چین نے فینٹانل سے متعلق مادوں کے کنٹرول کو بہت اہمیت دی ہے، وائٹ پیپر
اشاعت کی تاریخ: 4th, March 2025 GMT
چین نے فینٹانل سے متعلق مادوں کے کنٹرول کو بہت اہمیت دی ہے، وائٹ پیپر WhatsAppFacebookTwitter 0 4 March, 2025 سب نیوز
بیجنگ:چین کی ریاستی کونسل کے انفارمیشن آفس نے “فینٹانل سے متعلق مادوں پر کنٹرول ، چین کی شراکت” کے موضوع پر ایک وائٹ پیپر جاری کیا۔منگل کے روز جا ری کردہ وائٹ پیپر میں نشاندہی کی گئی ہے کہ حالیہ برسوں میں چین نے فینٹانل سے متعلق مادوں کے کنٹرول کو بہت اہمیت دی ہے، فینٹانل سے جڑی منشیات کی سختی سے نگرانی کی ہے، فینٹانل سے متعلق مادوں کے غلط استعمال کو سختی سے روکا ہے،
اور فینٹانل سے متعلق مادوں اور ان سے جڑے دیگر کیمیکلز کی غیر قانونی اور مجرمانہ اسمگلنگ، پیداوار اور فروخت کے خلاف سخت کریک ڈاؤن کیا ہے اور قابل ذکر نتائج حاصل کیے ہیں۔ چین نے فینٹانل جیسے مادوں کے مسئلے سے نمٹنے میں امریکہ سمیت متعلقہ ممالک کے ساتھ گہرا تعاون کیا ہے اور قابل ذکر نتائج حاصل کیے ہیں۔وائٹ پیپر کے مطابق چین نے فینٹانل پر مبنی منشیات کو “نارکوٹکس ڈرگز کی فہرست” میں شامل کیا ہے
اور متعلقہ مادوں کی پیداوار، آپریشن، استعمال اور برآمد پر سختی سے کنٹرول کیا ہے۔وائٹ پیپر میں نشاندہی کی گئی ہے کہ انسداد منشیات میں اپنے ٹھوس اقدامات کے ساتھ ساتھ ، چین موجودہ بین الاقوامی انسداد منشیات کے نظام کو مضبوطی سے برقرار رکھتا ہے، منشیات کے بین الاقوامی کنٹرول کے میدان میں اہم فیصلہ سازی میں جامع اور گہرائی سے حصہ لیتا ہے، اور انسداد منشیات کے عالمی تعاون کے لئے فعال طور پر چینی دانش اور حل فراہم کرتا ہے۔
.ذریعہ: Daily Sub News
کلیدی لفظ: فینٹانل سے متعلق مادوں کے چین نے فینٹانل وائٹ پیپر کیا ہے
پڑھیں:
منشیات کی قطر، سعودی عرب اور دبئی اسمگلنگ کی کوششیں ناکام؛ ملزمان گرفتار
راولپنڈی:اینٹی نارکوٹکس نے منشیات کی قطر، سعودی عرب اور دبئی اسمگلنگ کی کوششیں ناکام بناتے ہوئے ملزمان کو گرفتار کرلیا۔
ترجمان اے این ایف کے مطابق ملک کے مختلف شہروں میں منشیات اسمگلنگ کے خلاف کریک ڈاؤن کا سلسلہ جاری ہے، اس دوران 8 مختلف کارروائیوں میں 5 ملزمان کو گرفتار کرکے 65 لاکھ سے زائد مالیت کی 57.325 کلو گرام منشیات برآمد کرلی گئی ہے۔
حکام نے پشاور انٹرنیشنل ایئرپورٹ پر دوحا جانے والے مسافر کے ٹرالی بیگ سے 788 گرام آئس برآمد کرلی۔ علاوہ ازیں ملتان انٹرنیشنل ایئرپورٹ سے جدہ جانے والے مسافر کے ٹرالی بیگ میں چھپائی گئی 1460 عدد نشہ آور گولیاں برآمد کی گئیں جب کہ اسلام آباد میں کوریئر آفس میں دبئی بھیجے جانے والے پارسل سے 4.485 کلو مشتبہ منشیات برآمد ہوئی ہے۔
اُدھر پسنی، گوادر کے غیر آباد علاقے سے اسمگلنگ کے لیے چھپائی گئی 46 کلو چرس برآمد ہوئی جب کہ جناح کرکٹ اسٹیڈیم سیالکوٹ کے قریب سے 2 ملزمان سے 2.4 کلو گرام چرس برآمد ہوئی۔ علاوہ ازیں کوئٹہ میں کوریئر آفس کے ذریعے خانیوال بھیجے جانے والے پارسل سے 2 کلو آئس برآمد ہوگئی۔
پشاور میں کوریئر آفس کے ذریعے لاہور گوجرانوالہ اور فیصل آباد بھیجے جانے والے پارسل سے مجموعی طور پر 130 گرام چرس اور 600 عدد نشہ آور گولیاں برآمد کرلی گئیں۔ شاہ خاکی راولپنڈی کے قریب ملزم سے 1 کلو چرس برآمد ہوئی ہے۔
اے این ایف نے گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا ہے۔
بنگلہ دیش سے تعلق سبوتاژ کرنے کی بھارتی کوششیں ناکام ہونگی‘ دفتر خارجہ