عمر شہزاد کی شادی کی ایک اور تقریب کی تصاویر وائرل
اشاعت کی تاریخ: 4th, March 2025 GMT
پاکستانی اداکار عمر شہزاد کی مدینے میں شادی کی ایک اور تقریب کے یادگار لمحے سوشل میڈیا پر وائرل ہو گئے۔
حال ہی میں عمر شہزاد کا سوشل میڈیا انفلوئنسر شانزے لودھی سے نکاح ہوا ہے جس کے بعد خوشیوں بھری تصاویر وائرل ہونے کا سلسلہ جاری ہے۔
فروری کے اختتام پر عمر شہزاد نے اپنی شادی کا اعلان کیا اور عمرے کی تصاویر شیئر کیں جن میں ان کے ساتھ اہلیہ بھی نظر آئیں، لیکن پہلے ان کی شناخت کو راز میں رکھا گیا پھر اگلی پوسٹ میں شکل اور شناخت واضح کر دی گئی۔
انسٹاگرام پر شیئر کی گئی تصویر میں دیکھا جاسکتا ہے کہ مکہ میں نکاح کے موقع پر شانزے لودھی نے ہلکا گلابی رنگ کا عبایا اور حجاب پہنا جبکہ عمر شہزاد سفید عربی سوٹ پہنے نظر آئے۔
نکاح کے بعد اب دونوں کی شادی کی ایک اور تقریب کی تصاویر سوشل میڈیا پر زیرِ گردش ہیں، تصاویر میں نوبیاہتا جوڑا ایک ساتھ بے انتہا خوش نظر آ رہا ہے۔
ان تصاویر میں عمر شہزاد سیاہ عربی جوڑے میں ملبوس ہیں اور انہوں نے سر پر عرب اسٹائل کا سیفد کپڑا باندھ رکھا ہے، اہلیہ شانزے لودھی نے سفید جوڑا زیب تن کر رکھا ہے۔
وائرل تصاویر میں ایک خاتون شانزے لودھی کا منہ میٹھا کرا رہی ہیں جبکہ عمر شہزاد برابر میں کھڑے ان کو دیکھ رہے ہیں۔
ایک اور وائرل تصویر میں دونوں ایک ساتھ کھڑے ہنستے مسکراتے نظر آئے جس نے مداحوں کو توجہ اپنی طرف سمیٹ لی۔
ممکنہ طور پر وائرل تصاویر عمر شہزاد اور شانزے لودھی کے ولیمے کی ہیں لیکن دونوں نے خود اب تک کوئی تصویر جاری نہیں کی ہے۔
.ذریعہ: Daily Mumtaz
کلیدی لفظ: شانزے لودھی ایک اور
پڑھیں:
پاکستان اور چین کے درمیان زراعت، ماحولیات اور ماس ٹرانزٹ منصوبوں کی مفاہمتی یادداشتوں پر دستخط
صدر مملکت آصف علی زرداری کے وفد کے ہمراہ دورہ چین کے موقع پر شنگھائی میں مفاہمت کی تین یادداشتوں پر ستخط ہوئے ہیں۔
ایکسپریس نیوز کے مطابق شنگھائی میں مفاہمتی یادداشتوں پر دستخط کے حوالے سے تقریب کا انعقاد کیا گیا جس میں صدر مملکت آصف علی زرداری نے بھی شرکت کی۔
ایم او یوز کا مقصد پاکستان میں زراعت، ماحولیات اور ماس ٹرانزٹ شعبوں کو ترقی دینا ہے۔ تقریب میں خاتون اول آصفہ بھٹو، چیئرمین بلاول بھٹو اور سینیٹر سلیم مانڈوی والا بھی شریک ہوئے۔
چین اور پاکستان کے درمینا کنٹرولڈ ایگریکلچر سائنس اینڈ ایجوکیشن پارک، زرعی پیداوار اور خراج کے تحفظ میں اضافے کی مفاہمتی یادداشت پر دستخط کیے گئے۔
اس کے علاوہ کسانیوں کیلیے جدید ٹیکنالوجی اور تربیت فراہم کرنے کیلیے ووکیشنل انسٹی ٹیوٹ کے قیام کی یادداشت پر دستخط ہوئے جس کے تحت شیونگ کالج میں کسانوں کو تربیت دی جائے گی۔
اس کے علاوہ ٹائروں کو دوبارہ قابل استعمال بنانے کے پروجیکٹ، ماحول دوست فاضل مادہ کی مینجمنٹ کو فروغ دینے کے معاہدے کی مفاہمتی یادداشت پر دستخط کیے گئے۔
صدر مملکت آصف علی زرداری نے اس موقع پر گفتگو کرتے ہوئے کہا کہ یہ ایم او یوز پاک چین زرعی، تکنیکی اور ماحولیاتی تعاون کو مضبوط بنانے کی عملی کوشش ہیں۔
تقریب میں سینئر صوبائی وزیر سندھ شرجیل انعام میمن، وزیر توانائی سید ناصر حسین شاہ اور پاکستان کے چین میں سفیر بھی موجود تھے۔
آج کا دن کیسا رہے گا؟