پاکستان وسائل سے مالا مال ہے، معیشت کمزور ہے تو کرپٹ حکمرانوں کی وجہ سے ہے
اشاعت کی تاریخ: 5th, February 2025 GMT
لاہور ( اردوپوائنٹ اخبار تازہ ترین۔ آئی پی اے ۔ 05 فروری 2025ء ) امیر جماعت اسلامی حافظ نعیم الرحمن نے کہا ہے کہ ٹرمپ گرتی ہوئی اور شکست خوردہ صہیونیت کو سہارا دینے کی کوشش کر رہے ہیں، منہ کی کھائیں گے۔امریکی صدر کا غزہ کو خالی کرانے کا بیان احمقانہ ہے، پاکستان مذمت کرے۔ حماس زمینی حقیقت، تسلیم کیے بغیر دنیا کی سیاست آگے نہیں بڑھ سکتی، کشمیر سہ فریقی مسئلہ، پاکستان کی تقدیر اور تکمیل کا معاملہ ہے، جو کشمیر کا سودا کرے گا پاکستانی قوم اسے نشان عبرت بنا دے گی، گزشتہ چند سالوں سے کشمیر کاز کو کھٹائی میں ڈالا گیا، آج یوم یکجہتی کشمیر کے موقع پر تحریک آزادی کشمیر کو از سرِ نو منظم کرنے کا اعلان کرتے ہیں، بھارت سے تجارت کی نہیں اسے دنیا میں تنہا کرنے کی ضرورت ہے، اسلام آباد معذرت خواہانہ رویہ اپنانے کی کشمیریوں کا مقدمہ پوری دنیا میں لڑے، آزاد کشمیر کو تحریک آزادی کشمیر کا بیس کیمپ بنایا جائے، کشمیر پر خاموشی ہندو سامراج اور گجرات کے قصاب کی حمایت کے مترادف ہے، اہل کشمیر کو یقین دلاتا ہوں کہ پوری پاکستانی قوم آپ کی پشت بان ہے، جماعت اسلامی کشمیر کاز کو ملک کے کونے کونے میں اجاگر کرے گی۔
(جاری ہے)
ان خیالات کا اظہار انہوں نے یوم یکجہتی کشمیر کے موقع پر جماعت اسلامی لاہور کی جانب سے مال روڑ لاہور ہر نکالے جانے والے کشمیر مارچ سے خطاب کرتے ہوئے کیا۔ سیکرٹری اطلاعات قیصر شریف، امیر لاہور ضیاالدین انصاری ایڈووکیٹ، انجینئراخلاق احمد،اظہر بلال،خالد احمد بٹ،چوہدری محمد شوکت،وقاص احمد بٹ،احسان بٹ،عبد العزیز عابد،جبران بٹ اور دیگر ذمہ داران بھی موجود تھے۔ خواتین، بچوں، بزرگوں سمیت مختلف طبقہ ہائے فکر کے افراد کی بڑی تعداد نے پاکستان، آزاد کشمیر اور جماعت اسلامی کے پرچم اٹھا کر مارچ میں شرکت کی۔ لوگوں نے کتبے اور بینرز بھی اٹھا رکھے تھے جن پر تحریک آزادی کشمیر کے حق میں نعرے درج تھے۔ یوم یکجہتی کشمیر جو سابق امیر جماعت اسلامی قاضی حسین احمدؒ کی تجویز پر قومی اور حکومتی سطح پر گزشتہ تین دہائیوں سے منایا جاتا ہے کے موقع پر جماعت اسلامی کے زیر اہتمام ملک گیر ریلیاں اور مارچز منعقد کیے گئے۔ اسلام آباد، راولپنڈی، کراچی، کوئٹہ، پشاور، فیصل آباد، ملتان، حیدرآباد، سکھر، بنوں، دیر اور دیگر سیکڑوں شہروں میں نکالی جانے والی ریلیوں میں ہزاروں افراد نے شرکت کی۔ امیر جماعت نے لاہور ریلی سے خطاب کرتے ہوئے کہا کہ حکومت ٹرمپ کے غزہ کو خالی کرانے کے منصوبہ کی مذمت اور اہل فلسطین کی حمایت کا اعادہ کرے۔ دنیا میں امریکہ، اسرائیل اور بھارت تین بڑے دہشت گرد ہیں، 60ہزا رفلسطینیوں کا خون پینے والا نیتن یاہو ٹرمپ کی گود میں بیٹھ گیا ہے، حماس کو دہشت گرد کہنے والا خود سب سے بڑا دہشت گرد ہے، غزہ کو خالی کرانے کے ناپاک منصوبہ کو پوری دنیا نے مسترد کردیا ہے، امریکہ اسرائیل کی نسل کشی کی حمایت کی وجہ سے دنیا میں تنہا ہورہا ہے، مودی بھارت کو تنہائی کی طرف لے جارہا ہے، امریکہ اور کینیڈا میں علیحدگی پسندوں کے خلاف نئی دہلی کے ایکشن سے دونوں ممالک اس سے ناراض ہیں، بھارت میں ناگا لینڈ، ہماچل، آسام اور پنجاب میں علیحدگی کی تحریکیں چل رہی ہیں،بھارت نے مقبوضہ کشمیر میں ایک لاکھ لوگوں کو شہید کیا، وہاں دس لاکھ قابض افواج موجود ہے، انسانی حقوق کی شدید خلاف ورزیاں ہورہی ہیں، ان حالات میں پاکستانی حکومت کی ذمہ داری ہے کہ کشمیری قیادت کو ساتھ ملا کر مسئلہ کشمیر پر پوری دنیا میں سفارت کاری کو تیز کیا جائے۔ بھارت سے آلو،پیاز کی تجارت کا بیانیہ ایک سازش ہے، بھارت کشمیریوں کا قاتل ہے، ہم بھارتی عوام کے مخالف نہیں، کشمیریوں کو حق خود ارادیت ملنے تک بھارت سے کسی قسم کے تعلقات نہیں چاہتے، اسی طرح اگرکسی نے اسرائیل کو تسلیم کرنے کا سوچا بھی تو قوم اسے گریبان سے پکڑے گی۔حافظ نعیم الرحمن نے کہا کہ کشمیر پر اقوام متحدہ کی سترہ قراردادیں ہیں، اقوام متحدہ تو خاموش ہے، بدقسمتی سے پاکستان میں حکومتی سطح پر بھی گزشتہ چندسالوں سے ماضی کی نسبت خاموشی چھائی ہوئی ہے، مشرقی سرحد کو بھلا کر تمام توجہ مغربی سرحد پر مرکوز ہے، پاکستان کو ایک ایجنڈے کے تحت افغانستان سے لڑایا جارہا ہے، بھارت سے تعلقات کی چہ میگوئیاں جاری ہیں، کہا جاتا ہے کہ جنرل (ر) باجوہ کے دور میں کشمیر پر سودے بازی ہوئی، ہونا یہ چاہیے تھا کہ جب بھارت نے مقبوضہ کشمیر کی خصوصی حیثیت ختم کی تو پاکستانی فوج مقبوضہ وادی کی جانب پیش قدمی کرتی، اس سے پوری دنیا کی توجہ کشمیر پر آجاتی، بدقسمتی سے ایسا نہ ہوا اور سودے بازی کی باتیں ہونے لگیں، اگر سودے بازی نہیں ہوئی تو حکومت اور فورسز کی ذمہ داری ہے کہ اس پر وضاحت جاری کرے اور تحریک آزادی کشمیر کی حمایت کا اعادہ کیا جائے۔ انہوں نے کہا کہ عوام کو کمزور معیشت کے بہانے بنا کر ڈرانے کی کوشش نہ کی جائے، پاکستان وسائل سے مالا مال ہے، معیشت کمزور ہے تو یہ کرپٹ حکمرانوں کی وجہ سے ہے، حکمران معیشت کا بہانہ بنا کر بزدلی نہ دکھائیں، اقوام متحدہ کے چارٹر کے تحت کشمیریوں کی تحریک مزاحمت قانونی اور اس کی حمایت بھی قانون کے عین مطابق ہے۔ انہوں نے کہا کہ پاکستان کے اندر را کی کاروائیوں کی خبریں ہیں، عوام وضاحت چاہتے ہیں۔ امیر جماعت نے کہا کہ بھارت کو بنگلہ دیش میں زبردست جھٹکا لگا، بنگلہ دیش میں پاکستان سے تعلقات کی بحالی کی تحریک زور پکڑ چکی ہے، بھارت اور اس کے حمایتی رسوا ہوچکے ہیں، ضروت اس امر کی ہے کہ پاکستان پوری دنیا کے باضمیر لوگوں کو بھارت کے مظالم اور سازشوں سے آگاہ کرے اور انہیں تحریک آزادی کشمیر کی حمایت پر آمادہ کرے۔ انہوں نے اس موقع پر جماعت اسلامی لاہور کی کامیاب مارچ کے انعقاد پر تحسین کی اور شرکا کا شکریہ ادا کیا۔ انہوں نے کشمیری شہدا اور خصوصی طور پرسید علی گیلانیؒ شہید کی جدوجہد کو خراج تحسین پیش کیا۔ انہوں نے آسیہ اندرابی اور بھارتی جیلوں میں بند دیگر حریت پسندوں کی غیر متزلزل قیادت کو بھی خراج عقیدت پیش کرتے ہوئے کہا کہ انہیں یقین ہے کہ مقبوضہ کشمیر جلد بھارتی تسلط سے آزاد ہوکر پاکستان کا حصہ بنے گا۔.ذریعہ: UrduPoint
کلیدی لفظ: تلاش کیجئے تحریک آزادی کشمیر جماعت اسلامی پوری دنیا نے کہا کہ کشمیر کا بھارت سے دنیا میں کی حمایت انہوں نے
پڑھیں:
بھارت ابھی تک پاکستان کیخلاف سازشوں میں مصروف ہے، عطا اللہ تارڑ
بھارت ابھی تک پاکستان کیخلاف سازشوں میں مصروف ہے، عطا اللہ تارڑ WhatsAppFacebookTwitter 0 3 November, 2025 سب نیوز
اسلام آباد(آئی پی ایس )وفاقی وزیر اطلاعات عطا اللہ تارڑ نے کہا ہے کہ بھارت ابھی تک پاکستان کے خلاف سازشوں میں مصروف ہے۔ پاکستان نے دنیا بھر میں سفارتی کامیابیاں حاصل کی ہیں جسے پوری دنیا تسلیم کرتی ہے۔
اسلام آباد میں پاکستان کی سفارتی کامیابیوں کے موضوع پر سیمینار سے خطاب کرتے ہوئے عطا اللہ تارڑ نے کہا کہ پاکستان کے لئے سفارتی محاذ پر کام کرنے والوں کی خدمات کو ہمیشہ یاد رکھا جائے گا، دنیا تسلیم کرتی ہے کہ پاکستان کا فارن سروس سب سے بہترین ہے، ہماری فارن سروس کی عظیم روایات ہیں جن پر ہمیں فخر ہے۔
انہوں نے کہا کہ مجھے فخر ہے کہ ہماری فارن سروس روایات کو بخوبی آگے بڑھا رہی ہے، سفارت کاری ایک فن ہے جو صرف سیکھنے سے نہیں بلکہ تجربے اور محنت سے آتا ہے، فارن سروس کے افسران نے ہمیشہ پاکستان کا نام عالمی سطح پر روشن کیا۔وزیر اطلاعات نے کہا کہ پاکستان نے دہشت گردی کے خلاف بے پناہ قربانیاں دی ہیں، دہشت گردی کی وجہ سے سب سے زیادہ نقصان پاکستان نے اٹھایا، پاکستان پر دہشت گردی کو فروغ دینے کا جھوٹا الزام لگایا گیا، پہلگام واقعے کے فوری بعد پاکستان پر الزام عائد کردیا گیا، پاکستان خود دہشت گردی کا سب سے بڑا شکار ہے۔
عطا اللہ تارڑ نے کہا کہ وزیراعظم نے بھارت کو پہلگام واقعہ کی آزادانہ تحقیقات کی پیشکش کی، دوست ممالک نے بھی پاکستان کے موقف کی تائید کی، سفارتی کوششوں کے باعث پوری دنیا سے ہمیں بھرپور حمایت ملی، فیلڈ مارشل عاصم منیر کی قیادت میں ہم نے اپنے سے چار گنا بڑی طاقت کو شکست فاش دی۔انہوں نے کہا کہ بھارت ہمیشہ کی طرح جارحیت کا مرتکب رہا ہے، بھارت ابھی تک پاکستان کے خلاف سازشوں میں مصروف ہے، ہمارے کوسٹ گارڈز نے بھارت کے لئے جاسوسی کرنے والے ملاح کو گرفتار کیا ہے جس نے بھارتی ایجنسیوں کے ہاتھوں استعمال ہونے کی تمام کہانی دنیا کے سامنے سنائی۔
عطا اللہ تارڑ کا کہنا تھا کہ جب ہم پر جنگ مسلط کی گئی تو ہماری مسلح افواج نے منہ توڑ جواب دیا، فیلڈ مارشل سید عاصم منیر کی قیادت میں ہم نے فتح حاصل کی، معرکہ حق میں ہماری فضائیہ کا کردار سنہری حروف میں لکھا جائے گا۔انکا کہنا تھا کہ وزیراعظم کے دورہ سعودی عرب میں معاشی اسٹریٹجک فریم ورک کا اجرا انتہائی اہم پیشرفت ہے، اب ہمارا ہدف ملک میں بیرونی سرمایہ کاری کا فروغ ہے، وسط ایشیائی ریاستوں کے ساتھ مضبوط روابط اور تجارت کے لئے پاکستانی بندرگاہوں کا استعمال ہماری ترجیح ہے، ہم نے معاشی میدان میں نئی بلندیوں کو چھونا ہے، دوست ملکوں کے ساتھ اقتصادی و تجارتی روابط مزید مضبوط بنانے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرستائیسویں آئینی ترمیم کے مجوزہ ڈرافٹ کے اہم نکات سامنے آ گئے ستائیسویں آئینی ترمیم کے مجوزہ ڈرافٹ کے اہم نکات سامنے آ گئے وزیر اعلی پنجاب مریم نواز کی انتخابی کامیابی کے خلاف دائر درخواست مسترد صحافی طاہر نصیرکی ٹارگٹ کلنگ کی کوشش کا کیس ، پولیس سے مقدمہ کا ریکارڈ طلب رومانیا کے سفیر کی وفاقی وزیر جنید انور چوہدری اور چیئرمین کراچی پورٹ ٹرسٹ عتیق الرحمن سے ملاقات، دوطرفہ بحری تعاون کو مضبوط بنانے... قومی اسمبلی کا اجلاس بدھ 5نومبر کو طلب کرنے کا فیصلہ،سمری وزیراعظم کو ارسال ماحولیاتی تبدیلیوں پر کوپ 30کانفرنس ، وزیراعظم نے نمائندگی کیلئے مصدق ملک کو نامز دکر دیاCopyright © 2025, All Rights Reserved
رابطہ کریں ہماری ٹیم
کراچی، نادرن بائی پاس پر پلاسٹک کے گودام میں آگ لگ گئی