چین میں ہالی ووڈ فلمیں زوال کا شکار ہو گئیں، چینی میڈیا
اشاعت کی تاریخ: 3rd, March 2025 GMT
بیجنگ :2025 میں چینی فلم مارکیٹ میں ایک تاریخی منظر دیکھنے کو ملا جب “نیژا 2” باکس آفس پر 14.16 ارب یوآن کے ساتھ کل عالمی فہرست میں ٹاپ 7 میں شامل ہوئی جبکہ ہالی ووڈ کی بلاک بسٹر “کیپٹن امریکا 4” نے چین میں صرف 80 ملین یوآن سے بھی کم بزنس کیا اور ڈوبان اسکور 5.3 پوائنٹس تک گرا جس سے ہالی ووڈ بلاک بسٹر کے زوال کا اظہار ہوتا ہے ۔
صرف یہی نہیں بلکہ ایک ہی وقت میں ریلیز ہونے والی چینی فلمیں جیسے “دی لیجنڈ آف دی کونڈور ہیروز”، ” ڈیٹیکٹیو چائنا ٹاؤن 1900 ” اور “کریئیشن آف دی گاڈز 2” دنیا بھر کے 20 سے زائد ممالک اور علاقوں میں دکھائی جا رہی ہیں، جس سے بیرون ملک باکس آفس پر مسلسل نئے ریکارڈ قائم ہو رہے ہیں۔
پیر کے روز چینی میڈیا نے ایک رپورٹ میں کہا ہے کہ درحقیقت چین میں ہالی ووڈ فلموں کی کشش کافی کمزور ہو چکی ہے۔ گزشتہ پانچ سالوں میں ، چند غیر ملکی فلموں کو چھوڑ کر (جیسے 2022 میں “ایواتار 2” کے 1.
ہالی ووڈ کی یہ مشکل خود ساختہ بے راہ روی کی وجہ سے پیدا ہوئی ہے۔ ‘کیپٹن امریکا 4’ کی انٹرنل ٹیسٹ اسکریننگ کے آغاز میں ہی امریکی ناظرین نے اسے اس کے افراتفری بھرے بیانیے کی وجہ سے بی مائنس ریٹنگ دی تھی۔ انڈسٹری کی پیشہ ور انہ ویب سائٹ آئی جی این کا ماننا ہے کہ “کیپٹن امریکا 4” نہ تو بہادر ہے اور نہ ہی اس میں کچھ نیا ہے “۔ برطانوی اخبار ‘ٹائمز’ نے بھی تبصرہ کیا کہ یہ فلم ‘افراتفری سے بھرپور اور خالی’ ہے۔
ہالی ووڈ کے بیانیے کا زوال اس کی اقدار کے ہلنے میں مضمر ہے۔ نام نہاد “سیاسی درستگی” کے سخت معیارات کو پورا کرنے کی خاطر ، مارول کے تازہ ترین کردار کی فہرست کے لئے ضروری ہے کہ ہر ٹیم میں دو سے زیادہ خصوصی ارکان اور چھ مختلف رنگوں کی جلد کی ٹونز شامل ہوں۔ اس سانچے کی “درستگی” آرٹ کے جوہر کو خراب کر رہی ہے اور” آزادی ” کی سطح کے نیچے تخلیقی مخمصے کی عکاسی کر رہی ہے۔
جب مغرب ظاہری درستگی میں الجھن کا شکار ہوا ، تو مشرقی ثقافت کو اپنا آپ دکھانے کا صحیح طریقہ کار مل گیا . مشرقی فلسفے پر مبنی فلم ‘نیژا 2’ اس یقین کو تقویت بخشتی ہے کہ ‘میری تقدیر آسمانوں میں نہیں لکھی بلکہ خود مجھ پر منحصر ہے’۔
فلم کے آغاز میں جسم سے باہر نکل کر جنگی لڑائی کا منظر اور چینی روایتی پینٹنگ میں ‘دریاؤں اور پہاڑوں کے ایک ہزار میل’ کا فنکارانہ ماحول جس کے بارے میں چینی ڈائریکٹر تھیئن شیاؤ پھنگ نے کہاکہ یہ ‘ روایتی حسن کو فروغ دینے کے لئے جدید طریقوں کے استعمال ‘ کے مترادف ہے۔
فلم میں جدید اسپیشل ایفیکٹس کے استعمال سے پیدا ہونے والے مناظر حیران کن ہیں۔ روحانی جوہر سب سے اہم ہے۔ نیژا کا امیج اب روایتی معنوں میں ایک ہیرو کا نہیں ہے ، وہ ایک ایسا لڑکا ہے جو قسمت کے سامنے غیر متزلزل ہے ، چیلنجوں کا سامنا کرتا ہے اور آخر کار خود کو نجات کا احساس دلاتا ہے۔ ذمہ داری لینے کی اس طرح کی ہمت میں اپنے خاندان اور ملک کےلئےزیادہ حقیقی اور سادہ محب الوطنی ظاہر دکھائی گئی ہے۔ بہت سے یورپی لو گ متاثر ہوکر کہتے ہیں کہ “چینی اساطیر نے ایک نئی دنیا کھول دی ہے، جو حیران کن ہے۔”
ثقافتی بیداری آخرکار صارفین کے انتخاب کی صورت میں ظاہر ہوتی ہے۔ چین میں “کیپٹن امریکا 4″ کی باکس آفس پر ناکامی کے پیچھے نہ صرف امریکی اقدار اور انفرادی” ہیرو ازم “کے تئیں ناظرین کی بے حسی ہے، بلکہ یہ چینی عوام میں اپنی ثقافت کے شعور اور خود اعتمادی میں اضافے کی علامت بھی ہے۔ جیسا کہ پیکنگ یونیورسٹی کی پروفیسر ڈائی جن ہوا نے کہاکہ “ماضی میں ڈالر کے ذریعے ثقافتی تخیل خریدا جاتا تھا، اب ہم مقامی اساطیر میں اپنی قدر کی پہچان کر رہے ہیں۔” حالیہ برسوں میں مختلف ممالک کے عوام پر غلبے کے باعث پیدا ہونے والے مصائب نے امریکہ کے تخلیق کردہ “جمہوریت اور آزادی”کے تشخص کو تباہ کر دیا ہے۔ محدود کیریکٹر آئی پی، پیٹرنڈ پلاٹ، تھری ڈی ٹیکنالوجی کے بارے میں عوام کی بے حسی، اور بلخصوص ہالی ووڈ فلموں میں بیان کردہ اقدار اور حقیقت کے درمیان فرق اور ثقافتی تنوع سے دوری، باکس آفس پر ہالی ووڈ فلموں کے زوال کے اسباب ہیں ۔
اسکرینوں پر یہ تبدیلی فلمی صنعت کا سادہ اپ گریشن نہیں ہے ، بلکہ مشرق اور مغرب کے ثقافتی بیانیہ کے نظام کی نسلی تبدیلی ہے۔ “دی ونڈرنگ ارتھ” سے لے کر “نیژا 2” تک، جب مشرقی بیانیہ اپنے جذبے کے منفرد قواعد قائم کرتا ہے، تو یہ تبدیلی خود فلم سے کہیں آگے نکل چکی ہوتی ہے۔ جب ناظرین دوسروں کے سورج کی طرف نہیں دیکھتے ، جب اپنے ستارے رات کے آسمان کو روشن کرنے کے قابل ہوتے ہیں، تو دور موجود لائٹ ہاؤس قدرتی طور پر مدھم ہو جاتا ہے۔
ہالی ووڈ نے جو کھویا ہے وہ باکس آفس نہیں ہے، بلکہ عالمی ثقافتی نقشے پر ایک ناقابل تلافی عنصر ہے۔ لوگوں نے آخر کار جھوٹی بہادری کے تصورات کی قیمت ادا کرنے کے بجائے انسانیت کی قدر کو اچھائی کے طور پر منتخب کیا ہے ۔
ذریعہ: Daily Mumtaz
پڑھیں:
شہباز شریف پاکستان کے دورے پر بھی آتے ہیں
data-id="863a0a8" data-element_type="widget" data-widget_type="theme-post-content.default">
251104-03-8
احمد حسن
وزیراعظم پاکستان شہباز شریف آٹھ نومبر کو آذربائجان جا رہے ہیں، شہباز شریف جب سے وزیراعظم بنے ہیں مسلسل کسی نہ کسی ملک کے دورے پر رہتے ہیں اب تو لوگ یہ کہنے لگے ہیں کہ محترم وزیراعظم ملک سے باہر ہی رہتے ہیں البتہ کبھی کبھی پاکستان کے دورے پر بھی آجاتے ہیں، اگرچہ کابینہ میں وفاقی وزیر خارجہ اسحاق ڈار موجود ہیں لیکن وہ ملکی امور نمٹانے میں لگے رہتے ہیں۔ خیر سے جب اخبارات کا اچھا دور تھا مختلف ممالک، تنظیموں اور اداروں کی طرف سے اپنی تقریبات میں شرکت کے لیے اخبارات کو بیرون شہر اور بیرون ملک دوروں کی دعوت ملتی رہتی تھی لیکن ان دوروں پر اخبارات کے مالکان یا ایڈیٹر ہی جایا کرتے تھے اور متعلقہ شعبوں کے رپورٹرز منہ دیکھتے رہ جاتے تھے اور اس ناانصافی پر دوستوں کی محفل میں مالکان اور ایڈیٹرز کو دعائیں دیتے تھے (آپ سمجھ ہی گئے ہوں گے کہ وہ کیا دیتے تھے) اسی طرح ہر بیرونی دورے پر وزیراعظم شہباز شریف خود تشریف لے جاتے ہیں اب پتا نہیں اسحاق ڈار کا رد عمل کیا ہوتا ہے، بہرحال شہباز شریف صاحب نے یہ تہیہ کیا ہوا ہے کہ وزارت عظمیٰ قبول کر کے انہوں نے چونکہ ریاست کی خاطر سیاست کی قربانی دی ہے اس لیے وہ اس دوران کم از کم پوری دنیا کی سیر کرنے کا حق تو رکھتے ہیں محترم وزیراعظم صرف مارچ 2024 سے اکتوبر 2025 کی مدت کے دوران 34 غیر ملکی دورے کر چکے ہیں جن میں بعض ممالک تو ایسے ہیں جہاں وہ کئی کئی بار گئے ہیں اب تو شاید ان ممالک نے اپنے ہاں ایک ایک گیسٹ ہاؤس مستقل طور پر شہباز شریف کے لیے مختص کر دیا ہوگا۔
انہوں نے اس دوران صرف سعودی عرب کے آٹھ دورے کیے ہیں، ایسا لگتا ہے وہ ہر بار کوئی نہ کوئی ایک بات بھول جاتے ہیں، بات چونکہ اہم ہوتی ہے ٹیلی فون پر نہیں ہو سکتی اس لیے انہیں پھر خود ہی جانا پڑتا ہے، یہاں ملکی امور دیکھنے کے لیے تو ویسے بھی نائب وزیراعظم اور وزیر خارجہ اسحاق ڈار موجود ہیں، قطر اور برطانیہ سے وزیراعظم شہباز شریف کی محبت کا یہ عالم ہے کہ وہاں چار چار مرتبہ گئے ہیں چین، امریکا اور مصر کا دو دو مرتبہ دورہ کیا ہے اس کے علاوہ بیلاروس، فرانس، ملائشیا، جاپان، برازیل قازقستان، سوئٹزرلینڈ آذربائجان، ترکی وغیرہ کی حکومتوں اور عوام کا بھی دل نہیں توڑا اپنی شدید مصروفیات میں سے وقت نکال کر انہیں بھی مہمان نوازی کا موقع دیا ہے۔
پاک فوج کے سربراہ فیلڈ مارشل عاصم منیر نے امریکا، چین، مصر، اردن اور سعودی عرب کے دورے کیے ہیں اور سول حکومت کی بھرپور مدد کی ہے، ان کی شخصیت سے امریکی صدر ڈونلڈ ٹرمپ بے حد متاثر دکھائی دیتے ہیں اور ہر کچھ روز بعد ان کی تعریف کرتے ہیں، 30 اکتوبر کو جنوبی کوریا کے شہر گیم جونگ میں خطاب کرتے ہوئے انہوں نے فیلڈ مارشل عاصم منیر کو زبردست فائٹر اور بھارتی وزیراعظم مودی کو قاتل قرار دیا، یہ الگ بات ہے کوالا لمپور میں یکم نومبر کو امریکا نے بھارت کے ساتھ 10 سالہ دفاعی معاہدے پر دستخط کر دیے، امریکی وزیر دفاع نے اس موقع پر کہا کہ یہ معاہدہ دونوں ممالک کی افواج کے درمیان تعاون کو مزید مضبوط بنانے کی جانب اہم قدم ہے۔
پاکستان کے وزیر دفاع خواجہ محمد آصف بھی خالی نہیں رہتے وہ کسی نہ کسی معاملے پر بیانات دیتے رہتے ہیں، ترکی میں پاکستان اور افغانستان کے درمیان مذاکرات کے دوران وہ بار بار افغانستان کو دھمکیاں دیتے رہے حتیٰ کہ انہوں نے افغانیوں کو غاروں میں بھیجنے کی دھمکی بھی دے ڈالی، ویسے دیکھا جائے تو افغان عوام برسہا برس سے غاروں کے دور کی ہی زندگی گزار رہے ہیں۔ تمام تر مشکلات اور مشکلات کھڑی کیے جانے کے باوجود ترک میزبانوں نے افغانستان اور پاکستان کے درمیان جنگ بندی جاری رکھنے پر اتفاق کرا ہی دیا۔
صحافیوں کے خلاف جرائم کے خاتمے کے عالمی دن کے موقع پر وزیراعظم شہباز شریف نے کہا ہے کہ صحافی حقائق تک عوام کی رسائی کو ممکن بناتے ہیں فرائض کی انجام دہی کے دوران تشدد، دھمکی یا انتقام پر مبنی جرائم دراصل آزادی اظہار پر حملہ ہے، آزاد صحافت مضبوط، شفاف اور جمہوری پاکستان کی ضمانت ہے وزیراعلیٰ پنجاب نے اپنے پیغام میں کہا کہ صحافیوں پر ظلم و تشدد بند ہونا چاہیے، مضبوط جمہوری معاشرے کے لیے آزاد صحافت بہت ضروری ہے، پیپلز پارٹی کے چیئرمین بلاول زرداری نے اپنے بیان میں کہا کہ صحافیوں کو تشدد اور دھمکیوں کے ذریعے خاموش کرانا صرف افراد پر نہیں جمہوریت پر حملہ ہے، وزیراعلیٰ سندھ سید مراد علی شاہ نے کہا کہ آزاد صحافت جمہوریت کی بنیاد ہے، آزاد میڈیا کے لیے محفوظ ماحول پیدا کرنا ریاست کی بنیادی ذمے داری ہے، صحافیوں پر حملے سماج کے ضمیر پر وار ہیں مذکورہ بالا بیانات سے پتا چلتا ہے کہ پاکستان کے تمام ہی حکمران آزاد صحافت کی حمایت کرتے ہیں، صحافیوں کو خاموش کرانے کی کوششوں، تشدد اور ظلم کی مذمت کرتے ہیں لیکن ہمیں اکثر بڑی خبریں دیکھنے کے لیے سوشل میڈیا کا سہارا لینا پڑتا ہے کیونکہ ٹی وی چینل اور اخبارات میں عموماً وہ خبریں نہیں ہوتیں اس کا مطلب ہے کہ یہ ادارے بعض خبریں چھاپنے یا نشر کرنے سے گریز کرتے ہیں وہ خود تو ایسا نہیں کر سکتے کیونکہ خبریں چھپانے سے اخبارات کی اشاعت اور ٹی وی چینلوں کی ریٹنگ کم ہوتی چلی جاتی ہے اور کوئی ادارہ بھی ایسا نہیں چاہتا، ایسی صورت میں حکمرانوں کو جائزہ لینا چاہیے کہ جس آزاد صحافت کو وہ جمہوریت اور ریاست کے لیے ضروری قرار دے رہے ہیں اس کا گلا کون گھونٹ رہا ہے۔
دوسری جانب بڑے صحافیوں کو چاہیے کہ اگر ان کے علم میں یہ بات آئے کہ میڈیا ہاؤسز کے مالکان کسی لالچ میں آکر بعض خبریں رکوا رہے ہیں تو وہ اس کا اظہار سوشل میڈیا پر کریں اگر مالکان اور صحافیوں پر جبر کر کے ایسا کیا جاتا ہے تو یہ باتیں بھی سوشل میڈیا پر آنی چاہئیں جہاں تک اس شکوے کا تعلق ہے کہ سوشل میڈیا پر فیک یا جعلی خبریں چلتی ہیں تو اس کی روک تھام بڑی آسان ہے، شکوہ کرنے والوں کو چاہیے کہ وہ اصلی، حقیقی خبریں اخبارات اور ٹی وی چینلوں پر آنے دیں، افواہیں اسی وقت زور پکڑتی ہیں جب لوگوں کو مستند ذرائع ابلاغ پر اہم خبریں نہیں ملتیں، جب عوام کو اخبارات اور ٹی وی چینلوں پر خبریں مل جائیں گی تو وہ سوشل میڈیا اور غیر ملکی میڈیا دیکھنا بند کر دیں گے۔
اسرائیلی حملوں سے "غزہ میں جنگبندی" کی خلاف ورزی نہیں ہوتی، ٹرمپ کا دعوی