علی فضل ایک بار پھر ہالی وڈ فلم میں تہلکہ مچانے کو تیار
اشاعت کی تاریخ: 12th, February 2025 GMT
مشہور بالی وڈ اداکار علی فضل ایک بار پھر ہالی وڈ میں تہلکہ مچانے کو تیار ہیں اور ان کی نئی فلم "رُول بریکرز" رواں سال 7 مارچ کو شمالی امریکہ کے سنیما گھروں میں ریلیز ہو رہی ہے۔
دلچسپ بات یہ ہے کہ یہ فلم عالمی یومِ خواتین سے قبل ریلیز ہو رہی ہے، جو اس کی اہمیت کو مزید بڑھا دیتی ہے۔
یہ فلم ایک حقیقی کہانی پر مبنی ہے اور خواتین کی تعلیم کے حق سے متعلق ایک طاقتور پیغام دیتی ہے۔ علی فضل فلم میں سمیر سنہا نامی ایک امریکی ٹیکنالوجی ماہر کا کردار ادا کر رہے ہیں۔
اپنی خوشی کا اظہار کرتے ہوئے انسٹاگرام پر انہوں نے کہا: "یہ فلم صرف ایک کہانی نہیں، بلکہ ہمت، اتحاد اور تعلیم کی طاقتور اہمیت کو اجاگر کرتی ہے۔ یومِ خواتین کے موقع پر اس فلم کا ریلیز ہونا اس کے پیغام کو مزید مضبوط بناتا ہے۔ مجھے فخر ہے کہ میں اس پروجیکٹ کا حصہ ہوں۔"
فلم کی کہانی ایک بہادر خاتون کے گرد گھومتی ہے جو ایک ایسے معاشرے میں لڑکیوں کو تعلیم دینے کا خواب دیکھتی ہے جہاں یہ قدم بغاوت سمجھا جاتا ہے۔
جیسے جیسے ان کا تعلیمی مشن عالمی سطح پر پذیرائی حاصل کرتا ہے، ویسے ویسے ان کے راستے میں رکاوٹیں اور چیلنجز بڑھنے لگتے ہیں، لیکن ان کا حوصلہ ایک نئی تحریک کو جنم دیتا ہے جو دنیا بدل سکتی ہے۔
اس عظیم الشان فلم میں ہالی وڈ کی معروف اداکارہ فیبی والر برج بھی شامل ہیں جبکہ اس کی ہدایتکاری آسکر ایوارڈ یافتہ ہدایت کار بل گٹن ٹیگ نے کی ہے۔
.
ذریعہ: Express News
پڑھیں:
تعلیم اور صحت پر جی ڈی پی کا ایک فیصد سے بھی کم خرچ، شرح خواندگی 60.65 فیصد، اوسط عمر 67.6 سال
اسلام آباد( نیوز ڈیسک ) رواں مالی سال 2024-25میں پاکستان میں تعلیم اور صحت پر مجموعی جی ڈی پی کا ایک فیصد سے بھی کم خرچ کیاگیا ، تعلیم کے شعبے پر جی ڈی پی کا 0.8فیصد اور صحت کے شعبے پر جی ڈی پی کا 0.9فیصد خرچ ہو اور یہ خطے میں تمام ممالک سے کم ترین ہےا ، اقتصادی سروے رپورٹ کے مطابق رواں مالی سال صحت پر 924ارب روپے خرچ ہوئے ہیں جبکہ گزشتہ برس 843ارب روپے خرچ کیے گئے تھے ۔ پی ایس ڈی پی میں 103ار ب50کروڑ روپے صحت کے لیے مختص کیے گئے تھے ، رپورٹ کے مطابق ملک میں 1696ہسپتال ، 5434بنیادی مراکز صحت اور تین لاکھ 19ہزار572 رجسٹر ڈ ڈاکٹر ہیں ، ملک میں اوسط عمر 67سال 6سال ہےجبکہ جنوبی ایشیا 71سال6ماہ ہے، 2015میں اوسط عمر 65سال 6 ماہ تھی ، تعلیم کے شعبے میں خواندگی کی شرح 60.65فیصد ہے ، مردوں میں خواندگی کی شرح68فیصد اور خواتین میں شرح خواندگی 52.8فیصد ہے ٹرانسجینڈر میں شرح خواندگی 40.15فیصد ہے، شہری علاقوں میں 74.09فیصد اور جبکہ دیہی علاقوں میں 51.56فیصد ہے ، سب سے زیادہ شرح خواندگی پنجاب میں 66.25فیصد ، سندھ میں 57.54فیصد ، خیبرپختونخوا میں 51.09فیصد اور بلوچستان میں شرح خواندگی 42.01فیصد ہے، سکول سے داخل نہ ہونے والے بچوں کی شرح38فیصد ہے ، رپورٹ کے مطابق ملک میں یونیورسٹیوں کی تعداد 269ہے۔
Post Views: 2
خطے کا مستقل امن کشمیر کا مسئلہ حل کرنے سے جڑا ہے، راجہ پرویز اشرف