حکومت ضد نہ کرے ، بجلی سستی کرے، لیاقت بلوچ
اشاعت کی تاریخ: 1st, February 2025 GMT
لاہو ر (نمائندہ جسارت)نائب امیر جماعت اسلامی، سیکرٹری جنرل ملی یکجہتی کونسل لیاقت بلوچ نے کہاہے کہ ’’بجلی سستی کرو‘‘ ملک گیر احتجاج عوام اور بجلی صارفین کی ترجمانی ہے۔ مہنگی بجلی اور سولر صارفین کے لیے حکومت اور بجلی تقسیم کار کمپنیوں کے ناروا ریٹس ناقابل برداشت ہوگئے ہیں۔ آئی پی پیز کے اقدامات اور شرحِ سود میں کمی سے ہونے والی بچت کا براہِ راست ریلیف بجلی، گیس اور پیٹرول، ڈیزل استعمال کرنے والے صارفین کو ملنا چاہیے۔ حکومت ضِد نہ کرے، دھوکا نہ دے، بجلی سستی کرے۔ بجلی کمپنیوں کے ملازمین سے بھی بجلی استعمال کی حقیقی قیمت وصول کی جائے۔ مہنگی بجلی کے خلاف جماعت اسلامی کے ملک گیر احتجاج کو حکومت وارننگ جانے، اگلے مرحلے میں ضِدی، بے حس حکمرانوں کو شدید عوامی ردِعمل اور مزاحمت کا سامنا ہوگا۔لیاقت بلوچ نے بہاولنگر میں تحریک انصاف کے رہنما اور سابق رکن قومی اسمبلی سید افسرشاہ کی وفات پر اُن کے خاندان سے تعزیت کی اور معززین کے جرگے سے خطاب کیا۔ اِس موقع پر جنوبی پنجاب کے رہنما صہیب عمار صدیقی، ارسلان خان خاکوانی، ولید ناصر اور دیگر رہنما بھی موجود تھے۔لیاقت بلوچ نے منصورہ میں مرکزی تربیت گاہ کے شرکا سے خطاب کرتے ہوئے کہا کہ خاتم الانبیا حضرت محمد صلی اللہ علیہ وسلم کے طریقہ انقلاب نے ہی دُنیا کو امن، سلامتی، انسانی عظمت اور ترقی کا پائیدار راستہ دیا۔ رسول اللہ صلی اللہ علیہ وسلم نے پورے معاشرے کو پستی کی گہرائیوں سے نکال کر بامِ عروج دیا اور مثالی مہذب معاشرہ بنادیا۔ رسول اللہ صلی اللہ علیہ وسلم کا انقلاب معجزہِ کردار، معجزہِ قرآن اور معجزہِ اخلاق و کلام کا شاہکار تھا۔ ملت اسلامیہ آج بھی پستی سے نجات کے لیے اسلام کے اجتماعی نظام کو تسلیم کرے۔ اشتراکیت، سوشلزم، قوم پرستی، علاقائی تعصب نے زہریلے نظام ناکام ہوئے۔ مغربی تہذیب اور سرمایہ دارانہ، جاگیردارانہ مفادپرستانہ نظام بھی ناکام اور رُسوا ہورہے ہیں۔ مستقبل اسلام کا ہے۔ قرآن و سنت کی بالادستی ہی اُمت کو عظمت رفتہ واپس دِلائے گی۔ تربیت گاہ میں ملاکنڈ، شانگلہ، بونیر اور دیر کے کارکنان شریک تھے۔ لیاقت بلوچ نے بہاولنگر اور لاہور میں صحافیوں کے سوالات کے جواب میں کہا کہ فوج کے افسر اور جوان شہادتوں کے ذریعے ملکی سلامتی کا فرض ادا کررہے ہیں۔ دہشت گردی کے خاتمے کے لیے حکومتی یکطرفہ حکمت عملی نقصانات کا باعث بن رہی ہے۔ امن کے قیام کے لیے قومی ایکشن پلان پر ازسرنو قومی اتفاقِ رائے پیدا کیا جائے۔ وفاقی، صوبائی حکومتیں اور سیکورٹی فورسز ایک پیج پر ہوں، آئین، قانون اور جرگہ معاہدوں پر عملدرآمد سے عوامی اعتماد بحال کیا جائے۔ لیاقت بلوچ نے کہا کہ وزیراعظم شہباز شریف کی پی ٹی آئی کو مذاکرات کی پیشکش اور پارلیمانی کمیٹی بنانے پر آمادگی اچھی کاوش ہے لیکن اپوزیشن کی تمام جماعتوں کا مطالبہ اور سوال ہے کہ جوڈیشل کمیشن کیوں نہیں بنا۔
.ذریعہ: Jasarat News
کلیدی لفظ: لیاقت بلوچ نے کے لیے
پڑھیں:
قومی اقتصادی سروے آج پیش کیا جائے گا، حکومت معاشی ترقی کا ہدف حاصل میں ناکام
قومی اقتصادی سروے آج پیش کیا جائے گا، حکومت معاشی ترقی کا ہدف حاصل میں ناکام WhatsAppFacebookTwitter 0 9 June, 2025 سب نیوز
اسلام آباد: قومی اقتصادی سروے آج پیش کیا جائے گا جب کہ حکومت معاشی ترقی کا ہدف حاصل کرنے میں ناکام رہی ہے۔
وفاقی حکومت کی جانب سے مالی سال 2024-25 کی اقتصادی کارکردگی پر مبنی اکنامک سروے آج پیش کیا جائے گا، جس کے مطابق رواں مالی سال پاکستان کی معیشت کی عبوری شرح نمو 2.68 فیصد رہی، جو مقررہ ہدف 3.6 فیصد سے نمایاں طور پر کم ہے۔
ذرائع کے مطابق رواں مالی سال کے دوران معیشت کا حجم 39 ارب 30 کروڑ ڈالر کے اضافے سے 410 ارب 96 کروڑ ڈالر تک پہنچا جب کہ گزشتہ سال یہ حجم 371 ارب 66 کروڑ ڈالر تھا۔
معیشت کا حجم ملکی سطح پر 9600 ارب روپے بڑھا اور مجموعی حجم 114.7 ہزار ارب روپے رہا، جو گزشتہ سال کے 105.1 ہزار ارب روپے کے مقابلے میں نمایاں اضافہ ہے۔ اسی طرح فی کس سالانہ آمدن 144 ڈالر کے اضافے سے 1680 ڈالر رہی۔
ملکی زرعی شعبے کی کارکردگی مجموعی طور پر مایوس کن رہی۔ اہم فصلوں کی شرح نمو منفی 13.49 فیصد رہی جب کہ ہدف منفی 4.5 فیصد تھا۔ کاٹن جیننگ میں بھی شدید کمی دیکھی گئی اور یہ شعبہ منفی 19 فیصد تک سکڑ گیا۔ زرعی شعبے کی مجموعی گروتھ 0.56 فیصد رہی، جو کہ ہدف یعنی 2 فیصد سے کم تھی۔
اسی طرح لائیو اسٹاک اور دیگر فصلوں میں قدرے بہتری دیکھی گئی، جن کی شرح نمو بالترتیب 4.72 اور 4.78 فیصد رہی۔ جنگلات اور ماہی گیری کے شعبے بھی اہداف سے پیچھے رہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچینی قوم کی وحدت کا تصور ثقافت اور اخلاق سے ہم آہنگ ہے، چینی میڈیا چینی قوم کی وحدت کا تصور ثقافت اور اخلاق سے ہم آہنگ ہے، چینی میڈیا کمزوری کا ڈرامہ اور رونے کی اداکاری”: بحیرہ جنوبی چین میں فلپائن کی بلیک میلنگ کی حکمت عملی ۔ سی ایم جی کا تبصرہ شی جن پھنگ کا میانمار کے رہنما کے ساتھ چین میانمار سفارتی تعلقات کے قیام کی پچھترہویں سالگرہ کے موقع پر تہنیتی پیغامات کا... شو چھی لیانگ کی آخری رسومات ادا کر دی گئیں چین کے نائب وزیر اعظم برطانیہ کا دورہ اور چین امریکہ اقتصادی و تجارتی مشاورتی میکانزم کے پہلے اجلاس کا انعقاد کریں گے چین نے ریئر ارتھ میٹلز کی اہل درخواستوں کی ایک مخصوص تعداد کی منظوری دی ہے ، چینی وزارت تجارتCopyright © 2025, All Rights Reserved
رابطہ کریں ہمارے بارے ہماری ٹیم
جانے سے پہلے کا آخری بوسہ، بیٹے نے سلطان راہی سے آخری ملاقات کی تفصیل بتا دی