ملک میں مجموعی معاشی صورتحال بہتر ہوئی: گورنر پنجاب
اشاعت کی تاریخ: 15th, February 2025 GMT
گورنر پنجاب سلیم حیدر نے کہا ہے کہ ملک میں مجموعی معاشی صورتِ حال بہتر ہوئی ہے۔
گورنر پنجاب سلیم حیدر نے اپنے ایک بیان میں کہا کہ سب کو مل کر کام کرنے کی ضرورت ہے، کھانے پینے کی مہنگی اشیاء پر قابو پانے کے لیے انتظامیہ کو فعال کردار ادا کرنا ضروری ہے۔
انہوں نے کہا کہ ماضی کے چند سالوں کے مقابلے میں یہ سال زیادہ بہتر ثابت ہوا ہے، اس دوران ڈالر کی قیمت مستحکم رہی اور شرحِ سود میں کمی آئی ہے۔
ان کا کہنا تھا کہ حکومت اس بات کی بھرپور کوشش کر رہی ہے کہ موجودہ مشکلات سے باہر نکل کر صورتحال کو بہتر بنایا جائے۔
گورنر پنجاب نے مزید کہا کہ رمضان کے مہینے میں کم آمدنی والوں کو خصوصی ریلیف فراہم کیا جانا چاہیے جبکہ مہنگائی پر قابو پانے کے لیے تاجر برادری کو بھی اپنا کردار ادا کرنا ضروری ہے۔
.ذریعہ: Jasarat News
کلیدی لفظ: گورنر پنجاب
پڑھیں:
پاکستان درست سمت گامزن، شہباز شریف نے معیشت کو بہت بہتر کر دیا، نواز شریف
لندن میں کارکنوں سے گفتگو کرتے ہوئے صدر نون لیگ کا کہنا تھا کہ وزیراعظم کی قیادت میں پاکستان نے جنگ جیتی، فیلڈ مارشل کی جنگی بہترین حکمت عملی نے بھارت کے خلاف جنگ میں فتح دلوائی۔ سابق وزیراعظم نے کہا کہ آرمی چیف، فیلڈ مارشل کے عہدہ کے حق دار تھے، انہوں نے بھارت کو شکست دی۔ اسلام ٹائمز۔ سابق وزیراعظم و صدر مسلم لیگ نون نواز شریف نے ورکرز کے ساتھ ملاقات کی، لیگی کارکنوں نے پارٹی نغمہ سنایا۔ اس موقع پر کارکنوں سے گفتگو کرتے ہوئے صدر نون لیگ نواز شریف نے کہا کہ پاکستان درست سمت میں جارہا ہے، شہباز شریف نے پاکستان کی معیشت کو بہت بہتر کر دیا ہے۔ نواز شریف نے کہا کہ شہباز شریف کی قیادت میں پاکستان نے جنگ جیتی، فیلڈ مارشل کی جنگی بہترین حکمت عملی نے بھارت کے خلاف جنگ میں فتح دلوائی۔ سابق وزیراعظم نے کہا کہ سید عاصم منیر فیلڈ مارشل کے عہدہ کے حق دار تھے، انہوں نے بھارت کو شکست دی۔
لیگی کارکنوں سے گفتگو میں نواز شریف نے کہا کہ مریم نواز کی قیادت میں پنجاب حکومت نے متعدد نئے منصوبے دیئے، وزیراعلیٰ پنجاب کے عوام کی بہتری کیلئے انتھک محنت کر رہی ہیں۔ نواز شریف نے کہا کہ سمبڑیال الیکشن میں بڑے مارجن سے فتح مسلم لیگ نون کی حکومت پر عوام کے اعتماد کا اظہار ہے، صدر مسلم لیگ نون نواز شریف نے لیگی کارکنوں سے طویل بیٹھک کی۔
کوہاٹ: گھر میں دھماکا، 2 افراد جاں بحق