مِسک گلوبل فورم 19 اور 20 نومبر کو ریاض میں ہوگا
اشاعت کی تاریخ: 4th, November 2025 GMT
محمد بن سلمان فاؤنڈیشن مسک نے اعلان کیا ہے کہ 9واں مِسک گلوبل فورم 19 اور 20 نومبر 2025 کو ریاض کے محمد بن سلمان نان پرافٹ سٹی میں منعقد ہوگا جس کا مرکزی عنوان نوجوانوں کی تخلیقی قوت رکھا گیا ہے۔
یہ بھی پڑھیں: پاکستان سعودی تعلقات نئے دور میں داخل، اسحاق ڈار کا ریاض میں سفارت خانۂ پاکستان کا دورہ
یہ فورم گزشتہ برسوں کے تسلسل میں نوجوانوں کو اختیار، قیادت اور اثر دینے کا عالمی پلیٹ فارم بن چکا ہے جو تخلیقی صلاحیتوں کو معاشرتی اثر میں بدلنے کے لیے سرگرم کردار ادا کرتا ہے۔
رواں سال فورم میں 10 ہزار سے زائد شرکا اور 200 سے زیادہ ماہرین ومقررین کی شرکت متوقع ہے جبکہ اس دوران اسی سے زیادہ سیشنز اور ورکشاپس منعقد کی جائیں گی۔
فورم کا مقصد نوجوانوں کو سامع سے فیصلہ سازی کے شراکت دار کے درجے تک لانا ہے جس میں 30 سے زیادہ مقامی اور بین الاقوامی ادارے تعاون کریں گے۔
اس سال فورم ایک نئے مرحلے میں داخل ہوگا جو محض ایک ایونٹ کے بجائے سال بھر نوجوانوں کے اشتراک سے تیار ہونے والا تخلیقی پلیٹ فارم بنے گا۔
مزید پڑھیے: ریاض کانفرنس میں وزیراعظم شہباز شریف کی فٹبال اچھالنے کی دلچسپ ویڈیو وائرل
ایونٹ کے مختلف انٹرایکٹو زونز میں اسکلز لیب، منارہ الاثر، اسپیس 180، المجلس، لیڈرز میٹنگ اور مین اسٹیج شامل ہیں جہاں عالمی رہنما اور نوجوان ایک ساتھ نظریات کا تبادلہ کریں گے۔
فورم میں نوجوان 8 نمایاں پہلووں کے ذریعے فعال کردار ادا کریں گے جن میں ثقافتی ہم آہنگی کے منصوبے، تبدیلی لانے والے نوجوانوں کی فہرست، مشاورتی کمیٹی، پالیسی سفارشات، عالمی تعلقات کی تعمیر، اختراعی مقابلے، مکالماتی نشستیں اور آن لائن فورمز شامل ہیں۔
مزید پڑھیں: ریاض میں بازوں کی سالانہ نیلامی، 2 باز 5 لاکھ 78 ہزار ریال میں فروخت
مسک فورم 2025 سعودی وژن 2030 کے نوجوان محور کو عملی جامہ پہنانے کی ایک تازہ مثال ہے جو نوجوانوں کی توانائی کو قیادت، اختراع اور عالمی اثر میں تبدیل کرنے کا عزم رکھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ