محسن نقوی کا قذافی سٹیڈیم کے مزدوروں کے اعزاز میں ظہرانہ‘ کھانا کھایا
اشاعت کی تاریخ: 8th, February 2025 GMT
لاہور (سپورٹس رپورٹر) چیئرمین پی سی بی محسن نقوی نے قذافی سٹیڈیم کی اپ گریڈیشن میں حصہ لینے والے ورکرز کے اعزاز میں ظہرانہ دیا جس میں 1500 سے زائد ورکرز نے شرکت کی۔ کپتان قومی کرکٹ ٹیم محمد رضوان نے بھی ظہرانے میں شرکت کی۔ چیئرمین پی سی بی محسن نقوی نے ورکرز کے ساتھ بیٹھ کر کھانا کھایا اور تمام ورکرز کا شکریہ بھی ادا کیا۔ محسن نقوی نے ٹیبل پر جا کر فرداً فرداً ورکرز سے گفتگو کی اور ان کے مسائل بھی پوچھے۔ چیئرمین پی سی بی نے ورکرز سے ٹک ٹاک کے بارے میں گفتگو کی اور پوچھا کہ ٹک ٹاک بناتے ہو؟۔ اس سٹیڈیم نے ہر بندے کو ٹک ٹاک پر مشہور کر دیا ہے، تمام ورکرز نے محسن نقوی کے ساتھ بھی ٹک ٹاک بنائیں۔ ایک ورکر نے محسن نقوی سے کہا ٹک ٹاک نہیں بناتا، میرے پاس موبائل نہیں ہے، جس پر چیئرمین پی سی بی نے ورکر کو فوری طور پر نیا موبائل لیکر دینے کا وعدہ کر لیا۔ محسن نقوی کا کہنا تھا ورکرز کی محنت کے بغیر یہ سب ممکن نہیں تھا۔ وزیراعظم سے کہوں گا کہ ان ورکرز کیلئے ایوارڈز کا اعلان کریں۔ چیئرمین پاکستان کرکٹ بورڈ کا تمام سہ ملکی سیریز کے پہلے میچ کیلئے تمام ورکز کیلئے مفت ٹکٹ کا اعلان کرتے ہوئے کہنا تھا تمام مزدوروں کو ان کی کمپنیوں کی جانب سے مفت ٹکٹ دیے جائیں گے، ایل ڈبلیو ایم سی اور پی ایچ اے کے لوگ بھی کل مفت میچ دیکھیں گے، پی سی بی نے تمام مزدوروں کیلئے انکلوژرز بک کروا دیے ہیں۔ سٹیڈیم مکمل ہو گیا، دعا کریں اللہ تعالیٰ پاکستان کو کامیابی نصیب کرے، محمد رضوان نیک نیت کپتان ہے، امید ہے کہ محمد رضوان کی قیادت میں ہم چمپئنز ٹرافی ضرور جیتیں گے۔ انہوں نے انکشاف کیا کہ سلیکشن کمیٹی چیمپئنز ٹرافی سکواڈ کو ری ویو کررہی ہے۔ سلیکشن کمیٹی کو اختیار ہے وہ چیمپئنز ٹرافی کے قومی سکواڈ میں تبدیلی کرتے ہیں یا نہیں۔ سلیکشن کمیٹی چیمپئنز ٹرافی کا سکواڈ ری ویو کر رہے ہیں، خوشدل شاہ اور فہیم اشرف کو نیک نیتی سے سکواڈ کا حصہ بنایا گیا۔ دبئی کیلئے ویزے کا مسئلہ حل ہوگیا ہے، جس کے پاس میچ کا کارڈ یا ٹکٹ ہوگا اسے ویزا مل جائے گا۔ 16 فروری کو چیمپئنز ٹرافی کی تقریب آئی سی سی کی آفیشل تقریب ہے، جس میں مختلف ممالک کے لوگوں کو مدعو کیا گیا ہے۔ آئی سی سی کے ساتھ چیمپئنز ٹرافی کے میچ پاسز کی ڈیل طے پائی ہے، آئی سی سی سے طے شدہ رقم لیں گے۔ قذافی سٹیڈیم کے نئے فائیو سٹار ہوٹل کی تعمیر اگلے ایک سال میں مکمل کریں گے، نیشنل کرکٹ اکیڈمی کو نئے طریقے سے ڈیزائن کریں گے۔ این سی اے کے ٹریننگ گرائونڈ کی توسیع کریں گے، وی آئی پی باکسز کو 6 سال کیلئے کرائے پر دیں گے۔ ہر باکس کی قیمت 10 کروڑ روپے رکھی جائے گی، 24 باکسز میں سے کچھ سیریز ٹو سیریز رینٹ کریں گے اور باقی کچھ مدت کیلئے کرائے پر دیں گے۔
.ذریعہ: Nawaiwaqt
کلیدی لفظ: چیئرمین پی سی بی چیمپئنز ٹرافی محسن نقوی کریں گے ٹک ٹاک
پڑھیں:
وزیر داخلہ محسن نقوی کی بلاول بھٹو سے ملاقات، آزاد کشمیر کی سیاسی صورتحال پر بات چیت
وزیرِ داخلہ محسن نقوی نے چیئرمین پاکستان پیپلز پارٹی بلاول بھٹو زرداری سے ملاقات کی جس میں آزاد کشمیر کی سیاسی صورتحال، تحریکِ عدم اعتماد اور آئندہ کے لائحہ عمل پر تفصیلی تبادلہ خیال کیا گیا۔
یہ بھی پڑھیں: بلاول بھٹو سے محسن نقوی کی ملاقات، ملک کی مجموعی صورت حال پر تبادلہ خیال
میڈیا رپورٹس کے مطابق ملاقات میں پاک افغان کشیدگی اور خطے کی مجموعی سلامتی کی صورتحال پر بھی گفتگو ہوئی۔ آزاد کشمیر کی حالیہ سیاسی ہلچل، خصوصاً وزیراعظم انوارالحق کے خلاف پیش کی جانے والی تحریکِ عدم اعتماد اس ملاقات کا مرکزی نکتہ رہی۔
پیپلز پارٹی نے آزاد کشمیر میں نئی سیاسی صف بندی کے لیے پاکستان مسلم لیگ (ن) کو حکومت اور کابینہ میں شامل ہونے کی دعوت دی تھی، تاہم مسلم لیگ (ن) نے تحریک کی حمایت کے باوجود وزارتوں میں شمولیت اور وزیراعظم کے انتخاب میں ووٹنگ سے انکار کردیا ہے۔ ن لیگ نے خود کو اپوزیشن میں برقرار رکھنے کا فیصلہ کیا ہے۔
یہ بھی پڑھیں: آزاد کشمیر: پی ٹی آئی کا منحرف ارکان اسمبلی کے خلاف ریفرنس دائر کرنے کا فیصلہ، کیا تحریک عدم اعتماد رک جائےگی؟
بلاول بھٹو زرداری کی یہ ملاقات اس اہم اجلاس سے قبل ہوئی جو شام 7 بجے ایوانِ صدر میں صدر مملکت آصف علی زرداری اور وزیراعظم شہباز شریف کی زیر صدارت منعقد ہوگا۔ اجلاس میں پیپلز پارٹی اور مسلم لیگ (ن) کی قیادت آزاد کشمیر کی سیاسی صورتحال پر اپنی تجاویز پیش کرے گی۔
امکان ظاہر کیا جارہا ہے کہ اجلاس میں پیپلز پارٹی آزاد کشمیر کے نئے وزیراعظم کے امیدوار کا باضابطہ اعلان کرے گی تاکہ مسلم لیگ (ن) کے تحفظات دور کیے جا سکیں اور آئندہ سیاسی حکمتِ عملی طے ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر بلاول بھٹو زرداری تحریک عدم اعتماد محسن نقوی ملاقات وفاقی وزیرداخلہ
علیزے شاہ نے انسٹاگرام سے تمام پوسٹس کیوں ڈیلیٹ کردیں؟ اداکارہ کا بیان