صدر مملکت کی صدرشی جن پنگ سے ملاقات، دورہ پاکستان کی دعوت دیدی
اشاعت کی تاریخ: 5th, February 2025 GMT
سٹی 42 : چین کے دورے کے دوران صدر مملکت آصف علی زرداری نے چینی صدر شی جن پنگ سے ملاقات کی، جس میں دوطرفہ معاشی تعاون کے منصوبوں سمیت علاقائی اور بین الاقوامی مسائل پر تبادلہ خیال کیا گیا۔
بیجنگ میں صدر مملکت آصف علی زرداری کی چینی صدر شی جن پنگ سے چین کے عظیم عوامی ایوان میں ملاقات ہوئی اور اس ملاقات سے قبل صدر مملکت کے اعزاز میں استقبالیہ تقریب کا انعقاد بھی کیا گیا، جہاں صدر شی جن پنگ نے صدر آصف علی زرداری کا پرتپاک استقبال کیا اور چینی بچوں کے ایک گروپ نے بھی صدر مملکت کا شان دار استقبال کیا۔
سوئیڈن ؛ سکول میں فائرنگ،10 افراد ہلاک
ملاقات میں دونوں صدور نے دوطرفہ تعلقات کی مثبت رفتار پر تبادلہ خیال کیا، اس کے علاوہ مشترکہ دلچسپی کے علاقائی اور بین الاقوامی مسائل پر بھی گفتگو ہوئی، دونوں صدور نے دوطرفہ شراکت داری کے دائرہ کار کو مزید وسعت دینے کے مواقع پر بات کی ۔ صدر مملکت نے چین کے ساتھ سدا بہار تزویراتی تعاون کی شراکت داری کے لیے پاکستان کے غیر متزلزل عزم کا اعادہ بھی کیا اور دونوں ممالک کے مابین منفرد، آزمودہ اور خصوصی تعلقات کو اجاگر کیا، انہوں نے کہا کہ چین کی مثالی ترقی اور خوش حالی چینی قیادت کے وژن اور چین کے عوام کی فعالیت کا مظہر ہے ۔ صدر مملکت نے بیلٹ اینڈ روڈ منصوبے کے تحت عالمی ترقی میں چین کے گہرے تعاون پر صدر شی جن پنگ کو زبردست خراج تحسین پیش کیا۔
لاہور میں بارش؟ خدا آپ کو صبر عطا کرے!
ملاقات کے دوران پاک-چین اقتصادی راہداری 2.
ملاقات میں مشترکہ مستقبل کی پاک-چین کمیونٹی مضبوط بنانے کے لیے عوامی روابط اور ثقافتی تبادلوں کی ضرورت پر زور دیا گیا۔ صدر آصف علی زرداری نے صدر شی جن پنگ کو دورہ پاکستان کی دعوت اور کہا کہ پاکستان کے عوام اور حکومت صدر شی جن پنگ کو ایک وژنری رہنما اور پاکستان کے خاص دوست کے طور پر انتہائی قدر کی نگاہ سے دیکھتے ہیں۔
کل مارکیٹیں بند رکھنے کا اعلان
ملاقات کے بعد مفاہمت کی یادداشتوں پر دستخط کی تقریب منعقد ہوئی، جس میں سائنس اور ٹیکنالوجی، میڈیا، توانائی اور سماجی و اقتصادی ترقی سمیت دیگر شعبوں میں تعاون بڑھانے کے لیے مفاہمت کی یادداشتوں پر دستخط کیے گئے۔ بعد ازاں صدر شی جن پنگ نے صدر آصف علی زرداری اور ان کے وفد کے اعزاز میں عشائیے کا بھی اہتمام کیا۔
ذریعہ: City 42
کلیدی لفظ: صدر آصف علی زرداری صدر مملکت پاک چین چین کے
پڑھیں:
عیدالاضحٰی کی دعوت خاص
باربی کیو کلیجی
اجزاء:
کلیجی : آدھا کلو
ادرک لہسن کا پیسٹ : ایک کھانے کا چمچ
نمک : ایک چائے کا چمچ یا حسب ذائقہ
لال مرچ پسی ہوئی : ایک چائے کا چمچ یا حسب ذائقہ
دھنیا کوٹا ہوا : ایک چائے کا چمچا
زیرہ کوٹا ہوا : ایک چائے کا چمچا
لال مرچ کوٹی ہوئی : ایک چائے کا چمچ یا حسب ذائقہ
ہلدی : پائو چائے کا چمچا
ہرا دھنیا : حسب ضرورت کٹا ہوا گارنش کے لیے
ہری مرچ : حسب پسند کٹی ہوئی گارنش کے لیے
لیموں : حسب پسند
تیل : آدھا کپ
ترکیب:
کلیجی کو دھو کر چھوٹے ٹکڑے کرکے دوبارہ دھولیں اور چھنی میں رکھ دیں پھر ادرک لہسن، نمک، لال مرچ، دھنیا، زیرہ ، ہلدی یعنی تمام مسالے کلیجی میں ملا کر رکھ دیں پھر سیخوں میں پرو کر دہکتے کوئلوں پر بار بی کیو کلیجی بناسکتی ہیں یا کڑاہی میں تیل گرم رکھیں اس میں مسالا لگی کلیجی ڈال کر بھون کر ڈھک دیں کچھ دیر میں کلیجی گل جائے گی۔
ضرورت ہو تو تھوڑا پانی شامل کرسکتی ہیں۔ کلیجی گل جائے تو کوئلہ سلگا کر کسی صاف پیالی کو کلیجی کے اوپر رکھیں اس میں سلگتا کوئلہ رکھ کر اوپر سے چند قطرے تیل کے ڈال دیں اور ڈھکن بند کردیں۔ کچھ دیر بعد ڈھکن کھول کر کوئلہ نکال لیں۔ کلیجی کو ڈش میں ڈال کر ہرا دھنیا ہری مرچ سے سجائیں۔ ساتھ لیموں کے قاشیں بھی سجادیں۔ لذیذ کلیجی چپاتی اور چٹنی کے ساتھ پیش کریں۔
...
جھٹ پٹ کباب
اجزاء:
بکرے کا قیمہ : آدھا کلو
بریڈ : تین سلائس
پیاز بڑی : ایک عدد
ہری مرچ پسی ہوئی : ایک چائے کا چمچا
ادرک لہسن پسا ہوا : ایک چائے کا چمچا
ہلدی : آدھا چائے کا چمچا
خشک دھنیا کوٹا ہوا : ایک چائے کا چمچا
کالی مرچ کٹی ہوئی : ایک چائے کا چمچ یا حسب ذائقہ
لال مرچ کوٹی ہوئی : ایک چائے کا چمچا
زیرہ کوٹا ہوا : ایک چائے کا چمچا
گرم مسالا پسا ہوا : ایک چائے کا چمچا
ہرا دھنیا : ایک گڈی باریک کٹا ہوا
لیموں کا رس : چار چائے کے چمچا
نمک : ایک چائے کا چمچا
تیل : تلنے کے لیے
ترکیب:
قیمہ دھو کر اس کو چھلنی میں رکھ دیں تاکہ پانی نکل جائے۔ پانی نکال کر قیمے کو چوپر میں ڈالیں اس میں بریڈ سلائس توڑ کر ڈال دیں۔ پیس لیں اب اس کو ایک پیالے میں ڈال دیں۔ پیاز کے چار ٹکڑے کرکے اس کو چوپر میں چھوٹے چھوٹے ٹکڑے ہونے تک پیس لیں۔ پھر پیاز کو چمچ سے تھوڑا دبا لیں۔
پیاز کا پانی نکل جائے گا، اسے پھینک دیں اور پیاز پھر قیمے میں شامل کردیں۔ تیل کے علاوہ باقی تمام اجزاء قیمے میں ملا کر اچھی طرح ملائیں اور ڈھک کر فریج میں ایک سے دو گھنٹے کے لیے رکھ دیں۔ پھر اس کے کباب بنائیں۔ درمیانی آنچ پر دونوں طرف سے سنہری ہوجائیں تو ڈش میں نکال کر سلاد کے پتوں سے سجاکر چٹنی کے ساتھ پیش کریں۔
۔۔۔
چٹپٹی چانپ
اجزاء:
چانپیں : ایک کلو
دہی : ایک پاؤ
ادرک لہسن پسا ہوا : ایک سے ڈیڑھ کھانے کا چمچا
نمک : دو چائے کے چمچ یا حسب ذائقہ
لال مرچ کوٹی ہوئی : دو چائے کے چمچا
دھنیا پسا ہوا : ایک چائے کا چمچا
ہلدی : آدھا چائے کا چمچا
تکہ مسالا : ایک کھانے کا چمچا
چلی ساس : ایک کھانے کے چمچ یا حسب ذائقہ
سرکہ یا لیموں کا رس : دو کھانے کے چمچا
مکھن یا گھی یا تیل : ایک کھانے کا چمچا
آلو : حسب ضرورت
تیل : تلنے کے لیے
ترکیب:
چانپوں کو دھو کر چھلنی میں رکھ دیں۔ پھر دہی میں آلو اور تیل کے علاوہ تمام اجزاء ملا کر چانپوں پر یہ مسالا لگا کر چند گھنٹے کے لیے فریج میں رکھ دیں۔ اگر جلدی پکانا ہو تو فوراً پکانے کے لیے بھی رکھ سکتے دیں۔
دیگچی میں ہلکا سا تیل لگا کر یہ تمام چانپیں بچھادیں تھوڑا سا پانی ڈال کر ڈھکن ڈھک دیں اور اوپر وزن رکھ کر دھیمی آنچ پر گوشت گلنے تک پکائیں۔ آلو کو لمبائی میں فرنچ فرائز کی طرح کاٹ لیں اور درمیانی آنچ پر گرم تیل میں تل کر سنہری ہوجائیں تو نکال لیں۔ چانپ جب گل جائیں تو فرنچ فرائز، رائتے اور چپاتی کے ساتھ پیش کریں۔
۔۔۔
دم پخت
اجزاء:
گوشت : ایک کلو بوٹیاں بنالیں
دنبے کی چربی : آدھا کلو
پیاز : دو عدد
آلو : چار سے چھے عدد
نمک : حسب ذائقہ
کالی مرچ پسی ہوئی : حسب ذائقہ
ہری مرچ درمیانی : پانچ سے دس عدد
ادرک کٹی ہوئی : دو کھانے کے چمچ
لہسن چھلا اور کٹا ہوا : دو کھانے کے چمچ
لیموں بڑا : دو عدد
ترکیب:
گوشت اور چربی کو اچھی طرح دھو لیں۔ چربی کے بھی چھوٹے ٹکڑے کرلیں۔ گوشت کی بوٹیوں پر لیموں کا رس اور نمک لگا کر رکھ دیں۔ آلو دھو کر دو ٹکڑے کرلیں۔ پیاز چھیل کر دو ٹکڑے کرلیں۔ دیگچے میں چربی کے ٹکڑوں کی تہہ بچھا لیں۔ اس پر آلو رکھ دیں تھوڑا سا نمک مرچ چھڑک دیں۔ پھر گوشت کی تہہ بچھادیں۔ اس پر بھی تھوڑی کالی مرچ پسی ہوئی چھڑک دیں۔ تمام اجزاء اسی طرح ڈالتے جائیں۔ تھوڑا سا پانی ڈال دیں اس کو فوائل پیپر سے ڈھک کر ڈھکن ڈھک کر دھیمی آنچ پر دو گھنٹے پکائیں دو گھنٹے بعد لذیذ دم پخت تیار ہوگا۔
۔۔۔
مٹن کالی مرچ
اجزاء:
بکرے کا گوشت : ایک کلو
پیاز درمیانی : چھ عدد
پکانے کا تیل : ایک کپ سے کم
ادرک لہسن پسا ہوا : ایک کھانے کا چمچا
نمک : ایک کھانے کا چمچ یا حسب ذائقہ
کالی مرچ پسی ہوئی : دو کھانے کے چمچ یا حسب ذائقہ
ہری مرچ چھوٹی : دس سے بارہ عدد
کارن فلور : حسب ضرورت
ترکیب:
درمیانی آنچ پر گرم تیل میں باریک کٹی پیاز بھون لیں۔ سنہری ہوجائے تو گوشت کی بوٹیوں کو دھو کر اس میں ڈال دیں اس کے ساتھ ادرک لہسن پسا ہوا اور نمک بھی شامل کردیں۔ بھون کر پانی حسب ضرورت ڈالیں تاکہ گوشت کافی حد تک گل جائے۔ پھر اس کو بھون کر اس میں آلو چھیل کر موٹے قتلے کاٹ لیں۔ یہ آلو، ہری مرچیں ثابت، پانی اور کالی مرچ پسی ہوئی شامل کرکے دھیمی آنچ پر پکنے دیں۔ گوشت اور آلو گل جائیں۔ شوربہ کی مقدار حسب پسند ہو تو تیار ہے۔ البتہ شوربہ پتلا یو تو ایک سے دو چمچ کارن فلور تھوڑے سے پانی میں گھول کر شامل کرلیں۔ تھوڑی دیر دھیمی آنچ پر پکا کر چپاتی یا چاول کے ساتھ پیش کریں۔
۔۔۔
ہرے مسالے کا پلائو
اجزاء:
گوشت : آدھا کلو
چاول : آدھا کلو
تیل : 3/4کپ
پیاز درمیانی : تین عدد
کڑی پَتّا : بیس سے پچیس عدد
ادرک لہسن پسا ہوا : ایک سے ڈیڑھ کھانے کا چمچا
نمک : حسب ذائقہ
ہری مرچ چھوٹی : بارہ سے سولہ عدد یا حسب ذائقہ
ہرا دھنیا : ایک گڈی
آلو : چھے عدد یا حسب پسند
زیرہ پسا ہوا : ایک چائے کا چمچ
ہلدی : 1/4 چائے کا چمچ
ترکیب:
تیل میں باریک کٹی پیاز سنہری ہونے تک تل لیں۔ پھر اس میں گوشت شامل کرکے بھونیں۔ ادرک لہسن ہسا ہوا اور نمک بھی شامل کردیں۔ بھون کر پانی ڈال دیں۔ ہرا دھنیا اور ہری مرچ کو تھوڑے پانی کے ساتھ پیس لیں۔ آلو چھیل کر چار چار ٹکڑے کاٹ لیں۔ گوشت آدھا گل جائے تو آلو ڈال کر بھونیں۔ بھون جائے تو پسا ہو ا مسالہ، ہلدی، زیرہ پسا ہوا، کڑی پتے ڈال کر کچھ دیر چمچا چلائیں پھر پانی ڈال دیں۔ گوشت اور آلو گل جائیں تو چاول کے حسب ضرورت پانی شامل کرکے چاولوں کے مطابق نمک بھی شامل کردیں ابال آجائے تو چاول ڈال دیں۔ چاول کا پانی سوکھ جائے تو دم پر رکھ دیں۔ لذیذ پلائو سلاد اور لسی کے ساتھ پیش کریں۔
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم