائی موڈ میں اسے ہرگز نہ رکھیں تاکہ غیر ضروری توانائی کا استعمال نہ ہو۔
مائیکروویو
مائیکروویو بھی اسٹینڈ بائی پر بجلی استعمال کرتا ہے، خصوصاً جب اس پر لائٹ یا ڈیجیٹل ڈسپلے آن ہو۔ اس کے بجائے، مائیکروویو کا پلگ نکال دینا بہتر ہوتا ہے تاکہ توانائی کی بچت ہو سکے اور بجلی کے اضافی بلوں کا بوجھ کم سے کم کیا جاسکے۔
کمپیوٹر یا لیپ ٹاپ
کمپیوٹر یا لیپ ٹاپ جب اسٹینڈ بائی پر ہوتے ہیں تو وہ بھی بجلی کھینچتے رہتے ہیں۔ کوشش کی جائے کہ جب آپ اس کا استعمال نہیں کر رہے ہیں تو اسے مکمل طور پر بند کر دیں تاکہ اضافی توانائی کا ضیاع نہ ہو جو بلوں میں غیر معمولی اضاٖفے کا باعث بنتے ہیں۔ان آلات کو اسٹینڈ بائی پر چھوڑنے سے آپ کے توانائی کے بلوں میں اضافے کا امکان بڑھ جاتا ہے۔ اس لیے بہتر ہے کہ جب بھی آپ کسی آلے کا استعمال نہ کر رہے ہوں، اسے بند کر دیں یا اس کا پلگ نکال دیں تاکہ توانائی کی بچت کی جا سکے اور آپ کے بل کم ہوں۔
.ذریعہ: Daily Ausaf
کلیدی لفظ: اسٹینڈ بائی پر استعمال نہ کا استعمال بلوں میں رہے ہوں کر رہے
پڑھیں:
مظفرآباد، ایکشن کمیٹی سے مذاکرات کا دوسرا دور شروع، ہم امن چاہتے ہیں، حکومتی کمیٹی
مظفرآباد میں حکومت پاکستان کی اعلیٰ سطحی کمیٹی اور عوامی ایکشن کمیٹی کے مذاکرات کا دوسرا راؤنڈ شروع ہوگیا۔ قبل ازیں وفاقی وزرا اور عوامی ایکشن کمیٹی کے درمیان مذاکرات کا پہلا دور مکمل ہوا جو 2 گھنٹے جاری رہا۔
مذاکرات کے بعد عوامی ایکشن کمیٹی کے رہنماؤں نے دھیرکوٹ میں اپنے ساتھیوں سے مشاورت کے لیے وقت مانگا تھا۔
ہم آزاد کشمیر میں امن چاہتے ہیں، احسن اقبالابتدائی مذاکرات کے بعد میڈیا سے گفتگو کرتے ہوئے وفاقی وزیر احسن اقبال نے کہا کہ ہم آزاد کشمیر میں امن چاہتے ہیں کیونکہ دشمن ملک عدم استحکام سے فوری فائدہ اٹھانے کی کوشش کرتا ہے۔
وفاقی وزیر امیر مقام کا کہنا تھا کہ بات چیت خوشگوار ماحول میں ہوئی اور باہمی افہام و تفہیم سے مسائل حل ہونے چاہئیں۔
عوامی ایکشن کمیٹی کی پوزیشنعوامی ایکشن کمیٹی کے رہنماؤں نے مذاکرات کے بعد اپنے دیگر ساتھیوں سے مشاورت کے لیے مہلت طلب کی۔
قمر زمان کائرہ نے کہا کہ ہم اپنے ساتھیوں کے جائز مطالبات میں ان کے ساتھ ہیں اور وزیراعظم شہباز شریف ذاتی طور پر اس معاملے کو دیکھ رہے ہیں۔
وزیراعظم کا ردعملاس سے قبل وزیراعظم شہباز شریف نے آزاد کشمیر کی صورتحال پر گہری تشویش کا اظہار کرتے ہوئے شہریوں سے پْرامن رہنے کی اپیل کی۔
ان کا کہنا تھا کہ پْرامن احتجاج ہر شہری کا آئینی و جمہوری حق ہے لیکن مظاہرین کو امن عامہ کو نقصان پہنچانے سے گریز کرنا چاہیے۔
وزیراعظم نے قانون نافذ کرنے والے اداروں کو ہدایت کی کہ وہ تحمل اور بردباری کا مظاہرہ کریں اور عوامی جذبات کا احترام یقینی بنائیں۔
تحقیقات اور امداد کی ہدایاتوزیراعظم نے مظاہروں کے دوران ہونے والے ناخوشگوار واقعات پر افسوس کا اظہار کرتے ہوئے شفاف تحقیقات کا حکم دیا اور متاثرہ خاندانوں تک فوری امداد پہنچانے کی ہدایت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی، اورنگی ٹاؤن میں ڈکیتی مزاحمت پر اولاد کے سامنے باپ کا قتل