Nai Baat:

ایس ایم تنویر کی ماں جی جنت مکانی ہوگئیں

اشاعت کی تاریخ: 29th, January 2025 GMT

اسلامی تہذیب و تمدن ہو یا ہمارا برصغیر اور پاک و ہند کا تہذیبی ارتقائ، ماں کا کردار مرکزی اہمیت کا حامل رہا ہے۔ تحریک پاکستان کے ارتقاء و عروج میں علی برادران کی ماں جی کا کردار ہماری تاریخ کا روشن باب ہے۔ مادر ملت محترمہ فاطمہ جناح ہماری قومی تاریخ کا سنہری باب ہے۔ قیام پاکستان کے بعد، پاکستان کو معاشی مشکلات سے نکالنے اور تعمیر و ترقی اور خوشحالی کی شاہراہ پر ڈالنے اور آگے بڑھاتے رکھنے میں کئی کاروباری، صنعتی اور پیشہ ور خاندانوں نے اہم کردار ادا کیا ہے۔ ایوب خان کے سنہری دور کو بھی ایسے ہی بائیس خاندانوں کی صلاحیتوں اور کاوشوں کا مرہون منت قرار دیا جاتا ہے۔ صنعت کاری کسی بھی ملک کی تعمیر و ترقی میں بنیادی کردار کی حامل ہوتی ہے اور کاروباری صلاحیت اور وسعت ملک و قوم کے لئے خوشحالی لاتی ہے۔ انگریزوں کی کاروباری صلاحیتوں نے برطانیہ عظمیٰ یعنی عظیم الشان برطانوی سلطنت تخلیق کی ایسی سلطنت جس کی وسعت پذیری حیران کن تھی۔ برطانوی سلطنت کے ایک حصے میں سورج غروب ہو رہا ہوتا تھا تو دوسرے حصے میں سورج طلوع ہو رہا ہوتا تھا اسی لئے کہا جاتا ہے کہ برطانیہ عظمیٰ میں سورج غروب ہی نہیں ہوتا تھا۔ چین کا عالمی منظر پر چھا جانے کا عمل بھی ایسے کاروباری اور صنعتی نابغوں اور کاروباری صلاحیتوں سے معمور افراد سے وابستہ ہے۔ جیک کی مثال ہی دیکھ لیں۔ اس کی صلاحیتوں کے باعث چین عالمی مارکیٹ میں چھایا ہوا ہے۔ اس ایک شخص کی صلاحیتوں نے یورپی و مغربی عالمی چودھریوں کا ناطقہ بند کر رکھا ہے۔
پاکستان ایک زرخیز ملک ہے جہاں کی زمین اور آب و ہوا بھی بڑھوتی کا باعث بنتی ہے اور یہاں کے کاروباری صنعتی گھرانے بھی تعمیر و ترقی کی علامت ہیں۔ قیام پاکستان کے وقت پاکستان میں کل تین صنعتی یونٹ تھے۔ آج پاکستان میں سیکڑوں نہیں ہزاروں چھوٹے بڑے صنعتی و پیداواری یونٹ کام کر رہے ہیں۔ اس وقت متحدہ پاکستان کی مجموعی آمدنی 45ملین ڈالر کے برابر تھی۔ آج پاکستان کی مجموعی قومی پیداوار کی مالیت 330ارب ڈالر سے زائد ہے۔ یہ سب کچھ کیسے ممکن ہوا؟ یہ سب کچھ ہوا فضا میں وقوع پذیر نہیں ہوا ہے اور یہ جناتی کارروائی نہیں بلکہ پاکستان کے سپوتوں کی کارکردگی ہے ایسے بھی سپوتوں میں ایک محترم نام ایس ایم تنویر کا بھی ہے جو پاکستانی معیشت کی تعمیر و ترقی، کاروباری شعبے کی بڑھوتی اور صنعتی شعبے کے استحکام کے لئے اپنے آپ کو ہمہ وقت، وقف کر چکے ہیں۔ یونائیٹڈ بزنس گروپ (UBG) کے سرپرست اعلیٰ کے طور پر فیڈریشن کے پلیٹ فارم سے انڈسٹری و حکومت کے درمیان تعاون کے فروغ کے ذریعے قومی معاشی استحکام کے لئے کاوشیں کر رہے ہیں۔
گزشتہ دنوں ان کی والدہ محترمہ کا انتقال ہوا۔ یہ ایک بہت بڑی خبر کے طور پر ہمارے قومی الیکٹرانک اور پرنٹ میڈیا پر کئی روز تک فلیش ہوتی رہی۔ وفات کی اطلاع، جنازے کی خبر، قرآن خوانی اور پھر دعائیہ تقریبات کی خبروں کے ذریعے پتہ چلا کہ ایس ایم تنویر کی والدہ، حقیقتاً ایک عظیم عورت تھیں۔ دین گروپ آپ انڈسٹریز نے ایس ایم منیر کی سربراہی و قیادت میں پاکستان کی صنعت و حرفت میں اگر انمٹ نقوش چھوڑے ہیں تو اس میں ایک خاموش کردار کے طور پر ایس ایم منیر کی زوجہ، ایس ایم تنویر کی والدہ اور پھر اگلی نسل کی بزرگ ہستی کا کردار اس مرکز اور محور کا رہا ہے جس نے تین نسلوں کو ایک گھرانے کے طور پر جوڑے رکھا۔ ایک مٹھی کی طرح، ایک قوت کی شکل دی۔ ایس ایم تنویر مرحوم اگر پاکستان کے ایک کاروباری اور معاشی وژنری کے طور پر اپنی صلاحیتوں کا لوہا منوا سکے تو اس میں مرحومہ کا ایک بیوی کے طور پر کردار ناقابل فراموش تھا۔ ایس ایم منیر ایک عہدساز شخصیت تھے۔ انہوں نے اپنی زوجہ کے ساتھ مل کر ایک خاندان بھی تشکیل دیا جس طرح کاروبار کو مروجہ اصولوں کے مطابق آگے بڑھایا اسی طرح اسلامی طرز پر اپنی نسل کی تربیت بھی کی، انہیں اچھے برے اور حلال حرام کی پہچان کرائی۔ اس کی ایک جھلک مرحومہ کی بیماری کے دوران ان کے بچوں ایس ایم تنویر، عمران اور عرفان نے اس طرح کی کہ ایس ایم تنویر نے اپنے والد کے ساتھ گردہ کی پیوند کاری کے عمل کے دوران پورا عرصہ چین میں ان کی تیمارداری اور دیکھ بھال میں گزارا۔ مرحومہ کی تربیت کا ایک عظیم نظارہ اس وقت سامنے آیا جب یہ اعلان کیا گیا کہ ماں جی کی نماز جنازہ ان کے بیٹے ایس ایم عمران پڑھائیں گے۔ یہ مرحومہ کی عالی تربیت کا نتیجہ تھا۔ ایس ایم منیر کا جنازہ بھی ان کے بیٹے عمران نے ہی پڑھایا تھا۔ مرحوم کی اپنی اولاد کی تربیت کا نتیجہ تھا کہ خاندان کے تمام افراد صدقہ خیرات اور عوامی فلاح و بہبود کے کاموں میں بھی ایسے مصروف رہے جیسے اپنے کاروبار کی بڑھوتی کے لئے کاوشیں کرتے ہیں۔ اس کا بڑا کریڈٹ ایس ایم منیر کو بھی جاتا ہے جنہوں نے اپنی زندگی میں تعلیمی و فنی اداروں کی تشکیل اور صحت عامہ کے اداروں کے لئے اپنے دروازے ہمیشہ کھلے رکھے۔ خواہ ان کا تعلق ان کی اپنی چنیوٹی برادری سے ہو یا کسی غیر برادری سے ان کا خیراتی کھاتہ ہمیشہ کھلا رہتا تھا۔ ایس ایم منیر کا بزنس کمیونٹی سے عشق کوئی راز نہیں ہے۔ اپنی وفات کے روز وہ کمیونٹی کے مسائل کے حل کے لئے ایک کاروباری وفد کے ہمراہ گورنر سندھ سے مذاکرات کر رہے تھے۔

ان کی ایسی سرگرمیوں کے پس پردہ مرحومہ ماں جی کا موثر اور وسیع الفکر و نظر کردار تھا جو ایس ایم منیر کے گھرانے کو سنبھالے ہوئے تھیں۔ ایس ایم منیر مرحوم کے بارے میں شائع ہونے والی کتاب ’’پیدائشی قائد میں ماں جی کے متعلق بتایا گیا کہ ان کی شادی ان کی ولادت سے پہلے ہی طے کر دی گئی تھی اور ان کا جنم اسی گھر، اس کمرے اور اسی بیڈ پر ہوا جس پر 1945ء میں ایس ایم منیر نے آنکھ کھولتی ایس ایم منیر مرحوم اپنی اہلیہ (ماں جی) سے ایک سال آٹھ ماہ بڑے تھے اور ان کی شادی ان (ایس ایم منیر) کے دادا شیخ محمد دین نے اپنی ہمشیرہ کے گھر پیدا ہونے والی بچی کی نسبت ایس ایم منیر سے طے کر دی تھی اور اس تحریر کا عنوان آسمانوں پر طے ہونے والی شادی تھا۔

آسمانوں پر طے ہونے والی شادی کے دونوں کردار، ایس ایم منیر اور ان کی اہلیہ، جنت مکان ہو چکے ہیں لیکن ان کے لواحقین، ان کے بیٹے، پوتے پوتیاں، نواسے نواسیاں اور داماد اسی یکسوئی اور پاکیزہ جذبوں کے ساتھ ایس ایم منیر و ان کی اہلیہ کے مشن کو آگے بڑھا رہے ہیں۔ دین گروپ آف انڈسٹریز اپنی روایات کے مطابق، ایس ایم منیر کے وژن کے مطابق نہ صرف تعمیر و ترقی کی منازل طے کر رہا ہے بلکہ کمیونٹی کی خدمت کی خاندانی روایات کو بھی آگے بڑھا رہا ہے۔

ایس ایم منیر مرحوم جس مشن کو لے کر اٹھے تھے اور اس مشن کو انہوں نے اپنی قائدانہ صلاحیتوں سے جو جلد بخشی وہ پاکستان کے معاشی، صنعتی و تجارتی منظر پر روز روشن کی طرح واضح ہے۔ سماجی خدمات کے شعبے میں بھی ان کی کاوشیں قابل تقلید اور باعث فخر ہیں اب اس مشن کے ساتھ ایس ایم تنویر آگے بڑھ رہے ہیں۔ اپنے والد کے وژن و ماں جی کی تربیت کے ساتھ ایس ایم تنویر یونائیٹڈ بزنس گروپ کے قائد کے طور پر فیڈریشن آف چیمبرز آف کامرس اینڈ انڈسٹری کے پلیٹ فارم پر محترک ہیں۔ ان کی فعال شخصیت کو دیکھ کر لگتا ہے کہ وہ اپنے والد کی طرح ہی، بلکہ ان سے آگے بڑھتے ہوئے نہ صرف صنعتی و کاروباری شعبے میں اپنے نقوش ثبت کریں گے بلکہ پاکستان کو جاری معاشی مسائل سے نکلنے اور قومی خدمات کے حوالے سے بھی قابل فخر خدمات سرانجام دیں گے۔ ان شاء اللہ۔

.

ذریعہ: Nai Baat

کلیدی لفظ: ایس ایم تنویر ایس ایم منیر پاکستان کے ہونے والی کے طور پر کی تربیت کے ساتھ رہے ہیں نے اپنی رہا ہے کے لئے

پڑھیں:

صدر مملکت، وزیر اعظم، فیلڈ مارشل عاصم منیر کی عیدالاضحیٰ پر قوم کو مبارکباد

اسلام آباد:

عیدالاضحیٰ کے موقع پر صدر مملکت آصف علی زرداری، وزیر اعظم شہباز شریف، فیلڈ مارشل سید عاصم منیر اور دیگر اعلیٰ عہدیداران نے قوم کو مبارکباد دیتے ہوئے خصوصی پیغام جاری کیا۔

صدر مملکت آصف علی زرداری

صدر مملکت آصف علی زرداری نے عیدالاضحیٰ 1446ھ کے مبارک موقع پر پوری پاکستانی قوم اور عالم ِاسلام کو دلی مبارکباد پیش کی اور کہا کہ عید الاضحٰی ہمارے ایمان، قربانی، ایثار اور بھائی چارے کے جذبے کو ازسرِ نوزندہ کرنے کا دن ہے۔

انہوں نے کہا کہ عیدالاضحیٰ حضرت ابراہیم ؑ اور حضرت اسماعیل ؑ کی بے مثال اطاعت، قربانی اور تسلیم و رضا کی یاد تازہ کرتی ہے، یہ دن ہمیں یاد دلاتا ہے کہ اللہ کی رضا کے لیے کسی بھی قربانی سے دریغ نہیں کرنا چاہیے۔

صدر مملکت کا کہنا تھا کہ اللہ تعالیٰ کی اطاعت میں ہی ہماری انفرادی اور اجتماعی کامیابی مضمر ہے، ہمیں حضرت ابراہیمؑ کے ایثار و قربانی کی روح سے سبق سیکھنے اور اسے اپنی زندگیوں میں اُتارنے کی ضرورت ہے۔

صدر آصف علی زرداری نے کہا کہ آج ہمیں معاشرے کے کمزور اور محروم طبقات کا سہارا بننے کی ضرورت ہے، ہمیں یہ عہد کرنا چاہیے کہ ہم اپنے اطراف میں موجود ہر محتاج، بیمار،غریب اور مسکین فرد کا ہمیشہ خیال رکھیں گے۔

ہمیں اپنے رویّوں میں قربانی،محبت، بھائی چارے اور اتحاد کو فروغ دینا ہوگا، ہمیں بطور قوم ایک دوسرے کا سہارا بن کر ایک دوسرے کے دکھ درد میں شریک ہو کر پاکستان کو ایک عظیم اور خوشحال ملک بنانا ہے۔

صدر مملکت آصف علی زرداری نے مزید کہا کہ پوری پاکستانی قوم کو اس عزم کا اعادہ کرنا ہے کہ ہم بحیثیت ِقوم دلوں کو نفرت اور تعصب سے پاک کریں گے، اللہ تعالیٰ ہماری قربانیوں کو اپنی بارگاہ میں قبول فرمائے، پاکستان کو امن، ترقی اور خوشحالی عطا فرمائے۔

وزیر اعظم شہباز شریف

وزیراعظم شہباز شریف نے عیدالاضحیٰ 1446ھ کے بابرکت موقع پر قوم کو مبارکباد پیش کرتے ہوئے قربانی کے اصل مفہوم پر زور دیا ہے۔

اپنے خصوصی پیغام میں وزیراعظم نے کہا کہ عیدالاضحیٰ ہمیں صرف جانور کی قربانی کا نہیں، بلکہ اپنی خواہشات، نفس اور ذاتی مفادات کو اعلیٰ قومی مقاصد کے لیے قربان کرنے کا درس دیتی ہے۔

وزیراعظم نے کہا کہ قربانی کا جذبہ انسان میں صبر، حوصلہ، ایثار اور استقامت جیسے اوصاف پیدا کرتا ہے، جو کسی بھی قوم کی ترقی اور استحکام کی بنیاد ہوتے ہیں۔

انہوں نے کہا کہ پاکستان آج ترقی کی راہ پر گامزن ہے اور ایسے میں ہمیں اجتماعی یکجہتی، ایثار اور قربانی کے جذبے کو فروغ دینا ہو گا تاکہ یہ سفر مزید تیزی سے جاری رہے۔

انہوں نے قوم کو حالیہ بھارتی اشتعال انگیزی کے خلاف قوم کے اتحاد اور عزم کی مثال دیتے ہوئے کہا کہ پاکستانی قوم نے دشمن کو واضح پیغام دیا کہ ہم اپنے دفاع، خودمختاری اور وقار کے لیے ہر قسم کی قربانی دینے کو تیار ہیں۔

وزیراعظم کا کہنا تھا کہ اسی جذبے کو ہمیں داخلی چیلنجز اور معاشی مسائل سے نمٹنے کے لیے بھی اپنانا ہو گا۔

شہباز شریف نے اس بات پر زور دیا کہ ہمیں اپنی اقتصادی اور سماجی ذمہ داریوں کو سمجھنا ہو گا اور تمام دستیاب وسائل کو یکجا کر کے قومی ترقی، خوشحالی اور خود کفالت کو یقینی بنانا ہو گا۔

وزیر اعظم شہباز شریف نے مزید کہا کہ عیدالاضحیٰ کا بابرکت دن ہمیں یاد دلاتا ہے کہ قربانی کا راستہ ہمیشہ کامیابی، استحکام اور اجتماعی فلاح کی طرف لے جاتا ہے۔ آئیے آج کے دن یہ عہد کریں کہ ہم ذاتی مفادات سے بالاتر ہو کر ملک و ملت کی خدمت کو ترجیح دیں گے۔

واضح رہے کہ وزیر اعظم شہباز شریف عید کی نماز لاہور میں ادا کریں گے۔

فیلڈ مارشل سید عاصم منیر (نشان امتیاز ملٹری)

عیدالاضحیٰ کے بابرکت موقع پر چیف آف آرمی اسٹاف فیلڈ مارشل سید عاصم منیر (نشانِ امتیاز ملٹری)، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، چیف آف نیول اسٹاف ایڈمرل نوید اشرف اور چیف آف ائیر اسٹاف ایئر مارشل ظہیر احمد بابر سدھو نے پوری قوم کو دلی مبارکباد پیش کی ہے۔

پاک فوج کے شعبہ تعلقات عامہ ( آئی ایس پی آر) کے مطابق افواجِ پاکستان نے اپنے پیغام میں ملک میں پائیدار امن، خوشحالی اور قومی یکجہتی کے لیے نیک تمناؤں اور مخلص دعاؤں کا اظہار کیا ہے۔

پیغام میں کہا گیا کہ پاکستانی قوم کی ثابت قدمی کو خراجِ تحسین پیش کرتے ہیں اور افواجِ پاکستان، قانون نافذ کرنے والے اداروں اور بہادر شہریوں کی قربانیوں کو سراہتے ہیں، جو مادرِ وطن کی سلامتی اور استحکام کے لیے ہر محاذ پر ڈٹے ہوئے ہیں۔

افواجِ پاکستان نے کہا کہ عیدالاضحیٰ خود احتسابی، قربانی اور اتحاد کا مقدس موقع ہے، جو ہمیں معاشرتی ہم آہنگی اور قومی یکجہتی کو فروغ دینے کی تلقین کرتا ہے۔

اس موقع پر یہ عزم دہرایا گیا کہ افواجِ پاکستان قوم کے شانہ بشانہ کھڑی ہیں اور ملک کی خودمختاری اور جغرافیائی سالمیت کے تحفظ کے لیے اپنے مقدس فریضے کی ادائیگی میں ہمہ وقت مستعد ہیں۔

پیغام میں شہداء پاکستان کے عظیم اہلِ خانہ کو بھی خراجِ عقیدت پیش کیا گیا جن کے پیاروں نے قوم اور امن کی خاطر اپنی جانوں کا نذرانہ پیش کیا۔ افواجِ پاکستان نے کہا کہ قوم ان قربانیوں کو ہمیشہ یاد رکھے گی اور ان کے اہل خانہ ہمارے دلوں میں خاص مقام رکھتے ہیں۔

وفاقی وزیر داخلہ محسن نقوی

وفاقی وزیر داخلہ محسن نقوی نے عیدالاضحیٰ کے بابرکت موقع پر امتِ مسلمہ بالخصوص پاکستانی قوم کو دلی مبارکباد پیش کرتے ہوئے کہا ہے کہ یہ دن سنتِ ابراہیمیؑ، اطاعتِ الٰہی، قربانی اور ایثار کا عظیم درس دیتا ہے۔

اپنے تہنیتی پیغام میں وزیر داخلہ نے کہا کہ حضرت ابراہیمؑ اور حضرت اسماعیلؑ کی قربانی تاریخِ انسانیت میں صبر، اطاعت اور ایثار کی بے مثال مثال ہے، جس کی یاد ہمیں نفس کی خواہشات کو قابو میں رکھ کر اللہ کی رضا کے لیے سب کچھ قربان کرنے کا درس دیتی ہے۔

محسن نقوی نے کہا کہ قربانی محض جانور ذبح کرنے تک محدود نہیں بلکہ اصل قربانی یہ ہے کہ ہم اپنی ذاتی خواہشات، مفادات اور انانیت کو قومی مفاد پر قربان کریں۔

انہوں نے کہا کہ قوم نے جس طرح آپریشن معرکۂ حق میں مثالی اتحاد اور قربانی کا مظاہرہ کیا، وہ قابل تحسین ہے۔ 10 مئی کو قوم نے جس سیسہ پلائی دیوار کی طرح مسلح افواج کے ساتھ کھڑے ہو کر یکجہتی دکھائی، وہ ہماری تاریخ کا روشن باب ہے۔

وزیر داخلہ نے کہا کہ شہدائے وطن اور ان کے اہلِ خانہ کو عید کی خوشیوں میں یاد رکھنا ہمارا قومی اور اخلاقی فرض ہے۔ ہم ان عظیم سپوتوں کو سلام پیش کرتے ہیں جنہوں نے وطن عزیز کے دفاع اور امن کے قیام کے لیے اپنی جانوں کا نذرانہ پیش کیا۔”

محسن نقوی نے عوام سے اپیل کی کہ وہ عید کے موقع پر یتیموں، بیواؤں، اور غریبوں کو اپنی خوشیوں میں شامل کریں اور محبت، رواداری اور ہمدردی کے جذبے کو فروغ دیں۔

وزیر داخلہ نے فلسطین اور مقبوضہ کشمیر کے مظلوم بھائی بہنوں کو بھی خراجِ تحسین پیش کرتے ہوئے کہا کہ وہ قربانی کی اصل تصویر ہیں۔ وہ آج بھی ظالم قوتوں کے سامنے ڈٹے ہوئے ہیں اور ہمیں ان کی حمایت اور دعاؤں میں یاد رکھنا چاہیے

آخر میں وزیر داخلہ نے دعا کی کہ یہ عید امت مسلمہ کے لیے رحمت، برکت اور امن کا پیغام ثابت ہو اور اللہ تعالیٰ ہمیں قربانی کی اصل روح کو سمجھنے اور اس پر عمل پیرا ہونے کی توفیق عطا فرمائے۔

اسپیکر قومی اسمبلی سردار ایاز صادق

اسپیکر قومی اسمبلی سردار ایاز صادق نے قوم اور امت مسلمہ کو عیدالاضحیٰ کی دلی مبارکباد پیش کرتے ہوئے کہا ہے کہ یہ عظیم دن ہمیں قربانی، ایثار، اطاعت اور اتحاد کا درس دیتا ہے۔

ان کا کہنا تھا کہ حضرت ابراہیمؑ و اسماعیلؑ کی قربانی انسانیت کے لیے مشعل راہ ہے، اور اللہ کی رضا کے لیے ہر قسم کی قربانی پر آمادگی ہمارا دینی فریضہ ہے۔

انہوں نے کہا کہ عید کی خوشیاں مستحقین، کمزور طبقات اور شہداء کے اہل خانہ کے ساتھ بانٹنا اصل اسلامی تعلیمات کا تقاضا ہے۔

اسپیکر نے مسلح افواج کے جری جوانوں کو بھی عید کی مبارکباد دی اور کہا کہ پوری قوم سرحدوں کے محافظوں کے ساتھ کھڑی ہے، پاکستانی قوم کو 10 مئی کو ملنے والی خوشی سب خوشیوں سے بڑھ کر ہے۔

سردار ایاز صادق نے کشمیری اور فلسطینی عوام سے اظہارِ یکجہتی کرتے ہوئے عالمی برادری سے مطالبہ کیا کہ وہ بھارت اور اسرائیل کی انسانی حقوق کی خلاف ورزیوں کا نوٹس لے۔

انہوں نے عوام سے اپیل کی کہ قربانی کی آلائشیں حکومتی ہدایات کے مطابق ٹھکانے لگائیں اور صفائی و نظم و ضبط کا خاص خیال رکھا جائے تاکہ بیماریوں سے بچاؤ ممکن بنایا جا سکے۔

گورنر خیبر پختونخوا فیصل کریم کُنڈی

گورنر خیبر پختونخوا فیصل کریم نے عیدالاضحی پر پوری قوم کو مبارکباد دیتے ہوئے کہا کہ عیدالاضحی ایثار، قربانی، خلوص اور انسانیت کے جذبے کی تجدید کا دن ہے۔

انہوں نے کہا کہ عید الاضحی کی خوشیوں میں غریب، نادار اور مستحق افراد کو بھی شریک کریں، عید کے ایام ہمیں باہمی اخوت، ہمدردی اور اتحاد و یگانگت کا پیغام دیتے ہیں۔

وزیر اعلیٰ سندھ سید مراد علی شاہ

وزیراعلیٰ سندھ سید مراد علی شاہ نے عیدالاضحیٰ 1446ھ کے بابرکت موقع پر مسلم اُمہ بالخصوص پاکستان اور سندھ کے عوام کو دلی مبارکباد پیش کی ہے۔

اپنے خصوصی پیغام میں وزیراعلیٰ نے کہا کہ عیدالاضحیٰ حضرت ابراہیم علیہ السلام کی بے مثال قربانی کی یاد دلاتی ہے، جنہوں نے اللہ تعالیٰ کے حکم پر اپنے بیٹے حضرت اسماعیلؑ کو قربان کرنے کا عزم کیا۔ یہ واقعہ ہمیں ایثار، صبر، وفاداری اور قربانی جیسے اعلیٰ اوصاف اپنانے کا پیغام دیتا ہے۔

وزیراعلیٰ نے عوام سے اپیل کی کہ عید کی خوشیوں میں غریبوں، یتیموں، بیواؤں اور مستحق افراد کو ضرور شریک کیا جائے، تاکہ یہ خوشیاں حقیقی معنوں میں پوری قوم کے لیے بن سکیں۔ انہوں نے کہا کہ سندھ کا معاشرہ ہمیشہ انسان دوستی، اخلاص اور اتحاد کا علمبردار رہا ہے اور ہماری روایات رواداری، سماجی فلاح اور بھائی چارے پر قائم ہیں۔

سید مراد علی شاہ نے عازمین حج سے اپیل کی کہ وہ مقدس سرزمین پر سندھ، پاکستان کی ترقی و خوشحالی کے لیے خصوصی دعائیں کریں اور فلسطین و کشمیر کے مظلوم مسلمانوں کو بھی اپنی دعاؤں میں یاد رکھیں۔

عید کے موقع پر صفائی کی اہمیت پر زور دیتے ہوئے وزیراعلیٰ نے تمام ضلعی اور بلدیاتی انتظامیہ کو ہدایت دی کہ قربانی کی آلائشوں کی بروقت صفائی کو یقینی بنایا جائے، تاکہ عوام کو کسی قسم کی دشواری کا سامنا نہ ہو اور ماحول کو صاف رکھا جا سکے۔

وزیراعلیٰ سید مراد علی شاہ نے اس عزم کا اعادہ کیا کہ سندھ حکومت صوبے میں امن، ہم آہنگی اور ترقی کے ایجنڈے پر مسلسل عمل پیرا رہے گی، اور عوامی خدمت کا مشن پوری لگن سے جاری رکھا جائے گا۔

Tagsپاکستان