حیدرآباد ،شب برأت مذہبی عقیدت و احترام کے ساتھ منائی گئی
اشاعت کی تاریخ: 15th, February 2025 GMT
حیدرآباد(اسٹاف رپورٹر)دعوت اسلامی کے زیر اہتمام سندھ بھر میں شب برا ٔت عقیدت و احترام کے ساتھ منائی گئی،حیدر آباد سمیت ٹھٹھہ، ٹنڈو محمد خان ،میر پور خاص ،ٹنڈو الٰہیار ،سانگھڑ ،نواب شاہ ،دادو ،سکھر ،لاڑکانہ ،کھوٹکی اوردیگر علاقوں میں مدنی مراکز فیضان مدینہ سمیت مختلف مقامات پر اجتماعات کا نعقاد کیا گیا ،اجتماعات میں بعد نماز مغرب خصوصی نوافل ودیگر ذکر و اذکاراہتمام کیا گیا جبکہ علمائے کرام اور مبلغین دعوت اسلامی نے شب برأت کی اہمیت وفضیلت پر سنتوں بھرا بیان کرتے ہوئے کہا کہ شب برأت رحمت، مغفرت اور بخشش کی رات ہے، اس رات اللہ پاک اپنی شان کے لائق آسمان دنیا پر تجلی فرماتا ہے ،یہ رات عبادت، دعا اور توبہ کی رات ہے اور دن میں روزہ رکھنا بھی باعثِ برکت ہے۔انہوں نے مزید کہا کہ بنی قلب قبیلے کی بکریوں کے بالوں کی تعداد سے بھی زیادہ گناہگاروں کی بخشش اس رات میں ہوتی ہے، خوش نصیب وہی ہیں جو اس مقدس رات کی قدر کرتے ہیں اور اللہ پاک کا قرب حاصل کرنے کے لیے عبادات میں مشغول رہتے ہیں، یہ رات غفلت میں گزارنے کی نہیں بلکہ توبہ اور نیک اعمال میں آگے بڑھنے کا موقع ہے۔اجتماعات کے اختتام پر وطن عزیز پاکستان، عالم اسلام اور تمام مسلمانوں کے لیے خصوصی دعائیں کی گئیں۔
.ذریعہ: Jasarat News
پڑھیں:
ایسی دنیا چاہتے ہیں جہاں مساوات، یکجہتی اور انسانی حقوق کا احترام ہو، آصف زرداری
data-id="863a0a8" data-element_type="widget" data-widget_type="theme-post-content.default">
دوحہ:۔ صدر ملکت آصف علی زرداری نے مساوات، یکجہتی اور انسانی حقوق کے احترام پر مبنی سماجی ہم آہنگی کی ضرورت پر زور د یتے ہوئے کہا ہے کہ غربت کے تمام مظاہر کو ختم کرنا، مکمل اور بامقصد روزگار کو فروغ دینا اور سب کے لیے باعزت کام کے مواقع فراہم کرنا وقت کی ضرورت ہے۔
دوحہ میں منعقدہ ورلڈ سمٹ برائے سماجی ترقی سے خطاب کرتے ہوئے صدر مملکت کا کہنا تھا کہ ترقی پذیر ممالک کی ضروریات کے حوالے سے ہمیں یہ یقینی بنانا ہوگا کہ عالمی ادارے جامع اور جوابدہ ہوں۔
صدر مملکت نے کہا کہ پاکستان پالیسی سازی میں عوام کو مرکز میں رکھنے کے اپنے عزم پر قائم ہے جبکہ ہمارا جامع اور پائیدار ترقی کا وژن دوحہ اعلامیے کی روح کے عین مطابق ہے۔ ان کا کہنا تھا کہ پاکستان کا نمایاں بینظیر انکم سپورٹ پروگرام اب تک 90 لاکھ خاندانوں کو مالی امداد، صحت اور تعلیم کی سہولتیں فراہم کر چکا ہے، یہ تاریخی پروگرام دنیا کے لیے ایک مثال بن چکا ہے اور اس نے لاکھوں زندگیاں بدل دی ہیں۔
صدر پاکستان نے کہا کہ پائیدار ترقی کے اہداف (ایس ڈی جیز) ہماری ترجیحات میں شامل ہیں جب کہ پاکستان کا ہدف شرحِ خواندگی کو 90 فیصد تک بڑھانا اور ہر بچے کو اسکول میں یقینی طور پر داخل کرنا ہے۔ انہوں نے مزید کہا کہ نیشنل انٹرن شپ پروگرام کے ذریعے نوجوانوں کو بااختیار بنایا جا رہا ہے اور آئندہ 5 سال میں ہر بچے کے اسکول میں داخلے کے لیے بھی پرعزم ہیں۔
ماحولیاتی تبدیلی کے اثرات کا ذکر کرتے ہوئے آصف علی زرداری نے کہا کہ پاکستان پائیدار اور مزاحمتی ترقی میں سرمایہ کاری کر رہا ہے تاکہ ترقی سبز، جامع اور دیرپا ہو۔ انہوں نے کہا کہ پاکستان کو اب ایک نئے خطرے کا سامنا ہے جو پانی کے ہتھیار کے طور پر استعمال کی صورت میں ہے، مخالف فریق کی جانب سے سندھ طاس معاہدے کی خلاف ورزی کی جا رہی ہے، تاہم اس طرح کے ہتھکنڈے کامیاب نہیں ہوں گے۔
صدر آصف علی زرداری نے آخر میں فلسطین اور کشمیر کے تنازعات کے حل پر زور دیتے ہوئے کہا کہ ان مسائل کو اقوام متحدہ کی سلامتی کونسل کی قراردادوں کے مطابق حل کیا جانا چاہیے۔
کراچی، نادرن بائی پاس پر پلاسٹک کے گودام میں آگ لگ گئی