ٹریفک جام اور حادثات پر سخت اقدامات ضروری ہوگئے، سعید غنی
اشاعت کی تاریخ: 8th, February 2025 GMT
کراچی (اسٹاف رپورٹر) وزیر بلدیات سندھ سعید غنی نے کہا ہے کہ کراچی میں بڑھتے ہوئے ٹریفک جام اور حادثات کے پیش نظر سندھ حکومت کیلیے سخت اقدامات لینا ناگزیر ہوگیا ہے۔ یہ بات انہوں نے سپریم کونسل آف آل پاکستان ٹرانسپورٹرز کے وفد سے ملاقات کے دوران کہی۔ وفد کی قیادت سپریم کونسل کے سینئر وائس چیئرمین ملک ریاض اعوان نے کی۔ سعید غنی نے کہا کہ کراچی میں ٹریفک جام اور حادثات کی روک تھام کیلیے سندھ حکومت نے حکمت عملی مرتب کرلی ہے جلد ہی تمام اسٹیک ہولڈرز کو اعتماد میں لے کر شہر بھر میں بلا تفریق تجاوزات کے خلاف مہم کا آغاز کیا جائے گا۔ انہوں نے یقین دہانی کرائی کہ ٹرانسپورٹ برادری کے تمام جائز مطالبات پورے کیے جائیں گے۔ وزیر بلدیات نے واضح کیا کہ شہر میں ہیوی ٹرانسپورٹ اور بڑی بسوں کے داخلے پر پابندی ٹریفک حادثات میں ہوش ربا اضافے اور مستقل جام کی صورتحال کے باعث لگائی گئی ہے، ٹریفک جام کے باعث روزانہ لا کھوں افراد متاثر ہورہے ہیں۔ وفد نے صوبائی وزیر کو بسوں کے ٹرمینل کی منتقلی کے باوجود بکنگ آفسز کی بندش اور دیگر مسائل سے آگاہ کیا۔ سعید غنی نے وضاحت کی کہ یہ اقدامات ٹرانسپورٹرز کیخلاف نہیں بلکہ شہر میں ٹریفک کی روانی کو بہتر بنانے کیلیے کیے جا رہے ہیں۔ جو بکنگ دفاتر دکانوں کے اندر قائم ہیں، ان پر وزیر ٹرانسپورٹ سے بات کی جائیگی تاکہ مسئلے کا حل نکالا جاسکے۔
.ذریعہ: Jasarat News
کلیدی لفظ: ٹریفک جام
پڑھیں:
کراچی کی سڑکوں پر ڈمپروں کے پے درپے وار، ٹریفک پولیس کے اقدامات
data-id="863a0a8" data-element_type="widget" data-widget_type="theme-post-content.default">
کراچی:۔ کراچی میں منگل کو ڈمپر کی ٹکر سے ایک اور موٹر سائیکل سوار نوجوان کی ہلاکت اور ڈمپر ایسوسی ایشن کے صدر لیاقت محسود کے مسلح گارڈز کی ہجوم پر ہوائی فائرنگ کے بعد کشیدگی میں اضافہ ہوگیا۔ مشتعل ہجوم نے ڈمپر کو آگ لگادی ۔
جس کے بعد ڈی آئی جی پی ٹریفک کی زیرِ صدارت اہم اجلاس منعقد ہوا، جس میں تمام ٹریفک کے ایس ایس پیز نے شرکت کی۔ اجلاس کے دوران ڈی آئی جی پی ٹریفک نے تمام افسران کو ہدایت جاری کی کہ فیلڈ میں موجود تمام ٹریفک اہلکار اس بات کو یقینی بنائیں کہ ان کی سرکاری و نجی گاڑیوں پر واضح نمونہ دار نمبر پلیٹس آویزاں ہوں اور ٹریفک قوانین پر مکمل عمل ہو۔
انہوں نے کہا کہ ڈمپر، ٹرک اور فیکٹری مالکان اپنی گاڑیوں میں ٹریکر ڈیش کیم کیمراز نصب کریں، خلاف ورزی کی صورت میں ایف آئی آر درج کی جائے گی۔ ہیوی گاڑیوں پر نمونہ دار نمبر پلیٹس نہ ہونے پر گاڑیاں بند کی جائیں گی۔
چنگ چی رکشوں کے غیر قانونی اسٹینڈز اور شاہراہوں پر تجاوزات کے خلاف بھی کارروائی کا فیصلہ کیا گیا۔ ڈی آئی جی ٹریفک نے کہا کہ شہریوں کی سہولت اور محفوظ سفر کے لیے کراچی ٹریفک پولیس کے اقدامات جاری ہیں۔
کراچی، نادرن بائی پاس پر پلاسٹک کے گودام میں آگ لگ گئی