سعودی عرب: میں لیپ2025میں 100 سے زیادہ پاکستانی آئی ٹی کمپنیاں شریک
اشاعت کی تاریخ: 11th, February 2025 GMT
کراچی: پاکستانی آئی ٹی کمپنیاں جارحانہ انداز میں نئی اور ابھرتی ہوئی ٹیکنالوجی مارکیٹس خاص طور پرسعودی عرب میں اپنا کا م بڑھا رہی ہے اور اس مقصدکے حصول کے لئے100 سے زائدآئی ٹی ادارےLEAP 2025 میں شرکت کر رہی ہیں جو ریاض، سعودی عرب میں منعقد ہونے والے دنیا کے بڑے ٹیک تجارتی میلوں میں سے ایک ہے۔
سعودی عرب میں منعقدہ لیپ 2025 میں پاکستان سے 1,000 سے زائد مندوبین کانفرنس میں شرکت کر رہے ہیں جن میں تاجر، سرکاری اہلکار، سرمایہ کار، برآمد کنندگان اور مقررین شامل ہیں جو کہ کمپنیوں اور مدوبین دونوں کے لحاظ سے LEAP میں پاکستان کی اب تک کی سب سے زیادہ شرکت ہے۔پاکستانی آئی ٹی کمپنیاں LEAP 2025 میں اپنیاور خدمات کی نمائش کر رہی ہیں اور اسٹریٹجک نیٹ ورکنگ میں مشغول ہیں تاکہ مملکت میں مشترکہ منصوبوں اور سرمایہ کاری کے مواقع مل سکے ۔
آئی ٹی اور ٹیلی کمیونیکیشن کی وزیر مملکت شازہ فاطمہ نے LEAP 2025 میں پاکستان پویلین کا افتتاح کیا اور کہا کہ LEAP ایک سالانہ ٹیکنالوجی ایونٹ ہے جو ریاض، سعودی عرب میں منعقد ہوتا ہے، جس میں صنعتی رہنماؤں، جدت کاروں اور سرمایہ کاروں کو ٹیکنالوجی اور ڈیجیٹل تبدیلی کے مستقبل کی تشکیل کے لیے اکٹھا کیا جاتا ہے۔
اس موقع پرپاکستان سافٹ ویئر ہاؤسز ایسوسی ایشن برائے آئی ٹی اینڈ آئی ٹی ای ایس (P@SHA) کے سینئر وائس چیئرمین محمد عمیر نظام نے کہا کہ پاکستانی آئی ٹی کمپنیاں LEAP 2025 میں مختلف شعبوں سے متعدد غیر ملکی فرموں کو راغب کر رہی ہیں۔ پاکستانی آئی ٹی کمپنیوں نے گزشتہ مالی سال کے دوران آئی ٹی کی برآمدات میں 100 فیصد اضافہ دیکھا اور اس سال ایک اور ریکارڈ حاصل کرنے کے لیے تیار ہیں جو کہ سرکاری اور نجی دونوں سطحوں پر نئے کاروباری سودوں کے ذریعے کارفرما ہے۔
ان کا کہنا تھا کہ اسپیشل انویسٹمنٹ فیسیلیٹیشن کونسل (SIFC)، وزارت آئی ٹی، پاکستان سافٹ ویئر ایکسپورٹ بورڈ (PSEB) اور P@SHA کی مشترکہ کوششوں نے IT کمپنیوں کے لیے KSA مارکیٹ اور GCC کے پورے خطے میں آپریشنز کو وسعت دینے کے لیے سازگار ماحول پیدا کیا ہے۔
.ذریعہ: Jasarat News
کلیدی لفظ: پاکستانی ا ئی ٹی کمپنیاں ئی ٹی ا کے لیے
پڑھیں:
آج پاکستان کے کن علاقوں میں تیز ہواؤں اور گرج چمک کے ساتھ بارش کا امکان ہے؟
محکمہ موسمیات نے خبردار کیا ہے کہ عید کی تعطیلات اور آئندہ ہفتے کے دوران شدید گرمی کی لہر دیکھنے کو ملے گی تاہم پاکستان میں بعض علاقوں میں تیز ہواؤں اور گرج چمک کے ساتھ بارش کا بھی امکان ہے۔
محکمہ موسمیات کے مطابق آج سے 12 جون کے دوران ملک کے بالائی علاقوں وسطی/ بالائی پنجاب، اسلام آباد، خیبرپختونخوا، کشمیر، گلگت بلتستان میں دن کا درجہ حرارت معمول سے 05 سے 07 ڈگری سینٹی گریڈ زیادہ رہنے جبکہ جنوبی علاقوں بالائی / وسطی سندھ، جنوبی پنجاب اور بلوچستان میں 04 سے 06 ڈگری سینٹی گریڈ زیادہ رہنے کا امکان ہے۔
گزشتہ روز ریکارڈ کئے گئے زیادہ سے زیادہ درجہ حرارت سبی 49، دادو 48، سکرنڈ اور شہید بینظیر آباد میں 47 ڈگری سینٹی گریڈ ریکارڈ کیا گیا۔
یہ بھی پڑھیے مون سون 2025: معمول سے زیادہ بارشیں، سیلاب اور اربن فلڈنگ کا خطرہ، محکمہ موسمیات
محکمہ موسمیات نے پیش گوئی کی ہے کہ اتوار کے روز ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ہے تاہم شام / رات بالائی خیبر پختونحوا اور گلگت بلتستان میں مطلع جزوی ابرآلود رہنے کے علاوہ چند مقامات پر تیز ہواؤں اور گرج چمک کے ساتھ بارش ہو سکتی ہے۔
جبکہ پیر کے روز ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ہے۔
گزشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا۔ تاہم بالائی خیبر پختونخوا اور خطہ پوٹھوہار میں تیز ہواؤں اور گرج چمک کے ساتھ چند مقامات پر بارش ہوئی۔
یہ بھی پڑھیے مئی سے جولائی کے دوران بارشوں کی پیشگوئی، ہیٹ ویو اور سیلاب کا بھی خدشہ
سب سے زیادہ بارش خیبرپختونخوا کے علاقوں چراٹ میں 15 ملی میٹر، پشاور (ایئرپورٹ 12 ملی میٹر ، سٹی 04 ملی میٹر)، پٹن میں 03 ملی میٹر ، دیر لوئر میں 02 ملی میٹر جبکہ پنجاب میں اسلام آباد ایئرپورٹ اور اٹک میں 04 ملی میٹر اور راولپنڈی (چکلالہ) میں 02 ملی میٹربارش ریکارڈ کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
محکمہ موسمیات
حکومت کا پیٹرولیم لیوی کو بڑھانے کا کوئی ارادہ نہیں،علی پرویزملک