منعم ظفر کا گلشن ٹائون میں پھولوں کی نمائش کا افتتاح(روسی وایرانی سفارتکاروں کی شرکت)
اشاعت کی تاریخ: 8th, February 2025 GMT
امیر جماعت اسلامی کراچی منعم ظفر خان، روس کے قونصل جنرل اینڈریو شیروف، ایرانی ڈپٹی قونصل جنرل وحید اصغری اور ٹاؤن چیئر مین گلشن اقبال ڈاکٹر فواد احمد محمود غزنوی پارک گلشن اقبال بلاک 16 میں پھولوں و پرندوں کی 3 روزہ نمائش کا افتتاح، دوسری جانب نمائش کا دورہ کر رہے ہیں
کراچی (اسٹاف رپورٹر)امیر جماعت اسلامی کراچی منعم ظفر خان نے جمعہ کے روز روس کے قونصل جنرل اینڈ ریوشیروف، ایرانی ڈپٹی قونصل جنرل وحید اصغری،امیر ضلع شرقی نعیم اختر اور ٹاؤن چیئر مین گلشن اقبال ڈاکٹر فواد احمد کے ہمراہ ٹاؤن میونسپل کارپوریشن گلشن اقبال کے تحت محمود غزنوی پارک بلاک 16میں پھولوں اور پرندوں کی 3روزہ نمائش کا افتتاح کر دیا، نمائش میں موسمِ بہار کی آمد کے موقع پر مختلف قسم کے پھول اور رنگ برنگے پرندے رکھے گئے ہیں، فلاور و برڈ شو میں علاقہ مکینوں نے گہری دلچسپی کا اظہار کیا اور جماعت اسلامی کے منتخب بلدیاتی نمائندوں کی کوششوں کو سراہا، منعم ظفر خان اور ڈاکٹر فواد احمد نے روسی قونصل جنرل اور ڈپٹی ایرانی قونصل جنرل کی آمد اور ٹاؤن کی کوششوں کی حوصلہ افزائی کرنے پر تہہ دل سے اظہار ِ تشکر کیا۔اس موقع پر وائس ٹاؤن چیئر مین ابراہیم صدیقی، سینئر ڈپٹی سیکرٹری اطلاعات صہیب احمد و دیگر بھی موجود تھے۔بعد ازاں میڈیا کے نمائندوں سے گفتگو کرتے ہوئے منعم ظفر خان نے کہا کہ پھولوں سے معاشرے میں خوشبو پھیلتی ہے، خوشبو سے معطر پھول اور رنگ برنگے پرندوں کی نمائش انسان کو فطرت سے قریب کرتی ہے، اس 3 روزہ نمائش کے انعقاد پر ٹاؤن چیئر مین گلشن اقبال ڈاکٹر فواد اور ان کی پوری ٹیم مبارکباد کی مستحق ہے، انہوں نے مزید کہا کہ ہم اپنے 9ٹاؤنز میں عوامی خدمت اور تعمیر وترقی کا سفر، پارکوں و کھیلوں کے میدانوں کی بحالی، اوپن ائیر جم کے پروجیکٹ پر کام جاری رکھیں گے۔ جماعت اسلامی کے ٹاؤن چیئرمین میسر وسائل میں اپنے فرائض سرانجام دے رہے ہیں۔کراچی ترقی کرے گا تو پورا ملک ترقی کرے گا۔ روس قونصل جنرل اینڈریو شیروف نے کہا کہ یہ خوبصورت نمائش دیکھ کر خوشی ہوئی ہے،کراچی کے شہری بھی ان پھولوں کی طرح ہیں، آج یہاں شریک ہو کر مجھے جو محبت ملی ہے وہ ہمیشہ یاد رہے گی، دل چاہتا ہے کہ میں بار بار آؤں، انہوں نے نمائش کے میزبانوں اور منتظمین کا شکریہ بھی ادا کیا۔ ڈپٹی ایرانی قونصل جنرل وحید اصغری نے کہا کہ پارکوں میں پھولوں کی مختلف اقسام دیکھ کر دل خوش ہوتا ہے، اس نمائش میں ہماری توقعات سے بڑھ کر پھول سجائے گئے ہیں، پاکستان ایسا ملک ہے جہاں خوبصورت قدرتی مناظر موجود ہیں، ڈپٹی ایرانی قونصل جنرل نے بھی میزبانوں کا شکریہ ادا کیا۔ ڈاکٹر فواد احمد نے کہا کہ روس اور ایران کے مہمانانِ گرامی کی ہماری نمائش میں شرکت اس امر کا ثبوت ہے کہ پاکستان کے دوست کوئی مشکل ہو یا خوشی ہمارے ساتھ کھڑے ہیں اور ہمارا ملک تنہا نہیں۔گلشن اقبال ٹاؤن کی خوش قسمتی اور اعزاز ہے کہ دوست ممالک کے معزز مہمان ہماری دعوت پر تشریف لائے اور ہماری حوصلہ افزائی کی۔ گلشن اقبال ٹاؤن کراچی کا وسط اور دل ہے، یہاں3 سرکاری جامعات ہیں، ہماری کوشش اور عزم ہے کہ اپنے دستیاب وسائل سے اس ٹاؤن کے عوام کی خدمت کریں، کراچی کی تعمیر و ترقی میں اپنا کردار ادا کریں۔
.ذریعہ: Jasarat News
کلیدی لفظ: ڈاکٹر فواد احمد ٹاو ن چیئر مین جماعت اسلامی میں پھولوں گلشن اقبال نمائش کا
پڑھیں:
فیلڈ مارشل کو ملنے والا اعزاز پوری پاکستانی قوم کے لیے باعث فخر ہے، جاوید اقبال انصاری
ملتان پریس کلب میں پریس کانفرنس کرتے ہوئے سابق اسسٹنٹ اٹارنی جنرل کا کہنا تھا کہ جب پاکستان نہ صرف سیاسی بلکہ معاشی دیوالیہ کے دہانے پر پہنچ گیا تھا فیلڈ مارشل جنرل سید عاصم منیر نے پاکستان کے دفاع بلکہ معاشی اور خارجہ امور پر عوامی قیادت کو ساتھ ملا کر حالات پر قابو پایا اور اقوام عالم کے سامنے پاکستان کی پوزیشن کو مستحکم کرنے میں اہم کردار ادا کیا۔ اسلام ٹائمز۔ سابق اسسٹنٹ اٹارنی جنرل پاکستان، سابق ایڈیشنل ڈپٹی پراسٹیکیوٹر جنرل نیب محمد جاوید اقبال انصاری ایڈووکیٹ سپریم کورٹ آف پاکستان نے کہا ہے کہ فیلڈ مارشل جنرل سید عاصم منیر نے وطن عزیز پاکستان کی بگڑتی ہوئی معیشت کو سیاسی قیادت کو ساتھ لے کر سنبھالا بلکہ معرکہ حق آپریشن بنیان المرصوص میں بے مثال فتح حاصل کی جبکہ دہشت گردی کے خلاف جنگ میں فتنہ الخوارج کے خلاف بطور سپہ سالار بھرپور کردار ادا کر رہے ہیں جس پر ان کی بیش بہا خدمات کو وزیراعظم پاکستان میاں شہباز شریف اور پیپلزپارٹی کے چیئرمین بلاول بھٹو زرداری نے سراہا ہے، ان خیالات کا اظہار انہوں نے پریس کلب میں پریس کانفرنس کے دوران کیا۔
انہوں نے مزید کہا کہ جب پاکستان نہ صرف سیاسی بلکہ معاشی دیوالیہ کے دہانے پر پہنچ گیا تھا فیلڈ مارشل جنرل سید عاصم منیر نے پاکستان کے دفاع بلکہ معاشی اور خارجہ امور پر عوامی قیادت کو ساتھ ملا کر حالات پر قابو پایا اور اقوام عالم کے سامنے پاکستان کی پوزیشن کو مستحکم کرنے میں اہم کردار ادا کیا۔ وفاقی کابینہ کی منظوری کے بعد وزیراعظم پاکستان اور صدر مملکت اصف علی زرداری کی مشاورت کے بعد جنرل سید عاصم منیر کو فیلڈ مارشل کے منصب جلیلہ اور اعزاز سے نوازا گیا جبکہ ایئر چیف مارشل ظہیر احمد بابر سدھو کو ان کی پیشہ ورانہ صلاحیتوں پر ان کی خدمات کو جاری رکھنے کا فیصلہ بھی کیا گیا۔
فیلڈ مارشل کو ملنے والا اعزاز پوری پاکستانی قوم کے لیے خواہ اس کا تعلق کسی بھی طبقہ سے ہو باعث فخر ہے، جبکہ 66 سال قبل 1959 میں اس وقت کے آرمی چیف جنرل ایوب خان کی صدارتی کابینہ نے فیلڈ مارشل کا عہدہ عطا کیا تھا، جنرل سید عاصم منیر دوسرے جمہوری دور کے پہلے مرد آہن فیلڈ مارشل کے عہدہ پر فائض ہوئے ہیں جو پاکستان کے موجودہ سیاسی حالات پر بھی گہری نظر رکھے ہوئے ہیں اور پاکستان کی موجودہ سیاسی قیادت کے ساتھ مل کر پاکستان کو ترقی اور خوشحالی کی راہ پر گامزن کرنے کے لیے ملکی اور بین الاقوامی سطح پر بھرپور کردار ادا کر رہے ہیں۔
یہی وجہ ہے کہ فیلڈ مارشل کی کاوشوں کی بدولت سعودی عرب جیسے اہم ترین ملک میں پاکستان کے دفاعی اور تجارتی معاہدات پر عمل درآمد جاری ہے اور مجھے یہ جان کر انتہائی خوشی ہوئی ہے کہ آئی ایس پی ار کی جاری کردہ پریس ریلیز میں فیلڈ مارشل جنرل عاصم منیر کی جانب سے یہ اعزاز پوری قوم افواج پاکستان خاص طور پر سول اور ملٹری شہدا اور غازیوں کے نام وقف کرتا ہوں جو ان کی جذبہ حب الوطنی اور اعلی قائدانہ صلاحیتوں کا مظہر ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف