پوش علاقوں کے طلباو طالبات منشیات فروشوں کا ہدف، ساحر حسن کے انکشافات
اشاعت کی تاریخ: 28th, February 2025 GMT
ویڈ فروخت کرنے والے 20اہم کردار منظر سے غائب ،بیرون ملک کوئی فرار نہیں ہو سکا
یونیورسٹیز کے لڑکے اور لڑکیاں منشیات کی آن لائن بکنگ کرتے تھے، سنسنی خیز تفصیلات
( رپورٹ :اسد رضا ) ساحر حسن نے تفتیشی ماہرین کے سامنے سب کچھ طوطے کی طرح اُگل دیا۔ تفصیلات کے مطابق مصطفی قتل کیس میں ہر گزرتے دن کے ساتھ ہوشربا انکشافات کا سلسلہ جاری ہے ۔اس کیس میں مرکزی ملزم ارمغان کے منشیات کے حوالے سے بیان کے بعد ایس آئی یو اور سی آئی اے منشات کے حوالے سے تفتیش کا آغاز کیا۔ ملزم شیراز اور ارمغان کے بیان کی روشنی میں معروف اداکار ساجد حسن کے بیٹے ساحر حسن کی گرفتاری عمل میں آئی، دوران گرفتار ملزم ساحر حسن کے قبضے سے بھاری مقدار میں ویڈنامی منشیات برآمد ہوئی جس کے مالیت تقریبا 50 لاکھ روپے بنتی ہے۔ ملزم ساحر حسن نے تفتیشی ماہرین کے سامنے زبان کھول دی۔ اس منشیات کے نیٹ ورک سے بڑے بڑے معزز افراد بھی منسلک ہیں ،ملزم کے مطابق کراچی کے پوش علاقوں میں موجود کالج یونیورسٹیز کی طلبہ و طالبات کو ویڈ نامی منشیات کا عادی بنایا جاتا تھا چند ماہ میں خریداروں کا سرکل بڑھ جاتا ہے لڑکے اور لڑکیاں منشیات کی آن لائن بکنگ کرتے ہیں، آرڈر کرنے والوں کو مخصوص مقام پر ڈیلیوری دی جاتی ہے، لڑکیوں کو غیر اخلاقی حرکات پر بھی مجبور کیا جاتا ہے، میں بازل اور یحییٰ نامی شخص سے منشیات خریدتا تھا ابھی ابھی تک کروڑوں روپے کی منشیات منگواچکا ہوں، ایس ایس پی ایس آئی یو شعیب میمن کے مطابق کراچی میں دو بڑے گروپ ویڈ نامی منشیات کا کاروبار کر رہے ہیں، ایک گروپ غیر قانونی طریقے سے کیلیفورنیا سے منشیات منگواتا ہے ،دوسرا گروپ ایرانی ویڈ فروخت کرتا ہے۔ ویڈ فروخت کرنے والے 20اہم کردار منظر سے غائب ہو چکے ہیں لیکن ملک سے باہر کوئی نہیں گیا۔
.ذریعہ: Juraat
پڑھیں:
پاکستان کینو اور مالٹے کی پیداوار اور برآمد کرنے والے 10 بڑے ممالک میں شامل
پاکستان 1.7 ملین ٹن سالانہ پیداوار کیساتھ دنیا کے10 بڑے کنو اور مالٹے کی پیداوار اور برآمد کرنے والے ممالک میں شامل ہے جس کی کل پیداوار کا 95فیصدحصہ صوبہ پنجاب سے حاصل کیا جاتا ہے،صرف سرگودھا ڈویژن کااس میں تقریباً 25 فیصد حصہ ہے۔انہوں نے کہا کہ ہماری پیداوار کا بڑا حصہ تازہ فروٹ کے طور برآمد کیا جاتا ہے جبکہ کنو سے جوس اور دیگر ویلیو ایڈڈ مصنوعات کی صورت میں تیاری کیلئے بہت ہی محدود پیداوار کو پراسیس کیا جاتا ہے۔ان کا کہنا تھا کہ کینو کا جوس نکالنے کے بعد پیدا ہونے والے فاضل مواد سے قیمتی مصنوعات تیار کرنے کے بہت زیادہ مواقع اور ڈیمانڈ موجود ہے۔انہوں نے کہا کہ اس ضمن میں سٹرس فیسٹیول بھی منعقد کئے جائیں گے جن میں سٹرس مصنوعات پر تفصیلی معلومات شیئر کی جائیں گی تاکہ کینو کے پھل کے ممکنہ استعمال کیلئے کاشتکارو باغبان برادری کیلئے اچھے منافع کیساتھ ساتھ پاکستان کی سٹرس کی صنعت کی پائیداری کیلئے اعلیٰ قیمت کی مصنوعات تیار کی جاسکیں۔
کراچی، نادرن بائی پاس پر پلاسٹک کے گودام میں آگ لگ گئی