شوہر کی وفات کے بعد ذہنی امراض کے ڈاکٹر سے مدد لینی پڑی: شگفتہ اعجاز
اشاعت کی تاریخ: 20th, February 2025 GMT
پاکستانی معروف سینئر اداکارہ شگفتہ اعجاز نے اپنے شوہر، فلم ساز یحییٰ صدیقی کے انتقال کے بعد اپنی ذہنی صحت اور پیش آنے والی مشکلات پر بات کی ہے۔
اداکارہ نے اپنے شوہر کے انتقال کے 5 ماہ بعد یوٹیوب پر وی لاگ شیئر کیا ہے۔
شگفتہ اعجاز نے اپنے مداحوں کے ساتھ شوہر کے انتقال سے قبل کے معاملات اور بعد میں پیش آنے والی ذہنی مشکلات اور مستقبل سے متعلق گفتگو کی ہے۔
اداکارہ کا کہنا ہے کہ یحییٰ صدیقی کے جانے کے بعد ذہنی صحت متاثر ہوئی، مجھے چیزوں کو قبول کرنے میں وقت لگا، میں نے اپنا وقت لیا اور اب اپنے یوٹیوب چینل کے صارفین سے بات کرنے کے بارے میں سوچا ہے۔
انہوں نے اپنے مرحوم شوہر کو یاد کرتے ہوئے بتایا کہ یحییٰ میرے ہر کام، ہر خواہش میں حوصلہ افزائی کرتے تھے، برے وقت میں یحییٰ کا کہنا تھا کہ دیکھ لیں گے، کوئی نہ کوئی راستہ ڈھونڈ لیں گے، وہ مجھے پریشان نہیں ہونے دیتے تھے، یحییٰ نے مجھے ہر جگہ سپورٹ کیا۔
شگفتہ اعجاز نے کہا ہے کہ کہا جاتا ہے کہ ہر کامیاب مرد کے پیچھے ایک عورت کا ہاتھ ہوتا ہے، میرا کہنا ہے کہ ہر کامیاب عورت کے پیچھے بھی اس کے شوہر کا ہاتھ اور سپورٹ ہوتی ہے۔
انہوں نے کہا کہ شوہر کے جانے کے بعد کمرے میں بند ہو گئی تھی، اس دوران اپنی بیٹیوں کے زیادہ قریب ہو گئی ہوں، میرے بچے میرا خیال کرتے ہیں، میری پرواہ کرتے ہیں۔
شگفتہ اعجاز نے بتایا کہ یحییٰ کے جانے کے بعد میرا کچھ بھی کرنے کا دل نہیں چاہتا تھا، میں نے ان 5 ماہ میں صرف ایک کام دل سے کیا ہے، وہ میں اپنے آئندہ وی لاگ میں شیئر کروں گی۔
انہوں نے کہا کہ میں یحییٰ کے بعد بہت ڈپریشن میں چلی گئی تھی، ذہنی امراض کے ڈاکٹر سے میں نے اپنی ذہنی صحت کی بہتری کے لیے سیشن لیے ہیں، ڈاکٹر نے مجھے بتایا ہے کہ ہمسفر کے بچھڑنے کا صدمہ کم از کم 6 ماہ تک رہتا ہے۔
اداکارہ کا کہنا ہے کہ مجھے اب احساس ہوتا ہے کہ یحییٰ میرا سپورٹ سسٹم تھے۔
اپنے وی لاگ میں شگفتہ اعجاز نے اپنے شوہر یحییٰ کے آخری دنوں پر تفصیل سے بات کی ہے۔
شگفتہ اعجاز نے شوہر کے آخری ایام پر بات کرتے ہوئے کہا کہ یحییٰ کی بہت دیکھ بھال کی، کوئی بے احتیاطی نہیں برتی، وہ آخری دنوں میں بہت بے چین ہو گئے تھے، یحییٰ اپنے آخری دنوں میں چاہتے تھے کہ میں کہیں نہ جاؤں، بس ہر وقت ان کے پاس رہوں۔
شگفتہ اعجاز نے کہا کہ یحییٰ کے انتقال کو 5 ماہ ہو گئے ہیں، اداکارہ کے وی لاگ کے مطابق انہوں نے یہ وی لاگ 14 فروری کو سحری کے وقت ریکارڈ کیا تھا۔
انہوں نے مزید کہا کہ یحییٰ کے بغیر جینا آئے گا تو نہیں مگر اب بچے ہیں، ان کی زندگیاں ہیں، گھر ہے تو اس غم سے نکلنے کی کوشش کروں گی۔
شگفتہ اعجاز کا یہ بھی کہنا ہے کہ میں نے اپنے شوہر کی وفات کا بہت غم منا لیا ہے، عدت گزار لی ہے، اتنا غم منایا ہے کہ اب محسوس ہوتا ہے کہ جیسے وہ میرے ساتھ ہیں۔
.ذریعہ: Daily Mumtaz
کلیدی لفظ: نے اپنے شوہر کہنا ہے کہ کے انتقال انہوں نے نے شوہر شوہر کے کہ یحیی کے بعد نے کہا کہا کہ
پڑھیں:
شرح سود کو 11فیصد پر برقرار رکھنا مانیٹری پالیسی کا غلط فیصلہ ہے‘ گوہر اعجاز
لاہور(اُردو پوائنٹ اخبارتازہ ترین - این این آئی۔ 16 ستمبر2025ء)چیئرمین اکنامک پالیسی اینڈ بزنس ڈیولپمنٹ اور سابق نگران وفاقی وزیر گوہر اعجاز نے کہا ہے کہ شرح سود کو برقرار رکھنا پاکستان کے ٹیکس گزاروں پر خطے کا مہنگا ترین بوجھ ڈالنے کے مترادف ہے، پاکستان میں شرح سود خطے کے مقابلے میں سب سے زیادہ ہے،شرح سود کو 11فیصد پر برقرار رکھنا مانیٹری پالیسی کا غلط فیصلہ ہے۔(جاری ہے)
اپنے بیا ن میں انہوں نے کہا کہ اسٹیٹ بینک کا شرح سود کو 11فیصد پر برقرار رکھنا ایماندار ٹیکس گزاروں مزید بوجھ ڈالنا ہے، مالیاتی خسارہ شرح سود کو مہنگائی کے مطابق کم کر کے قابو کیا جا سکتا ہے۔پرائیویٹ کاروبار اس صورت میں ترقی کر سکتا ہے جب اسے یکساں مواقع فراہم کیے جائیں گے۔معاشی ترقی کے لیے فیصلہ کن مانیٹری پالیسی کی ضرورت ہے، پائیدار معاشی ترقی کے لیے یکساں مواقع ہونا ضروری ہیں۔پاکستان میں شرح سود خطے کے مقابلے میں سب سے زیادہ ہے ، پاکستان میں مہنگائی 3فیصد اور شرح سود 11فیصد ہے، بھارت میں مہنگائی 1.5فیصد اور شرح سود 5.5فیصد ہے جبکہ بنگلہ دیش میں مہنگائی 8.3فیصد اور شرح سود 10 فیصد ہے۔
ڈکی بھائی کیخلاف جوئے کی ایپ کی تشہیر کے مقدمے میں اہم پیشرفت