ایگری کنیکشنز 2025: پاکستان کی زرعی صلاحیت کو جدت کے ذریعے اجاگر کرنے کا موقع
اشاعت کی تاریخ: 6th, February 2025 GMT
کراچی:پاکستان ایگریکلچرل کولیشن (PAC) ورلڈ بینک گروپ کے تعاون سے 12 اور 13 فروری کو کراچی ایکسپو سینٹر میں ایگری کنیکشنز 2025 کی میزبانی کرے گا۔
یہ دو روزہ کانفرنس زرعی ماہرین، پالیسی سازوں، مالیاتی اداروں اور زرعی کاروبار کے رہنماؤں کو ایک پلیٹ فارم پر اکٹھا کرے گی تاکہ پاکستان کے زرعی شعبے میں سرمایہ کاری کے مواقع اور جدید حل تلاش کیے جا سکیں۔
تقریب سے قبل میڈیا سے گفتگو کرتے ہوئے پاکستان ایگریکلچرل کولیشن کے سی ای او کاظم سعید نے ایگری کنیکشنز 2025 کی پاکستان کی زرعی معیشت کے لیے اہمیت کو اجاگر کیا۔
انہوں نے کہا، “پاکستان کا زرعی شعبہ عالمی سطح پر ایک نمایاں مقام حاصل کر سکتا ہے، لیکن اس کے لیے اسٹریٹجک سرمایہ کاری، جدید مالیاتی آلات، اور مؤثر پالیسی اصلاحات کی ضرورت ہے۔
PAC نے کلیدی کارپوریٹ اداروں کے ساتھ مل کر ان خلا کو پُر کرنے کے لیے کام کیا ہے، اور یہ کانفرنس ایک ایسا پلیٹ فارم فراہم کرے گی جہاں مؤثر مباحثے اور عملی حل پیش کیے جا سکیں گے۔”
کانفرنس میں قومی زرعی اجناس کی منڈی کی ترقی، زرعی سرمایہ کاری کے فروغ، اور پالیسی فریم ورک کو مضبوط بنانے جیسے اہم موضوعات پر سیشنز منعقد ہوں گے۔
ماہرین پاکستان کے کاربن کریڈٹ مواقع، زرعی فِن ٹیک کے ذریعے مالیاتی شمولیت، اور کسانوں کو بااختیار بنانے میں عوامی اور نجی شراکت داری کے کردار پر بھی تبادلہ خیال کریں گے۔ اس کے علاوہ، ہنگری کے زرعی ماہرین پاکستان کے لیے مؤثر زرعی طریقوں پر روشنی ڈالیں گے جنہیں اپنا کر زرعی پیداوار میں بہتری لائی جا سکتی ہے۔
ایگری کنیکشنز 2025 کا ایک اہم پہلو “زرزراعت”, دی بینک آف پنجاب کی اسپانسر کردہ اور پاکستان ایگریکلچرل کولیشن، پاکستان بینک ایسوسی ایشن کے تعاون سے ایگری اسٹارٹ اپ مقابلہ ہوگا۔ اس کا مقصد زرعی ٹیکنالوجی کے ابھرتے ہوئے کاروباری افراد کی حوصلہ افزائی کرنا ہے جو زراعت اور زرعی کاروبار کو جدید خطوط پر استوار کرنے کے لیے جدید حل تیار کر رہے ہیں۔ اس ایونٹ میں ممتاز مالیاتی اور زرعی ماہرین، پالیسی ساز، اور کارپوریٹ رہنما شرکت کریں گے جو پاکستان کی زرعی ترقی اور معیشت کو مستحکم بنانے کے لیے اپنے قیمتی خیالات اور تجاویز پیش کریں گے۔
اہم مالیاتی اداروں، زرعی کاروباری اداروں، اور علمی شراکت داروں کی حمایت سے، ایگری کنیکشنز 2025 پاکستان میں زراعت کے مستقبل کو تشکیل دینے میں اہم کردار ادا کرے گا اور زرعی قدر کے ہر پہلو سے وابستہ اسٹیک ہولڈرز کے لیے نئے مواقع پیدا کرے گے۔
.ذریعہ: Jasarat News
کلیدی لفظ: ایگری کنیکشنز 2025 اور زرعی کے لیے
پڑھیں:
پاکستان انٹرنیشنل میری ٹائم ایکسپو اینڈ کانفرنس کی افتتاحی تقریب کا کراچی میں انعقاد
کراچی:پاکستان انٹرنیشنل میری ٹائم ایکسپو اینڈ کانفرنس 2025 کے دوسرے ایڈیشن کی افتتاحی تقریب ایکسپو سینٹر کراچی میں منعقد ہوئی۔ سعودی وزیر برائے ٹرانسپورٹ و لاجسٹک سروسز، جناب صالح الجاسر تقریب کے اعزازی مہمان تھے جبکہ وفاقی وزیر برائے منصوبہ بندی، ترقی و خصوصی اقدامات، احسن اقبال نے مہمانِ خصوصی کے طور پر شرکت کی۔ تقریب میں آمد پر چیف آف دی نیول اسٹاف، ایڈمرل نوید اشرف نے اعزازی مہمان اور مہمانِ خصوصی کا استقبال کیا۔
اپنے خطاب میں مہمانِ خصوصی نے پاکستان کے بحری شعبے کی استعداد کو اجاگر کرتے ہوئے کہا کہ یہ شعبہ قومی معیشت کی بہتری میں اہم کردار ادا کر سکتا ہے۔ انہوں نے بلیو اکانومی کی اہمیت کے حوالے سے عوام میں آگہی کے فروغ اور ملکی بحری وسائل کو اجاگر کرنے کے لیے اس میری ٹائم ایکسپو کے انعقاد پر پاک بحریہ کی کاوشوں کو سراہا۔ مہمانِ خصوصی نے باضابطہ طور پر ایکسپو کے افتتاح کا اعلان کیا، یادگاری ڈاک ٹکٹ کی رونمائی کی اور بعدازاں ایکسپو کے مختلف اسٹالز کا بھی دورہ کیا۔
یہ چار روزہ ایونٹ پاک بحریہ کی جانب سے وزارتِ بحری امور کی سرپرستی میں منعقد کیا جا رہا ہے، جو 6 نومبر 25 تک جاری رہے گا۔ 44 ممالک کے وفود اور 178 بین الاقوامی و ملکی نمائش کنندگان کی شرکت پاکستان کے بحری شعبے میں بڑھتی ہوئی عالمی دلچسپی کی عکاس ہے۔
پاکستان انٹرنیشنل میری ٹائم ایکسپو اینڈ کانفرنس قومی و بین الاقوامی سطح پر بحری شعور بڑھانے اور پاکستان کی بلیو اکانومی کی بے مثال صلاحیتوں کو اجاگر کرنے کی ایک نمایاں کوشش ہے۔
تقریب میں سول و عسکری قیادت، بین الاقوامی وفود، صنعت اور کاروباری حلقوں کے معزز نمائندگان نے کثیر تعداد میں شرکت کی۔
آزاد کشمیر، تحریکِ عدم اعتماد آج بھی پیش نہیں کی جا سکی