تعطیلات کے دوران چینی معیشت کا ایک اچھا آغاز
اشاعت کی تاریخ: 7th, February 2025 GMT
حالیہ دنوں ،اسپرنگ فیسٹیول سے متعلق کھپت کے اعداد و شمار کے مطابق سیاحت ، شوبز ، خریداری ، کیٹرنگ وغیرہ میں زبردست اضافہ ہوا ہے ، جس نے سانپ کے سال کی مناسبت سے ایک متحرک اسپرنگ فیسٹیول معاشی منظر نامہ تشکیل دیا ہے۔ پررونق اسپرنگ فیسٹیول اور پرجوش فیسٹیول مارکیٹ سے ایک بار پھر تعطیلات کے دوران چینی معیشت اور کھپت کا ایک اچھا آغاز ہوا ہے ۔
نیشنل فلم ایڈمنسٹریشن کی جانب سے 5 فروری کو جاری کیے گئے اعداد و شمار کے مطابق 2025 (28 جنوری سے 4 فروری) میں اسپرنگ فیسٹیول کے دوران فلم باکس آفس 9.
وزارت ثقافت و سیاحت کے مطابق آٹھ روزہ جشن بہار کی تعطیلات کے دوران 501 ملین اندرونی ٹرپس کیے گئے اور بیرون ملک سفر کے لیے ان کا مستقل جوش و خروش دیکھا گیا جس نے دنیا بھر کے 2100 سے زائد شہروں کا احاطہ کیا۔ سی ٹرپ ٹریول گروپ کے اعداد و شمار کے مطابق، اسپرنگ فیسٹیول تعطیلات کے دوران اس کے پلیٹ فارم پر سرحد پار سفر کے مجموعی آرڈرز میں سال بہ سال 30 فیصد اضافہ ہوا، جن میں ویزا فری جیسی پالیسیوں کی وجہ سے چین کے سفر کے آرڈرز میں پچھلے سال کی اسی مدت کے مقابلے میں 203 فیصد اضافہ ہوا۔چینی اور غیرملکی سیاحوں کی آمد ورفت سے اس سال عالمی سیاحتی صنعت کی ترقی کے لئے ایک اچھا آغاز فراہم کیا گیا ہے ۔
کھپت کے اعتبار سے وضع کردہ پالیسی تعطیلات کے دوران انتہائی موئثر ثابت ہوئی، اور اسپرنگ فیسٹیول کے دوران کیٹرنگ اور خوردہ صارفی منڈیوں میں انتہائی جوش و خروش دیکھا گیا۔ وزارت تجارت کی جانب سے جاری اعداد و شمار کے مطابق 2025 میں جشن بہار کی تعطیلات کے پہلے چار دنوں میں ملک بھر میں اہم ریٹیل اور کیٹرنگ انٹرپرائزز کی فروخت میں سال بہ سال 5.4 فیصد اضافہ ہوا۔ اشیاء اور خدمات کی کھپت میں بالترتیب 9.9 فیصد اور 12.3 فیصد سال بہ سال اضافہ ہوا۔ “ٹریڈ ان” پالیسی حمایت کی بدولت ، گھریلو آلات اور آڈیو ویژول آلات کی فروخت کی آمدنی میں پچھلے سال کی اسی مدت کے مقابلے میں 166.4 فیصد اضافہ ہوا ، اور موبائل فون اور اسمارٹ گھڑیوں جیسے مواصلاتی آلات کی فروخت کی آمدنی میں پچھلے سال کی اسی مدت کے مقابلےمیں 181.9 فیصد اضافہ ہوا۔
چینی نیا سال نہ صرف دنیا کو خوشی اور امن کا پیغام دیتا ہے ، بلکہ پررونق صارفی منڈیاں چین کے سالانہ اقتصادی آپریشن کے لئے ایک اچھا آغاز فراہم کرتی ہیں اور سرد موسم میں دنیا کے لئے گرمجوشی لاتی ہیں۔ اسپرنگ فیسٹیول کے دوران کھپت میں اضافہ ، چاہے وہ فلموں کا باکس آفس ہو ، سفر ہو یا کیٹرنگ اور خوردہ فروشی ، چینی صارفین کی مضبوط قوت خرید کو ظاہر کرتا ہے۔ یہ شہریوں کی آمدنی میں اضافے کے ساتھ ساتھ حکومت کی جانب سے کھپت کی محرک پالیسیوں کے مسلسل فروغ سے بھی قریبی تعلق رکھتا ہے. پرتگال کے “فرگوائی رش ویکلی” نے اپنی رپورٹ میں کہا کہ پالیسی ریگولیشن اور کنٹرول مثلاً گھریلو طلب میں اضافے اور کھپت کو فروغ دینے کے ذریعے ، چین کی معیشت نے مستحکم ترقی کو برقرار رکھا ہے اور عالمی اقتصادی ترقی کے لئے سب سے بڑی محرک قوت بن رہی ہے۔
مقبول اسپرنگ فیسٹیول کھپت کے ذریعے ، لوگ نہ صرف چینی نئے سال کی توانائی کو دیکھتے ہیں ، بلکہ چین کی سپر وسیع مارکیٹ کے فوائد بھی دیکھتے ہیں۔ اس چینی بڑی مارکیٹ میں غیر ملکی اشیا ء کی مقبولیت نے بیرونی کاروباری اداروں کے لئے کاروبار کے وسیع مواقع لائے ہیں، اور انہوں نے خوشحال چینی مارکیٹ کے ذریعے لائے گئے منافع سے واقعی لطف اٹھایا ہے.ان میں چین۔یورپ ٹرین سے 1000 سے زیادہ اقسام کی اشیا ء ، بشمول کینڈی اور ڈیری مصنوعات، اور چلی سے چیری وغیرہ ، شامل ہیں۔ جیسے جیسے چین کے دروازے وسیع سے وسیع تر ہوتے جا رہے ہیں ، محصولات کی مجموعی سطح میں کمی جاری ہے ، ایسے میں چینی نئے سال کے موقع پر مارکیٹ میں بھی زیادہ سے زیادہ بین الاقوامی عناصر کا احاطہ کیا جا رہا ہے اور یہ واضح طور پر چین کی صارفی منڈی کے وسیع امکانات ہیں جس نے بہت سے ممالک کو چین کے ساتھ تعاون کو مضبوط بنانے کے لئے راغب کیا ہے۔
اسپرنگ فیسٹیول گزرے سال کو الوداع کہنے اور نئے سال کو خوش آمدید کہنے کا وقت ہے ، اور یہ مستقبل کی طرف دیکھنے کے لئے ایک نقطہ آغاز بھی ہے۔ اسپرنگ فیسٹیول کے دوران کھپت کی اچھی کارکردگی تہوار کی خوشحال معیشت کی عکاسی کرتی ہے، اور چینی معیشت کی مضبوط توانائی ، قوت حیات ،صلاحیت اور لچک کو بھی ظاہر کرتی ہے. حال ہی میں بین الاقوامی مالیاتی فنڈ (آئی ایم ایف) نے 2025 اور 2026 میں چین کی اقتصادی ترقی کی پیش گوئی میں اضافہ کیا ہے۔ حالیہ دنوں ، فرانس کے سانوفی اور جرمن ووکس ویگن جیسے غیر ملکی سرمایہ کاروں نے چین میں اپنی موجودگی میں اضافہ کیا ہے اور ایچ ایس بی سی جیسے بہت سے غیر ملکی اداروں نے 2025 کے لئے اپنی عالمی سرمایہ کاری کا نقطہ نظر جاری کیا ہے، جس میں چینی مارکیٹ کی تیزی پر اعتماد جاری رکھا گیا ہے۔ چین ایک پراعتماد اور بھرپور رفتار اور بیرونی دنیا کے سامنے اعلیٰ معیار کے کھلے پن کے ساتھ دنیا اور مستقبل کی جانب بڑھ رہا ہے۔
ذریعہ: Daily Mumtaz
پڑھیں:
پاکستان کی معیشت بحالی کے راستے پر گامزن ہے، وزیرخزانہ
اسلام آباد:وفاقی وزیر برائے خزانہ و ریونیو محمد اورنگزیب نے کہا ہے کہ پاکستان کی معیشت بحالی کے راستے پر گامزن ہے اور مضبوط پوزیشن میں ہے، مقامی سرمایہ کاروں کے لیے مزید سہولتیں فراہم کرنے کی کوششیں جاری ہیں اور توقع ہے کہ نجکاری کا عمل مزید تیزی سے آگے بڑھے گا۔
وزارت خزانہ کے اعلامیے مطابق وزیرخزانہ محمد اورنگزیب سے یورپی یونین کے نومنتخب سفیر برائے پاکستان رائموندس کاروبلس نے ملاقات کی اور اس موقع پر دو طرفہ دلچسپی کے امور پر گفتگو ہوئی، خصوصاً اقتصادی تعاون کو فروغ دینے اور پاکستان اور یورپی یونین کے درمیان تجارت و سرمایہ کاری کے تعلقات کو مزید مستحکم بنانے پر زور دیا گیا۔
وزیر خزانہ نے یورپی سفیر کا خیرمقدم کیا اور ملک کی معاشی صورت حال پر بریفنگ دیتے ہوئے کہا کہ پاکستان کی معیشت بحالی کے راستے پر گامزن ہے اور مضبوط پوزیشن میں ہے۔
انہوں نے ٹیکسیشن، توانائی، سرکاری اداروں کی تنظیمِ نو، پبلک فنانس اور حکومتی اداروں کے سائز میں کمی جیسے شعبوں میں حکومت کی جاری اصلاحات سے آگاہ کرتے ہوئے بتایا کہ وزیراعظم ذاتی طور پر اصلاحاتی ایجنڈے کی قیادت کر رہے ہیں اور توقع ہے کہ نج کاری کا عمل مزید تیزی سے آگے بڑھے گا۔
وزیرخزانہ نے کہا کہ حالیہ دنوں میں تینوں بڑے عالمی کریڈٹ ریٹنگ اداروں نے پاکستان کی معیشت پر مثبت رائے دی ہے، جو یورپی یونین سمیت دو طرفہ شراکت داروں کے اعتماد کا مظہر ہے۔
ان کا کہنا تھا کہ مقامی سرمایہ کاروں کے لیے مزید سہولتیں فراہم کرنے کی کوششیں جاری ہیں۔
وزیر خزانہ نے حالیہ سیلابی تباہ کاریوں پر بھی روشنی ڈالی، جس کے نتیجے میں فصلوں، شہریوں کی مویشیوں اور بنیادی ڈھانچے کو نقصان پہنچا ہے، اب تک 950 سے زائد قیمتی جانیں ضائع ہو چکی ہیں۔
انہوں نے کہا کہ اس حوالے سے وفاقی کابینہ جلد فیصلہ کرے گی کہ بین الاقوامی برادری سے بحالی اور تعمیر نو کے لیے باضابطہ اپیل کی جائے یا نہیں۔
وزیر خزانہ نے یورپی یونین پاکستان بزنس فورم کو فعال بنانے کے منصوبے کا خیرمقدم کیا اور مکمل تعاون کی یقین دہانی کرائی۔
انہوں نے یورپی کمپنیوں کو پاکستان میں تیل و گیس، معدنیات، آئی ٹی، زراعت اور نجکاری کے شعبوں میں سرمایہ کاری کے مواقع تلاش کرنے کی دعوت دی، ساتھ ہی جی ایس پی پلس اسکیم کے تحت یورپی یونین کے مسلسل تعاون پر شکریہ بھی ادا کیا۔
یورپی سفیر نے کہا کہ خطے میں امن و استحکام کے فروغ کے لیے پاکستان ایک اہم ملک ہے، پاکستان کی گزشتہ ڈیڑھ برس میں حاصل کی گئی معاشی استحکام کی کامیابیوں کو سراہا اور کریڈٹ ریٹنگ میں حالیہ بہتری پر مبارک باد دی۔
سفیر نے پاکستان کی ترقی و خوش حالی کے لیے یورپی یونین کی بھرپور حمایت کا یقین دلایا اور کہا کہ اس وقت 300 سے زائد یورپی کمپنیوں کے پاکستان میں مختلف شعبوں میں کاروبار جاری ہیں اور یورپی یونین باہمی تجارت اور سرمایہ کاری کو مزید بڑھانے کے لیے پرعزم ہے۔
انہوں نے اعلان کیا کہ یورپی یونین-پاکستان بزنس فورم کو آئندہ سال کے پہلے نصف میں مکمل طور پر بحال اور فعال کر دیا جائے گا، جو اقتصادی تعاون کو مزید تقویت دے گا۔
سفیر نے کہا کہ جی ایس پی پلس رجیم پاکستان کی برآمدات بڑھانے میں کلیدی کردار ادا کر رہا ہے اور اس وقت پاکستان کی 30 فیصد سے زائد برآمدات یورپی مارکیٹ کو جاتی ہیں۔
انہوں نے یورپی انویسٹمنٹ بینک کے پاکستان میں جاری منصوبوں کا ذکر کرتے ہوئے بتایا کہ کراچی میں پانی و صفائی کے منصوبوں کے علاوہ ریلویز، توانائی اور دیہی ہاؤسنگ کے منصوبوں پر بھی مستقبل میں سرمایہ کاری کی جائے گی۔
سفیر کاروبلس نے پاکستان میں سیلاب سے ہونے والے جانی و مالی نقصان پر گہرے دکھ اور افسوس کا اظہار بھی کیا، دونوں فریقین نے اس عزم کا اعادہ کیا کہ پاکستان اور یورپی یونین اقتصادی شراکت داری کو مزید وسعت دیں گے اور تعاون کے نئے مواقع تلاش کریں گے۔
قازقستان کے ساتھ براہ راست فضائی روابط سے کاروباری اور عوامی تعلقات کو فروغ ملے گا، صدر مملکت