طلاق کے بعد پہلی بار ایوارڈ شو میں شرکت، احد اور سجل علی جذباتی ہوگئے
اشاعت کی تاریخ: 28th, January 2025 GMT
کراچی:
شوبز انڈسٹری کی سب سے کامیاب جوڑی بن کر راہیں جدا کرنے والے اداکار ایک ایوارڈ شو کی تقریب میں جذباتی نظر آئے۔
تفصیلات کے مطابق نجی ٹی وی کے ایوارڈ شو کی تقریب کراچی میں منعقد ہوئی جس میں شوبز ستاروں نے شرکت کی اور تقریب کو چار چاند لگائے۔
یہ پہلا موقع تھا کہ طلاق کے بعد سجل علی اور احد رضا میر ایک ساتھ کسی تقریب میں شریک ہوئے۔ دونوں نے ایک دوسرے سے ملاقات تو نہیں کی مگر کیمرے کی آنکھ نے اُن کے کچھ ایسے مناظر کو قید کیا جس کے بعد مداح افسردہ ہوگئے۔
کیمرے نے سجل علی اور احد رضا میر کو جذباتی انداز میں اشکبار آنکھوں کے ساتھ ریکارڈ کیا اور پھر یہ ویڈیوز سوشل میڈیا پر وائرل ہوگئیں۔
مداحوں نے اس پر تبصرے کیے اور دونوں کیلیے وقت کو مشکل قرار دیتے ہوئے ان کی آسانی کی دعا کی۔
واضح رہے کہ سجل علی اور احد رضا نے ایک ساتھ کئی ڈراموں میں کام کیا اور پھر دونوں مارچ2020 میں شادی کے بندھن میں بندھ گئے تھے تاہم کچھ گھریلو اور پروفیشنل اختلافات کی وجہ سے دونوں نے مارچ 2022 میں راہیں جدا کیں۔
ابتدا میں تو احد اور سجل اس معاملے پر خاموش رہے تاہم دونوں نے پھر معاملے پر خاموشی توڑ دی تھی۔
.ذریعہ: Express News
کلیدی لفظ: سجل علی
پڑھیں:
’خودکشی کے خیالات آتے تھے‘، یوزویندر چاہل نے طلاق پر خاموشی توڑ دی
بھارتی کرکٹ ٹیم کے کھلاڑی یوزویندر چاہل نے اپنی طلاق کے بارے میں خاموشی توڑتے ہوئے بتایا کہ ان کے اور دھناشری کے درمیان تعلقات میں کہاں دراڑ آئی اور طلاق کے افواہوں کے دوران دھوکا دہی کے الزامات نے ان کی صحت پر کیا اثر ڈالا۔
یوزویندر چاہل نے بتایا کہ انہوں نے طلاق کے عمل کو اس وقت تک نجی رکھا جب تک یہ مکمل نہ ہو جائے۔ ان کا کہنا تھا کہ ’یہ کافی عرصے سے چل رہا تھا۔ ہم نے فیصلہ کیا کہ ہم لوگوں کو نہیں بتائیں گے۔ کون جانتا تھا کہ اگر یہ نہیں ہوتا تو کیا ہوتا؟ شاید صورتحال مختلف ہو جاتی۔ ہم نے سوچا جب تک واپس پلٹنے کا کوئی راستہ نہ ہو، کچھ نہیں کہیں گے۔ سوشل میڈیا پر عام جوڑے کی طرح رہیں گے‘۔
یہ بھی پڑھیں: ’ایک دوسرے کے کیمرا مین لگ رہے‘، یوزویندر چاہل اور آر جے مہوش کی لندن میں سیر کی تصاویر وائرل
جب ان سے پوچھا گیا کہ کیا وہ اس وقت دکھاوا کر رہے تھے تو چاہل نے سر ہلایا، جس سے ظاہر ہوا کہ ہاں وہ بالکل دکھاوا کر رہے تھے۔ انڈین کھلاڑی نے وضاحت کی کہ وہ دونوں (چاہل اور دھناشری) اپنے اپنے کیریئر پر بہت زیادہ توجہ دے رہے تھے، جس کی وجہ سے تعلقات کو ترجیح دینا مشکل ہو گیا اور اس طرح وقت کے ساتھ جذباتی دوری بڑھ گئی۔
انہوں نے مزید کہا کہ تعلقات ایک سمجھوتہ ہے۔ اگر ایک غصہ ہوتا ہے تو دوسرے کو سننا پڑتا ہے۔ کبھی کبھی دو لوگوں کی فطرت میل نہیں کھاتی۔ میں بھارت کے لیے کھیل رہا تھا، وہ بھی اپنا کام کر رہی تھی۔ یہ ایک دو سال سے چل رہا تھا۔
بھارتی کھلاڑی کا کہنا تھا کہ ’اس وقت میں اس میں اتنا مصروف تھا کہ ایک جگہ وقت دینا پڑتا تھا، دوسری جگہ وقت دینا پڑتا تھا۔ میں تعلقات کے بارے میں سوچ نہیں پا رہا تھا۔ پھر ہر روز یہی سوچتا تھا، چھوڑ دو۔ دو بلند حوصلہ لوگ ساتھ رہ سکتے ہیں۔ ہر ایک کی اپنی زندگی ہے۔ ہر ایک کے اپنے ہدف ہیں۔ ایک شریک حیات کے طور پر آپ کو سپورٹ کرنا ہوتا ہے۔ آپ 18-20 سال کسی چیز کے لیے کام کر رہے ہیں، اسے تعلقات کے لیے چھوڑنا ممکن نہیں‘۔
یہ بھی پڑھیں: یوزویندر چاہل اور دھناشری کی راہیں الگ، کرکٹر عدالتی حکم پر اہلیہ کو کتنی رقم دینے کے لیے تیار ہوگئے؟
یوزویندر چاہل نے بتایا کہ ’میری طلاق کے وقت لوگ مجھے دھوکہ باز کہتے تھے۔ میں نے کبھی کسی کو دھوکہ نہیں دیا۔ میں ایسا شخص نہیں ہوں۔ آپ مجھے کسی سے زیادہ وفادار نہیں پائیں گے۔ میں اپنے قریبی لوگوں کے لیے دل سے سوچتا ہوں۔ میں کبھی مانگتا نہیں، ہمیشہ دیتا ہوں۔ جب لوگ کچھ نہیں جانتے اور الزام لگاتے ہیں تو آپ سوچنے لگتے ہیں‘۔
ہریانہ سے تعلق رکھنے والے کھلاڑی نے بتایا کہ ’میری دو بہنیں ہیں اور میں بچپن سے ان کے ساتھ بڑا ہوا ہوں، مجھے عورتوں کا احترام کرنا آتا ہے، کیونکہ میرے والدین نے مجھے سکھایا ہے کہ عورتوں کا احترام کیسے کرنا ہے۔ میں نے اپنی زندگی کے اسباق اپنے آس پاس کے لوگوں سے لیے ہیں۔ ضروری نہیں کہ اگر میرا نام کسی کے ساتھ جُڑ جائے تو لوگ صرف ناظرین کے لیے کچھ بھی لکھیں‘۔
یہ بھی پڑھیں: دھناشری ورما سے علیحدگی کی خبروں پر یوزویندر چاہل کا بیان سامنے آ گیا
چہل نے اعتراف کیا کہ عوامی تنقید اور ذاتی مسائل کا ایک ساتھ سامنا کرنا ان کی ذہنی صحت پر شدید اثر ڈالا۔ انہوں نے بتایا کہ وہ ڈپریشن میں چلے گئے اور خودکشی کے خیالات بھی آئے۔
انہوں نے بتایا کہ ’میرے ذہن میں خودکشی کے خیالات آئے، میں اپنی زندگی سے تھک گیا تھا، 2 گھنٹے رویا کرتا تھا۔ میں صرف 2 گھنٹے سوتا تھا۔ یہ 40-45 دن تک چلا۔ مجھے کرکٹ سے وقفہ چاہیے تھا۔ میں کرکٹ میں بہت مصروف تھا۔ میں توجہ نہیں دے پا رہا تھا۔ اپنے دوست سے خودکشی کے خیالات شیئر کرتا تھا۔ مجھے خوف آتا تھا‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آر جے مہوش بھارتی کرکٹر دھنا شری ورما یوزویندر چاہل یوزویندر چاہل طلاق
بھارت کی روس کو مہلک دھماکہ خیز مواد کی خفیہ فروخت