مسافر ٹرینوں کے کرایوں میں اضافہ، نوٹیفکیشن جاری
اشاعت کی تاریخ: 4th, February 2025 GMT
پاکستان ریلویز نے پیٹرولیم مصنوعات کی قیمتوں میں اضافے کے پیش نظر مسافر ٹرینوں کے کرایوں میں اضافہ کردیا ہے۔
پاکستان ریلویز نے اس حوالے سے نوٹیفکیشن جاری کردیا ہے، جس کے مطابق مسافر ٹرینوں کے کرایوں میں 5 فیصد اضافہ کیا گیا ہے۔ مسافر ٹرینوں کے کرایوں میں اضافے کا اطلاق 5 فروری (بدھ) سے ہوگاْ۔۔
یہ بھی پڑھیں: وفاقی حکومت کا پیٹرولیم مصنوعات کی قیمتوں میں پھر اضافے کا اعلان
نوٹیفکیشن میں بتایا گیا ہے کہ ٹرین کی تمام کلاسز کے ٹکٹ میں 5 فیصد اضافہ کیا گیا ہے، کرایوں میں اضافے کا اطلاق سیلون سروس پر بھی ہوگا۔ مسافر ٹرینوں کے کرایوں میں اضافے کا اطلاق تمام آؤٹ سورس ٹرینوں پر بھی ہوگا۔
واضح رہے کہ وفاقی حکومت نے 31 جنوری کو پیٹرول کی قیمت میں فی لٹر ایک روپے کا اضافے کا اعلان کیا تھا جس کے بعد فی لٹر پٹرول کی نئی قیمت 257 روپے 13 پیسے ہوگئی ہے۔ وفاقی حکومت کے نوٹیفکیشن کے مطابق، ہائی اسپیڈ ڈیزل کی قیمت میں 7 روپے کا اضافہ کیا گیا، جس کے بعد ڈیزل کی فی لیٹر نئی قیمت 267 روپے 95 پیسے ہوگئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 فیصد wenews پاکستان ریلویز پیٹرولیم مصنوعات ریلوے قیمت میں اضافہ کرایوں میں اضافہ نوٹیفکیشن.ذریعہ: WE News
کلیدی لفظ: 5 فیصد پاکستان ریلویز پیٹرولیم مصنوعات ریلوے قیمت میں اضافہ کرایوں میں اضافہ نوٹیفکیشن مسافر ٹرینوں کے کرایوں میں میں اضافہ میں اضافے اضافے کا کی قیمت
پڑھیں:
سونے کی عالمی اور مقامی مارکیٹوں میں قیمتیں مستحکم، چاندی مہنگی ہوگئی
کراچی:مقامی اور بین الاقوامی بلین مارکیٹ میں سونے کی قیمتیں بغیر کسی تبدیلی کے مستحکم رہیں تاہم چاندی کی قیمتوں میں اضافے کا تسلسل برقرار رہا۔
بین الاقوامی بلین مارکیٹ میں جمعرات کے روز فی اونس سونے کی قیمت بغیر کسی تبدیلی کے 3ہزار 668ڈالر کی سطح پر مستحکم رہنے کے نتیجے میں مقامی صرافہ مارکیٹوں میں بھی 24قیراط کے حامل فی تولہ سونے کی قیمت بغیر کسی تبدیلی کے 3لاکھ 88ہزار 600 روپے کی سطح پر مستحکم ہے۔
اسی طرح ملک میں فی 10 گرام سونے کی قیمت بھی بغیر کسی تبدیلی کے 3لاکھ 33ہزار 161روپے کی سطح پر مستحکم رہی۔
سونے کی قیمتوں میں استحکام کے برعکس فی تولہ چاندی کی قیمت 31روپے کے اضافے سے 4ہزار 418روپے اور فی 10 گرام چاندی کی قیمت بھی 26روپے کے اضافے سے 3ہزار 787روپے کی سطح پر آگئی۔
سونے کی قیمت نئی بلند ترین سطح پر پہنچ گئی