ابوظہبی ٹی 10 سیزن 09 کا آغاز 18 نومبر 2025 سے ہوگا
اشاعت کی تاریخ: 7th, February 2025 GMT
ابوظہبی :ابوظہبی ٹی 10 کا سیزن 9 منگل 18 نومبر سے اتوار 30 نومبر 2025 تک ابوظہبی کے شیخ زاید کرکٹ اسٹیڈیم میں کھیلا جائے گا۔نئے سیزن کا اعلان 2024 کے ٹورنامنٹ کے سنسنی خیز اختتام کے صرف دو ماہ بعد کیا گیا ہے۔
گزشتہ ٹورنامنٹ میں جوس بٹلر اور دکن گلیڈی ایٹرز نے مورس ویل اسیمپ آرمی کو 8 وکٹوں سے ڈرامائی طور پر شکست دیکر تیسرے مرتبہ ٹائٹل اپنے نام کیا تھا۔ ابوظبی کرکٹ اینڈ اسپورٹس حب کے سی ای او میٹ باؤچر نے کہا کہ “ہم ابوظہبی ٹی 10 کے 2025 ایڈیشن کی تاریخوں کی تصدیق کرتے ہوئے بہت خوش ہیں۔
“ابوظبی اسپورٹس کونسل اور محکمہ ثقافت و سیاحت ابوظبی میں اپنے اسٹریٹجک شراکت داروں کے ساتھ ملکر ہم نے 2019 میں اس بین الاقوامی کرکٹ ایونٹ کے فروغ اور امارت ابوظبی کو دنیا کے سامنے پیش کرنے کے لئے ایک اسٹریٹجک عزم کیا تھا۔ٹی 10 گلوبل کے چیئرمین شجیع الملک نے کہا کہ گزشتہ برس ابوظبی ٹی 10 کرکٹ اور تفریح کا شاندار امتزاج تھا۔گزشتہ سیزن میں ٹیموں کی تعداد کو بڑھا کر 10 کیا تھا ۔
ابوظہبی ٹی 10 نے متحدہ عرب امارات کرکٹ کیلنڈر کا ایک اہم ایونٹ بن چکا ہے جو متحدہ عرب امارات کے کھلاڑیوں کو اپنی مہارت کو بڑھانے کا شاندار موقع فراہم کرتا ہے۔ ابوظبی ٹی 10 سیزن 9 زاید کرکٹ اسٹیڈیم میں 18 نومبر سے 30 نومبر 2025 تک کھیلا جائے گا۔
ذریعہ: Daily Mumtaz
پڑھیں:
آئی ٹی برآمدات 691 ملین ڈالر کی ریکارڈ سطح پر پہنچ گئیں
اسلام آباد:ملک کی آئی ٹی برآمدات گزشتہ تین ماہ میں 691 ملین ڈالر کی ریکارڈ سطح پر پہنچ گئیں جو کہ پچھلے سال کے اس عرصے کے مقابلے میں 18.3 فیصد زیادہ ہیں۔
اے پی پی کی رپورٹ کے مطابق گزشتہ تین ماہ( جولائی تا اگست) میں آئی ٹی برآمدات 691 ملین ڈالر کی ریکارڈ سطح پر پہنچ گئیں۔
آئی ٹی برآمدات گزشتہ سال کے اس عرصے کے دوران 584 ملین ڈالر تھیں جبکہ اس میں 18.3 فیصد اضافہ ریکارڈ کیا گیا ہے جو پاکستان کی ڈیجیٹل معیشت کے لیے اہم سنگِ میل ہے۔
رپورٹ میں بتایا گیا کہ آئی ٹی شعبے کو بروقت سہولیات کی فراہمی اور انٹرپرینیورز کی پالیسیوں سے مستفید ہونے کے باعث یہ غیر معمولی اضافہ ممکن ہوا ہے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان