سائٹ ایسوسی ایشن، سندھ سولڈ ویسٹ، سائٹ ایریا کوسرسبز بنانے کیلیے پُرعزم
اشاعت کی تاریخ: 28th, January 2025 GMT
کراچی(بزنس رپورٹر) سندھ سالڈ ویسٹ مینجمنٹ بورڈ (ایس ایس ڈبلیو ایم بی) کے مینیجنگ ڈائریکٹر طارق علی نظامانی نے سائٹ ایسوسی ایشن آف انڈسٹری کراچی کی چھتری تلے سائٹ ایریا کو صاف اور سبز بنانے کے لیے ایس ایس ڈبلیو ایم بی کی مکمل حمایت اور تعاون کی یقین دہانی کرائی ہے۔اس مقصد کے حصول کے لیے انہوں نے ایم او اے کے دستخط کنندگان کے درمیان قریبی ہم آہنگی کی ضرورت پر زور دیا۔سائٹ کی طرح دیگر صنعتی علاقوں کے ساتھ جلد سالڈ ویسٹ لفٹنگ کا معاہدہ کیا جائے گا۔اس سال جدید جی ٹی ایس کا قیام عمل میں لایا جا رہا ہے۔ان خیالات کا اظہار انہوں نے محکمے کے افسران کے ہمراہ سائٹ ایسوسی ایشن آف انڈسٹری کراچی کے دورے کے موقع پر اجلاس سے خطاب کرتے ہوئے کیا۔اس موقع پر سائٹ لمیٹڈ کے مینیجنگ ڈائریکٹر سید عارف احمد زیدی، سائٹ ایسوسی ایشن کے صدر احمد عظیم علوی،چیف کوآرڈینٹر سلیم پاریکھ،سینئر نائب صدر خالد ریاض،نائب صدر ریاض ڈھیڈھی،سابق صدرکامران عربی،سابق سینئر نائب صدر سلیم ناگریا،عظیم موتی والا،کامران لاکھانی،امان نسیم،محمدطاہرگوریجا،حارث شکور، سائٹ لمیٹڈکے نذر جتوئی،فہیم الدین شیخ،سیف اللہ،ایس ایس ڈبلیو ایم بی کے غلام نبی،فرحان لودھی،وحید الرحمان،راحیل و دیگر بھی موجود تھے۔
.ذریعہ: Jasarat News
کلیدی لفظ: سائٹ ایسوسی ایشن
پڑھیں:
بینظیر ہاری کارڈشتکاروں کیلیے نیا دور ثابت ہوگا‘شرجیل
data-id="863a0a8" data-element_type="widget" data-widget_type="theme-post-content.default">
251104-02-20
کراچی ( اسٹاف رپورٹر ) سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ بینظیر ہاری کارڈ حکومت سندھ کی جانب سے سے صوبے کے کاشتکاروں کے لیے نیا دور ثابت ہوگا، سندھ کے کسانوں کی فلاح و بہبود کے لیے بینظیر ہاری کارڈ ایک شفاف، منظم اور جدید نظام ہے ، بینظیر ہاری کارڈ کے ذریعے کاشتکاروں اور کسانوں کو یوریا اور ڈی اے پی کھاد فراہم کیا جا رہا ہے۔ ایک بیان میں انہوں نے کہا کہ قدرتی آفات یا فصلوں کو نقصان کی صورت میں بینظیر ہاری کارڈ کے تحت کسانوں اور کاشتکاروں کو مالی مدد دی جارہی ہے، بینظیر ہاری کارڈ اسکیم سے چھوٹے کاشتکاروں کو براہِ راست فائدہ پہنچ رہا ہے۔ سینئر وزیر شرجیل انعام میمن نے کہا کہ حکومتی امداد بینظیر ہاری کارڈ سے شفاف طریقے سے کسانوں اور کاشتکاروں تک پہنچ رہی ہے، سندھ حکومت کی یہ کوشش صرف کسانوں کی خوشحالی تک محدود نہیں، اس کا فائدہ پورے ملک کو ہوگا۔ ان کا کہنا تھا کہ سندھ حکومت کے اس طرح کے اقدام سے صوبے میں گندم کی پیداوار بڑھے گی تو پاکستان کو باہر سے گندم منگوانی نہیں پڑے گی، قیمتی زرمبادلہ بچے گا اور معیشت مستحکم ہوگی، آنے والے سالوں میں سندھ کے کسان جدید ٹیکنالوجی اور حکومتی تعاون کی بدولت زیادہ پیداوار حاصل کریں گے، جس سے صوبہ ہی نہیں، پورا پاکستان فائدہ اٹھائے گا۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق