یوکرین کے صدر ولادیمیر زیلنسکی کا دورۂ امریکہ ’مکمل ناکام‘ رہا: روس کا ردِعمل
اشاعت کی تاریخ: 1st, March 2025 GMT
امریکی صدر ڈونلڈ ٹرمپ اور یوکرین کے صدر کے درمیان سخت جملوں کے تبادلے کے بعد روس نے ولادیمیر زیلنسکی کے دورۂ امریکہ کو ’ناکام‘ قرار دیا ہے۔
عالمی میڈیا کے مطابق روسی وزارت خارجہ کی ترجمان ماریا زاخارووا نے ایک بیان میں کہا کہ ’نیو نازی حکومت کے سربراہ ولادیمیر زیلنسکی کا 28 فروری کو واشنگٹن کا دورہ کیئف حکومت کی مکمل سیاسی اور سفارتی ناکامی ہے۔‘
روس اکثر یوکرین پر ’نیو نازی ازم‘ کو بڑھاوا دینے کا الزام لگاتا ہے اور اسے یوکرین پر حملے کرنے کے بہانے کے طور پر استعمال کرتا ہے۔ اس الزام کو مغربی رہنما اور کیئف جھوٹا اور مضحکہ خیز قرار دیتے ہیں۔
روسی وزارت خارجہ کی ترجمان کا کہنا تھا کہ ’واشنگٹن میں اپنے قیام کے دوران اپنے اشتعال انگیز رویے سے زیلنسکی نے اس امر کی تصدیق کی کہ وہ ایک غیرذمہ دار اور جنگ کو بڑھاوا دینے والے شخص کے طور پر عالمی برادری کے لیے سب سے خطرناک خطرہ ہیں۔‘
انہوں نے یوکرینی صدر پر لڑائی جاری رکھنے کے ’جنون‘کا الزام عائد کرتے ہوئے مزید کہا کہ یوکرین میں روس کے فوجی اہداف ’تبدیل نہیں ہوئے۔‘
زیلنسکی نے اپنے دورے کے دوران امریکہ کے ساتھ معدنیات کے معاہدے پر دستخط کرنے کا منصوبہ بنایا تھا، لیکن اس کا اختتام اس وقت بہت برا ہوا جب ٹرمپ اور نائب صدر جے ڈی وینس نے یوکرینی صدر پر ’بد لحاظی‘کا الزام لگایا اور انہیں امریکی اور بین الاقوامی میڈیا کے سامنے ڈانٹا۔
یوکرین کو امید تھی کہ یہ معاہدہ امریکہ کی جانب سے حفاظت کی ضمانت کی راہ ہموار کرے گا۔
.
ذریعہ: Daily Mumtaz
پڑھیں:
یوکرین کا روس کی اہم آئل پورٹ پر ڈرون حملہ، غیرملکی جہازوں کا نقصان
ماسکو:یوکرین نے روس کی بحیرہ اسود میں مرکزی بندرگار تاؤپسے پر ڈرون حملہ کیا، جس کے نتیجے میں آئل ٹرمینل اور دو غیرملکی جہازون کو نقصان پہنچا۔
غیرملکی خبرایجنسی کی رپورٹ کے مطابق روسی حکام نے بتایا کہ تاؤپسے میں ہونے والے حملے میں دو غیرملکی جہازوں کو نقصان پہنچا ہے جہاں بحیرہ اسود میں روس کے بڑے آئل ٹرمینلز میں سے ایک ہے اور حملے میں اس ٹرمینل پر آگ بھڑک اٹھی۔
روس کے کراسنڈور ریجن کے ایمرجنسی آپریشنل ہیڈکوارٹرز سے جاری بیان میں کہا گیا کہ تاؤپسے بندرگاہ پر ڈرون حملہ رات کو ہوا جہاں موجود دو غیرملکی جہاز نشانہ بنے۔
بیان میں کہا گیا کہ اس حملے میں کوئی جانی نقصان نہیں ہوا ہے، جہاز کا عملہ سمیت وہاں کام کرنے والے دیگر افراد محفوظ ہیں لیکن بندرگاہ کی عمارت اور ٹرمینل کا انفرااسٹرکچر کو نقصان پہنچا ہے۔
رپورٹ میں بتایا گیا کہ روسی اور یوکرینی ٹیلی گرام چینلوں میں مختلف ویڈیوز میں دیکھایا گیا ہے، جس میں ٹرمینل میں تیل کے ٹینکر میں آگ لگی ہوئی ہے۔
ادھر یوکوین کی اندرونی سیکیورٹی سروس ایس بی یو کے عہدیدار نے بتایا کہ یوکرین کی فورسز نے تاؤپسے آئل ٹرمینل پر ڈورن حملہ کیا، 5 ڈرونز نے ایک آئل ٹینکر، لوڈنگ انفرا اسٹرکچر اور پورٹ کی عمارت کو نشانہ بنایا۔
رپورٹ کے مطابق تاؤپسے بحیرہ اسود میں آئل ٹرمینل اور روزنیفٹ آئل ریفائنری کا مرکز ہے، جس کو یوکرین نے رواں برس کئی مرتبہ ڈرون سے نشانہ بنایا ہے۔
اشتہار