رونالڈو آرمی چیف گول پہ گول کررہے ہیں، فیصل واوڈا
اشاعت کی تاریخ: 30th, January 2025 GMT
کراچی:
سینیٹر فیصل واوڈا نے کہا ہے پاکستان کیلیے ٹھنڈی ،مثبت اور خیر کی ہوائیں بیرون ملک سے آرہی ہیں جو چلتی رہیں گی،یہ کامیابیوں اور بلندیوں کی ابتدا ہے۔
انھوں نے ایک بیان میں کہا متنازع پیکا ایکٹ پی ٹی آئی دور میں آرڈیننس کے ذریعے آیا اور بہت سخت آیا تھا۔
فیک نیوز کے معاملے میں سیاستدان ہو یا کوئی بھی، آج جتنی آزادی ہے، یہ مشرف دور میں ملی, ایسے یوٹیوبر ہیں جو ملک کے خلاف باتیں کرتے ہیں، جس پرکارروائی ہونی چاہئے۔
اگرپارلیمنٹ کہتی آئین قانون ہے تو فوج ، عدالتوں اور سب کو ماننا پڑے گا، پارلیمنٹ کا کام قانون سازی ہے اس سے کوئی نہیں روک سکتا۔
فیصل واوڈا نے’ کل تک ‘ میں گفتگو کرتے ہوئے کہاکہ ٹرمپ کے غبارے سے ہوا نکل گئی،امریکی انتظامیہ کا مطمئن ہونا کہ پاکستان اوراس کی فوج کے ساتھ ہیں۔
اللہ نے فوج کو ملک کا ضمانتی اور وسیلہ بنایا ہے ،وہ دیوالیہ نہیں ہونے دے گی۔ انھیں پاکستان کارونالڈو سمجھتا ہوں وہ مثبت خبریں لے کر آ رہے ہیں۔ ان کی 38 سال کی نوکری میں دیکھتے ہیں، وہ بے داغ ہیں.
ان کے بچوں کا aسکینڈل سنا نہ اہلخانہ کا۔ اچھا یا برا لگے، آپ کو کریڈٹ دینا پڑے گا پاکستان کے رونالڈو، آرمی چیف کو.
آئی پی پیز لے لیں، شرح سود لے لیں،سرمایہ کاری لے لیں، سفارتکاری لے لیں، امن لے لیں، اسمگلنگ لے لیں، کرنٹ اکاؤنٹ خسارہ لے لیں۔ یہ سب چیزیں میرا باپ کر رہا ہے؟جمہوری لوگ کر رہے ہیں؟ یہ سراسر جھوٹ ہے۔ ملک کے اندر ایک ٹیم کو ہیڈ کر رہا ہے،گول پہ گول کر رہا ہے۔
شہبازشریف بطور وزیراعظم عقلمند آدمی ہیں عمران خان اور نواز شریف والی غلطی نہیں کر رہے۔ اب دھرنا ہے، نہ مرنا ہے، نہ کچھ اور ہونا ہے۔ کچھ بھی نہیں ، لاہور میں ڈرامہ کیاگیا۔
کے پی کے میں اربوں کھربوں کی چوری اور ماردھاڑ جاری ہے، عمران خان نے خود ہی کہہ دیا، گنڈاپور صدارت سے گئے ،ان کی وزارت اعلیٰ بھی جائے گی۔
گوہر صاحب بھی زیادہ دیر چلتے نظر نہیں آ رہے کیونکہ حکومت کا ہدف عمران خان کو جیل میں رکھناہے،پی ٹی آئی کا بھی ہدف ہے۔
پیکا کا رونا پڑا ہے، اس کی اسٹینڈنگ کمیٹی کا چیئرمین پی ٹی آئی کا ہے۔ پی ٹی آئی اس حکومت کی ضامن ہے،وہ مراعات لیتی ہے۔پیکا قانون میں ایک اور سطر ڈالنا چاہیے کہ یہ سیاستدانوں اور دیگر پر بھی لاگو ہوگا۔
جب تک عدالتی نظام ٹھیک نہیں ہوگا،ملک آگے نہیں بڑھ سکتا۔ اس حکومت میں بھی ایک شہزاد اکبر اور ایک عالم خان ہے۔ جب وقت آئے گا تو ایک پھر نکل جائے گا آج کا شہزاد اکبر ، اس حکومت کا، ایک رہ جائے گا۔
ذریعہ: Express News
کلیدی لفظ: لے لیں
پڑھیں:
قائد اعظم سے ملاقات کر چکا ہوں، فیصل رحمٰن
کراچی(نیوز ڈیسک)سینئر اداکار فیصل رحمٰن نے انکشاف کیا ہے کہ انہوں نے بانی پاکستان قائد اعظم محمد علی جناح سے ملاقات کی تھی اور انہیں آج بھی ان سے ملاقات یاد ہے۔
فیصل رحمٰن نے حال ہی میں سنو ٹی وی کے پروگرام میں شرکت کی، جہاں انہوں نے کیریئر سمیت دیگر معاملات پر کھل کر بات کی۔
انہوں نے بتایا کہ انہوں نے کم عمری میں فلموں سے کیریئر کا آغاز کیا، جوانی میں ہی اسٹار بن گئے تھے۔
ان کے مطابق انہیں سب سے زیادہ اداکارہ شبنم کے ساتھ کام کرنے میں مشکل پیش آئی، کیوں کہ وہ ان سے کچھ زائد العمر تھیں اور ان کے ساتھ انہیں فلم میں رومانس کرنا تھا۔
ان کا کہنا تھا کہ وہ بہت ساری اداکاراؤں کے ساتھ ہیرو آئے، اب ان سے ملتا ہوں تو ان سے کم عمر لگتا ہوں لیکن کبھی کسی نے مذاق میں بھی اپنا بیٹا نہیں کہا۔
فیصل رحمٰن کے مطابق شبنم کے ساتھ کام کرتے وقت یا ملتے وقت ایسا ضرور محسوس ہوتا تھا کہ جیسے میں ان کا بیٹا ہوں۔
انہوں نے مسکراتے ہوئے کہا کہ ممکن ہے کہ ان کے ساتھ ہیروئن کے طور پر فلموں اور ڈراموں میں نظر آنے والی خواتین کا انہیں دیکھ کر اب خون جلتا ہو۔
شادی سے متعلق سوال پر انہوں نے کہا کہ انہیں شادی نہ کرنے کا کوئی افسوس نہیں، انہیں آج تک کسی سہارے کی ضرورت نہیں پڑی اور ان کی خواہش ہے کہ انہیں آگے بھی کسی کے سہارے کی ضرورت نہ پڑے۔
ان کے مطابق وہ آزاد پسند انسان تھے، جس وجہ سے انہوں نے شادی نہیں کی، ایسا نہیں ہے کہ انہیں محبت میں دھوکا ملا تو ان کا شادی سے دل اٹھ گیا۔
ایک اور سوال کے جواب میں انہوں نے بتایا کہ انہیں اداکاری کا کوئی شوق نہیں تھا، اتفاق سے اداکار بنے اور پھر انہیں اداکاری میں مزہ آگیا، ابتدائی طور پر وہ بیورو کریٹ بننا چاہتے تھے۔
فیصل رحمٰن کا کہنا تھا کہ انہیں سینٹرل سپیریئر سروس (سی ایس ایس) کا امتحان پاس کرکے فارن سروس میں ملازمت کا شوق تھا لیکن ایسا نہ ہوسکا، تاہم ابھی تک ان کی دلچسپی عالمی سیاست اور واقعات میں ہی ہے۔
فٹنیس کے حوالے سے بات کرتے ہوئے فیصل رحمٰن کا کہنا تھا کہ وہ صحت مند غذا کھانے سمیت ورزش کرتے ہیں جب کہ قدرتی طور پر ان کے خاندان کے سب لوگ فٹ ہیں جو اپنی عمر سے 10 سال کم نظر آتے ہیں۔
انہوں نے اپنی عمر بتانے سے گریز کرتے ہوئے کہا کہ وہ مداحوں کو بتانا چاہتے ہیں کہ وہ بچپن میں قائد اعظم سے بھی مل چکے ہیں، اب وہ خود ان کی عمر کا اندازہ لگا لیں۔
ان کی جانب سے قائد اعظم سے ملاقات کے انکشاف کے بعد ٹی وی میزبان نے انہیں کہا کہ کیا وہ 80 سال کے ہیں، اس پر اداکار نے کہا کہ اس سے کم عمر ہوں۔
فیصل رحمٰن نے مزید بتایا کہ جب وہ قائد اعظم سے ملے، تب وہ دو سال سے زائد العمر تھے، انہیں بانی پاکستان سے ملاقات مکمل طور پر یاد تو نہیں لیکن خواب کی طرح انہیں یاد ہے کہ وہ محمد علی جناح سے ملے تھے۔
خیال رہے کہ بانی پاکستان 11 ستمبر 1948 کو فانی دنیا سے کوچ کر گئے تھے اور اگر فیصل رحمٰن نے ان سے 4 سال کی عمر 1948 میں ہی ملاقات کی تھی تو بھی اداکار کی عمر 81 برس ہوئی۔
مزیدپڑھیں:گاڑیوں کی ڈیلیوری میں تاخیر کیوں، لکی موٹرز نے وجہ بتادی
9 مئی مقدمات؛ ملزمان میں چالان کی نقول تقسیم، فرد جرم کے لیے تاریخ مقرر