خیر محمد تنیو علیل ہوگئے
اشاعت کی تاریخ: 10th, February 2025 GMT
پریم یونین ریلوے کے مرکزی سیکرٹری جنرل خیر محمد تنیو کاگزشتہ دنوں کراچی کے مقامی اسپتال میں پروسٹیٹ کا آپریشن ہوا۔ نیشنل لیبر فیڈریشن کراچی کے جنرل سیکرٹری محمد قاسم جمال نے اسپتال میں ان کی عیادت کی اور خیریت بھی دریافت کی اور ان کی جلد مکمل صحت یابی کے لیے خصوصی دعا بھی کی۔
.ذریعہ: Jasarat News
پڑھیں:
کینسر کا شکار دیپیکا ککڑ 11 دن بعد اسپتال سے ڈسچارج
ٹی وی اداکارہ دیپیکا ککڑ کو اسٹیج ٹو لیور کینسر کے باعث 14 گھنٹے طویل سرجری کے بعد اسپتال سے ڈسچارج کردیا گیا۔
اداکار شعیب ابراہیم نے اپنی اہلیہ دیپیکا کی صحت کی اپڈٰیٹ دیتے ہوئے کہا کہ دیپیکا کو 11 دن بعد اسپتال سے ڈسچارج کردیا گیا ہے، تاہم ان کا کہنا تھا کہ اب بھی فالو اپ کے لیے اسپتال آنا جانا جاری رہے گا کیونکہ ٹیومر کینسر زدہ نکلا ہے۔
انہوں نے مزید کہا کہ پچھلے کچھ دن ہمارے لیے بہت مشکل تھے، میرے لیے بھی اور میرے خاندان کے لیے بھی لیکن ہم ہر ایک کی دعاؤں اور حمایت کے شکر گزار ہیں، یہ صرف ایک مرحلہ ہے، ابھی آگے بہت کچھ باقی ہے، فی الحال سب کچھ ٹھیک ہے لیکن ہم نے محض ایک سنگ میل عبور کیا ہے، ابھی بھی کئی معاملات ہیں جن کا جائزہ لینا ہے۔
View this post on InstagramA post shared by Dipika (@ms.dipika)
شعیب نے بتایا کہ جیسے جیسے ڈاکٹروں کی رہنمائی ہوگی، ہم اس پر عمل کرتے جائیں گے لیکن سب سے بڑا حصہ سرجری تھی جو کامیاب رہی،دیپیکا بھی اچھی طرح صحت یاب ہو رہی ہیں۔
دیپیکا ، جن کا 14 گھنٹے طویل آپریشن ہوا، اسپتال سے رخصتی کے وقت بہت جذباتی تھیں۔انہوں نے ذاتی طور پر تمام ڈاکٹروں کا شکریہ ادا کیا اور نرسوں سے بغلگیر ہوئیں۔
وی لاگ میں شعیب نے اس جذباتی لمحے کو یاد کرتے ہوئے کہا کہ جب ڈاکٹر نے بتایا کہ دیپیکا کا ٹیومر کینسر زدہ ہے، تو وہ دونوں ڈاکٹر کے سامنے ہی رو پڑے۔
دیپیکا کی صحت پر بات کرتے ہوئے شعیب نے کہا کہ فی الحال سب کچھ ٹھیک ہے لیکن ہمیں بار بار اسپتال آنا پڑے گا کیونکہ ٹیومر کینسر زدہ تھا، اس صورتحال کی مانیٹرنگ ضروری ہے، انہوں نے ہمیں ایک ہفتے بعد پھر آنے کو کہا ہے، اس کے بعد فیصلہ کیا جائے گا کہ مزید کوئی علاج درکار ہے یا نہیں، فی الحال ہم قدم بہ قدم آگے بڑھ رہے ہیں۔
ویڈیو میں دیپیکا کو اپنے بیٹے روحان اور دیگر اہلِ خانہ سے دوبارہ ملتے ہوئے دیکھا گیا، وی لاگ میں دیپیکا خاموشی سے بیٹھی رہیں جبکہ شعیب نے زیادہ تر بات کی۔
آخر میں اس جوڑے نے اپنے مداحوں کا شکریہ ادا کیا۔ دیپیکا نے جذباتی انداز میں کہا کہ یہ حقیقت کہ آپ میں سے بہت سوں نے صرف دو منٹ نکال کر میرے دعا کی،یہ بہت بڑی بات ہے، آپ کو اندازہ نہیں کہ ان کٹھن لمحات میں ہمیں کتنی حوصلہ افزائی ملی۔
شعیب نے اس وی لاگ کو اصل میں پہلے شیئر کرنے کا ارادہ کیا تھا لیکن احمد آباد طیارہ حادثے کے متاثرین کے احترام میں اسے مؤخر کر دیا۔
ویڈیو میں انہوں نے اور دیپیکا نے اس سانحے میں متاثرہ خاندانوں سے تعزیت کا اظہار بھی کیا۔
دیپیکا کی 14 گھنٹے طویل سرجری
دیپیکا کو مئی میں جگر میں ٹیومر کی تشخیص ہوئی تھی، رواں ماہ کے آغاز میں دیپیکا نے اسٹیج 2 لیور کینسر کے لیے 14 گھنٹے طویل آپریشن کروایا۔
یوٹیوب پر اپنے وی لاگ میں شعیب نے بتایا کہ سرجری کے دوران دیپیکا کا گیل بلیڈر(پتہ) اور جگر کا ایک چھوٹا سا حصہ بھی نکالا گیا۔
انہوں نے کہا کہ ان کا ٹیومر بخوبی نکال دیا گیا، سرجری کے بعد گیل بلیڈر بھی نکال دیا گیا کیونکہ اس میں پتھری تھی، چونکہ جگر میں ٹیومر تھا، اس لیے اس کا ایک چھوٹا سا حصہ بھی کاٹا گیا لیکن گھبرانے کی ضرورت نہیں، کیونکہ جگر وہ عضو ہے جو خود کو دوبارہ بنا لیتا ہے۔
Post Views: 5
سالانہ مالیاتی بل 2025 سینیٹ میں پیش،چیئرمین نے قائمہ کمیٹی خزانہ کے سپرد کردیا