دیامر کے عوام 12 سالوں سے انصاف کے منتظر ہیں، ثوبیہ مقدم
اشاعت کی تاریخ: 19th, February 2025 GMT
ایک بیان میں سابق صوبائی وزیر کا کہنا تھا کہ واپڈا کا دیامر کے عوام کیساتھ متعدد معاہدوں اور فیصلوں پر عملدرآمد نہ کرنے اور انتہائی غیر سنجیدہ رویے کیوجہ سے عوام میں محرومی بڑھی ہے۔ اسلام ٹائمز۔ سابق صوبائی وزیر و پیپلزپارٹی گلگت بلتستان کی رہنما ثوبیہ مقدم نے کہا ہے کہ دیامر کے عوام محب وطن پاکستانی ہیں۔ وہ ناجائز اور غیر قانونی کوئی ڈیمانڈ نہیں کرتے ہیں مگر اپنے حق کے حصول کیلئے کسی کو بھی آڑے آنے نہیں دیں گے۔ ایک بیان میں سابق صوبائی وزیر کا کہنا تھا کہ واپڈا کا دیامر کے عوام کیساتھ متعدد معاہدوں اور فیصلوں پر عملدرآمد نہ کرنے اور انتہائی غیر سنجیدہ رویے کیوجہ سے عوام میں محرومی بڑھی ہے۔ متاثرین ڈیم کو روزگار کے مواقع میسر نہیں۔ سی بی ایمز کے منصوبوں پر غیر ضروری تاخیر اور عملدرآمد نہیں ہو رہا ہے۔ لفٹ اوور داسس کی سالوں پہلے پیمائش ہوئی ہے مگر پیمنٹ ابھی تک نہیں کی گئی ہے۔ متاثرین ڈیم کے چولہا پیکج میں بہت زیادتیاں کی گئی ہیں۔ زیادتیوں کا اندازہ اس بات سے لگایا جا سکتا ہے کہ میں ممبر اسمبلی اور صوبائی وزیر رہی ہوں، میرے مرحوم سسر علاقے کے لمبردار تھے۔ ہمارے گھر اور جائیدادیں سب ڈیم کی زد میں آئے ہیں اور ہم نے ان کی پوری پیمنٹ بھی لی ہے مگر چولہا پیکج میں نہ سسر کا نام ہے اور نا ہی ان کے تینوں بیٹے جن کے علحیدہ علحیدہ گھرانے ہیں، ان میں سے کسی کا نام بھی چولہا پیکج میں نہیں آیا ہے۔ غریب عوام کا تو کوئی پرسان حال نہیں ہے۔
انہوں نے کہا کہ وفاق میں برسر اقتدار جماعت کے گلگت بلتستان میں کارندوں کو چاہیئے کہ وہ لفظی بیان بازیوں سے نکل کر اپنا عملی کردار ادا کریں۔ آج تین دنوں سے پورا دیامر سڑکوں پر ہے، وفاقی وزیر امور گلگت بلتستان کو چاہئے تھا کہ چیئرمین واپڈا کو لیکر دیامر کے عوام کے سامنے حاضر ہوتے۔ دیامر کے عوام اور مشران اپنی مہمان نوازی اور بڑا پن کا مظاہرہ کرتے ہوئے ان کو مطالبات کے حل کیلئے ضرور وقت دیتے۔ دیامر کے عوام 12 سالوں سے انصاف کے منتظر ہیں، اس کے باوجود بھی واپڈا اپنے وعدوں کو پورا کرنے میں مسلسل ناکام رہا ہے، جس کی وجہ سے مایوسی اور احتجاج جاری ہے۔ ثوبیہ جے مقدم نے ڈیم بناؤ تحریک کے زمہ داران سے اپیل کی ہے کہ تخریب کاروں اور انتشاریوں کو اپنی صفوں میں گھسنے نا دیں۔ کل بھی ایک بھگوڑے نے ریاستی اداروں کے خلاف آپ کے پلیٹ فارم سے بکواسیات بکی ہیں۔ جس کی ہم پرزور مذمت کرتے ہیں۔
ذریعہ: Islam Times
کلیدی لفظ: دیامر کے عوام
پڑھیں:
تحریک انصاف اب کھل کر اپوزیشن کرے ورنہ سیاسی قبریں تیار ہوں گی، عمران خان
راولپنڈی ( اُردو پوائنٹ اخبارتازہ ترین۔ 17 ستمبر 2025ء ) سابق وزیراعظم اور تحریک انصاف کے پیٹرن انچیف عمران خان نے اپنی پارٹی کو ہدایت کی ہے کہ اب کھل کر اپوزیشن کریں ورنہ سیاسی قبریں تیار ہوں گی، 27 ستمبر کو پشاور میں جلسہ ہوگا، کارکن پوری قوت کے ساتھ جلسہ گاہ پہنچیں۔ راولپنڈی کی اڈیالہ جیل سے اپنی ہمشیرہ علیمہ خان کے ذریعے جاری کردہ پیغام میں انہوں نے کہا کہ میں یزیدیت کے آگے سر نہیں جھکاؤں گا، یہ جو مرضی کر لیں میں غلامی قبول نہیں کروں گا، میرے اور بشری بی بی کے اوپر جیل میں جو مینٹل ٹارچر ہو رہا ہے وہ عاصم منیر آپ اس لیے کروا رہے ہیں کہ ہم جھک جائیں گے یا ٹوٹ جائیں گے، ہم نے ’لا الہ الا اللہ محمد رسول اللہ‘ پڑھا ہوا ہے اور یہ عہد کیا ہے کہ ہم یزیدیت کے سامنے کبھی سر نہیں جھکائیں گے کیوں کہ یہ شرک ہے۔(جاری ہے)
عمران خان کا کہنا ہے کہ جنرل یحییٰ خان نے فوج کا کندھا استعمال کرکے اپنے اقتدار کو 10 سال تک کھینچنے کیلئے ظلم کا نظام قائم کیا جس کے نتیجے میں ملک ٹوٹ گیا، عاصم منیر آپ کو فوج نے ایلیکٹ نہیں کیا اور آپ یہ سوچ رہے ہیں کہ آپ فوج کا کندھا استعمال کرکے 10 سال تک بیٹھیں گے تو پہلے ملک کے حالات پر فوکس کریں کہ آپ نے اس اقتدار کو لمبا کرنے کیلئے کیا کیا کچھ نہیں کیا؟ آپ نے 9 مئی کا فالس فلیگ آپریشن کروایا تاکہ پی ٹی آئی کو کرش کرسکیں پھر الیکشن میں عوام نے پی ٹی آئی کو ووٹ دیا تو آپ نے ووٹ چوری کرکے مینڈیٹ سزا یافتہ مجرموں کے حوالے کردیا۔ انہوں نے الزام عائد کرتے ہوئے کہا کہ آپ نے میڈیا سے آزادی چھین لی، 26 ویں ترمیم کے ذریعے آپ نے ججز کو سرکاری محکمہ بنا دیا اور ججز کو کنٹرول کر لیا، آپ نے جمہوریت ختم کردی، آپ نے رول آف لاء ختم کردیا، آپ نے انسانی حقوق کی خلاف ورزیاں کرتے ہوئے ظلم کی داستانیں رقم کیں تو اس کے نتیجے میں بیرونی سرمایہ کاری آنا بند ہوگئی جس پر پچھلے تین سالوں میں آپ نے ملک پر قرضہ دگنا کردیا۔
آج کا دن کیسا رہے گا؟