وزیراعظم کا آئی ایم ایف سے بجلی کی قیمتوں میں کمی کا مطالبہ غلامی کی بدترین مثال ہے، عبدالواسع
اشاعت کی تاریخ: 14th, February 2025 GMT
جماعت اسلامی کے صوبائی امیر کا کہنا تھا کہ جماعت اسلامی پاکستان کی واحد سیاسی قوت ہے جس کا دامن پر کرپشن کا داغ نہیں ہے، موجودہ مرکزی اور صوبائی حکومتوں نے کرپشن کے تمام ریکارڈ توڑ دیئے ہیں۔ اسلام ٹائمز۔ امیر جماعت اسلامی خیبر پختونخوا وسطی عبدالواسع نے کہا ہے کہ مرکز اور صوبوں میں قائم حکومتیں ہر محاذ پر بری طرح ناکام ثابت ہوئی ہیں، سرکاری محکموں میں بدترین کرپشن عام ہے۔ بدامنی، لوڈشیڈنگ، سٹریٹ کرائمز اور مہنگائی کی وجہ سے عوام کی زندگی اجیرن ہو کررہ گئی ہے۔ وزیراعظم پاکستان کا آئی ایم ایف سے بجلی کی قیمتوں میں کمی کا مطالبہ غلامی کی بدترین انتہا ہے جبکہ دوسری طرف صوبے میں گزشتہ 12 برسوں سے تسلسل کے ساتھ اقتدار میں رہنے والی تبدیلی کی دعوے دار حکومت کا وزیراعلی تیس نوجوانوں کی اجتماعی شادیوں کی تقریب پر شادیانے بجارہا ہے کہ گویاں اس نے صوبے میں دودھ اور شہد کی نہریں بہادی ہوں۔ چند نوجوانوں کی اجتماعی شادیوں کا اہتمام تو گلی محلے کی غیرسرکاری فلاحی تنظیم (این جی او) کے کرنے کا کام ہے، وزیراعلیٰ اپنے منصب کے مطابق عوام کو ریلیف فراہم کریں، جماعت اسلامی پاکستان کی واحد سیاسی جماعت ہے جس کے دامن پر کرپشن کا کوئی داغ نہیں ہے۔
ان خیالات کا اظہار جماعت اسلامی خیبر پختونخوا وسطی کے امیر عبدالواسع نے گل آباد دلہ زاک روڈ پر جماعت اسلامی این اے 32 پشاور کے تحت منعقدہ ورکرز کنونشن سے خطاب کرتے ہوئے کیا۔ اس موقع پر ضلعی امیر بحراللہ خان ایڈوکیٹ، صوبائی نائب امیر حاجی محمد اسلم، این اے 32 کے امیر حافظ حمید اللہ ایڈوکیٹ اور سابق امیدوار قومی اسمبلی طارق متین سمیت دیگر قائدین نے بھی خطاب کیا۔ مقررین نے کہا کہ جماعت اسلامی نے ہر دور میں ملک اور قوم کو نہ صرف باصلاحیت اور باکردار قیادت فراہم کی ہے بلکہ عملی طور پر بھی ہر مشکل گھڑی میں الخدمت فاونڈیشن نے گرانقدر خدمات سرانجام دی ہیں۔ انہوں نے کہا کہ الخدمت بنو قابل پروگرام کے زریعے ملک بھر میں دس لاکھ نوجوانوں کو آئی ٹی کورسز اور آن لائن بزنس کے کورسز کا سلسلہ جاری یے، جس کے زریعے عنقریب ملک میں معاشی انقلاب برپا ہوگا۔
ذریعہ: Islam Times
کلیدی لفظ: جماعت اسلامی
پڑھیں:
رانا مشہود سے یونیسف کی نمائندہ کی ملاقات، مختلف امورپر غور
اسلام آباد (اُردو پوائنٹ اخبارتازہ ترین - این این آئی۔ 17 ستمبر2025ء)چیئرمین وزیراعظم یوتھ پروگرام رانا مشہود احمد خاں نے کہا ہے کہ ڈیجیٹل یوتھ ہب نوجوانوں کومصنوعی ذہانت پر مبنی وسائل تک ذاتی رسائی فراہم کرے گا، حکومت پاکستان تعلیمی نظام میں اصلاحات کے لیے اقدامات کر رہی ہے۔بدھ کو وزیراعظم یوتھ پروگرام سے جاری بیان کے مطابق وزیراعظم یوتھ پروگرام کے چیئرمین رانا مشہود احمد خاں سے وزیراعظم آفس میں یونیسف کی نمائندہ مس پینیلے آئرنسائیڈ نے ملاقات کی۔ملاقات میں پاکستان میں نوجوانوں کو بااختیار بنانے، تعلیم کے نظام کو بہتر بنانے اور رضاکارانہ کام کو فروغ دینے کے لیے اہم منصوبوں پر تبادلہ خیال کیا گیا۔ملاقات کے دوران مس آئرنسائیڈ نے ڈیجیٹل یوتھ ہب، پاکستان کے تعلیمی نظام اورقومی رضا کارکورپ کے حوالے سے تبادلہ خیال کیا۔(جاری ہے)
یونیسف کی نمائندہ مس آئرنسائیڈ نے وزیراعظم یوتھ پروگرام کے ڈیجیٹل یوتھ ہب اور قومی رضا کار کورپ کی حمایت کرتے ہوئے ان میں گہری دلچسپی کا اظہار کیا۔
انہوں نے پاکستان کے تعلیمی نظام میں اہم اصلاحات کی ضرورت پر بھی زور دیا۔چیئرمین وزیراعظم یوتھ پروگرام رانا مشہود احمد خاں نے کہا کہ وزیراعظم یوتھ پروگرام کے تحت ڈیجیٹل یوتھ ہب نوجوانوں کو مصنوعی ذہانت پر مبنی وسائل تک ذاتی رسائی فراہم کرے گا، ڈیجیٹل یوتھ ہب پاکستان کے نوجوانوں کے لیے ایک اہم موقع ثابت ہوگا۔ انہو ں نے کہا کہ حکومت پاکستان تعلیمی نظام میں اصلاحات کے لیے اقدامات کر رہی ہے،نیا تعلیمی نظام نوجوانوں کو مستقبل کے چیلنجز کے لیے تیار کرے گا۔رانا مشہود احمد خاں نے کہا کہ قومی رضا کار کورپ کے ذریعے 20 لاکھ رضاکاروں کو تربیت دی جائے گی، قومی رضاکار کور پ کا مقصد نوجوانوں کو مثبت سماجی تبدیلی لانے کے لیے بااختیار بنانا ہے۔
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ