شیر افضل مروت نے بانی پی ٹی آئی سے کیا وعدہ توڑ دیا
اشاعت کی تاریخ: 4th, March 2025 GMT
اسلام آباد(نیوز ڈیسک)پی ٹی آئی کے رکن قومی اسمبلی بیرسٹر شیر افضل مروت نے بانی پی ٹی آئی سے اختلاف کی وجہ بیان کردی۔
سینیئر صحافی منصور علی خان کے پوڈکاسٹ میں بات کرتے ہوئے شیر افضل مروت نے کہا انہیں امید نہیں تھی کہ 8 فروری کے ہیرو کو پارٹی باہر نکال دیا جائے گا، جنتی تکلیف مجھے اپنی ہی پارٹی کی سوشل میڈیا ٹیم نے دی کس نے نہیں دی، اس میں پارٹی کے وہ لوگ بھی شامل ہیں جو خان صاحب کے پاس جاتے اور اُن کا ایک ہی ٹاسک ہے کہ مروت کو گرانا ہے۔
شیر افضل مروت نے کہا اس بار اُن کا گلہ بانی پی ٹی آئی سے بنا ہے کیونکہ جب دوسری بار مجھے نکالا تھا تو میں نے بہت ساری چیزیں اُن کے سامنے واضح کردی تھیں کہ کون کیوں میری مخالفت کررہا ہے، جس پر انہوں نے اتفاق کیا تھا۔
بانی پی ٹی آئی سے اختلاف کی وجہ بیان کرتے شیرافضل مروت نے کہا وہ مجھے بار بار کہتے ہیں کہ آپ میڈیا پر لوگوں کے خلاف بیان نہ دیں، میں نے کئی بار اُن سے وعدہ کیا اور اس کو توڑا۔
توڑنے کہ وجہ یہ ہے کہ وہ لوگ میرے خلاف بیان بازی کرتے ہیں جو کہ میں برداشت نہیں کرسکتا، اب اس چیز کو انہوں نے ڈسپلن کہا ہوا ہے، اگر یہ ڈسپلن ہے تو کوئی میرے خلاف بیان دے اور میں چپ ر ہوں یہ نا ممکن ہے۔
شیر افضل مروت کا مزید کہنا تھا کہ گزشتہ دنوں بھی ایک انٹرویو میں کہا تھا کہ اگر یہ لوگ میرے خلاف بیان دیں گے تو میں اُن کو جواب دیتا رہوں گا۔
مزیدپڑھیں:چیمپئز ٹرافی کا دوسرا سیمی فائنل،پی سی بی کو بڑا دھچکا
ذریعہ: Daily Ausaf
کلیدی لفظ: بانی پی ٹی ا ئی سے شیر افضل مروت نے
پڑھیں:
بانی پی ٹی آئی کے نامزد اپوزیشن لیڈر محمود اچکزئی کی تقرری مشکلات کا شکار
اسلام آباد (نیوز ڈیسک) تحریک انصاف کے بانی کے نامزد قائد حزب اختلاف قومی اسمبلی محمود اچکزئی کی تقرری مزید مشکلات کا شکار ہو گئی۔
آزاد ارکان کی طرف سے تقرری کے لئے عرضداشت کی وصولی کا اعلامیہ اسپیکر چیمبر سے تاحال جاری نہیں ہوا جو گزشتہ ماہ دائر کی گئی تھی۔درخواست ابھی اسپیکر سردار ایاز صادق کے روبرو پیش نہیں ہوئی جو اہم غیر ملکی دورے پر تھے۔
تحریک انصاف کے بانی کے نامزد قومی اسمبلی کے لئے قائد حزب اختلاف پختونخواہ ملی عوامی پارٹی کے محمود خان اچکزئی کا تقرر مشکلات کا شکار ہوگیا ہے۔
گزشتہ ماہ قومی اسمبلی کے ستر سے زیادہ آزاد ارکان کے مبینہ دستخطوں سے ایک عرضداشت اسپیکر سیکریٹریٹ میں دائر کی گئی تھی جس کے بارے میں تاحال کوئی اعلامیہ اسپیکر چیمبر سے جاری نہیں کیا گیا۔
ذرائع کے مطابق قائد حزب اختلاف کی نشست پر تقرری سے پہلے اسپیکر ایوان میں اس منصب کے خالی ہونے کا اعلان کرینگے جس کے بعد ارکان سے نامزدگی کے لئے درخواستیں طلب کی جائیں گی۔
جن ارکان کی طرف سے عرضداشت پر دستخط کئے گئے ہیں ان کی حیثیت آزاد رکن کی ہے وہ قبل ازیں خو د کو سنی اتحاد کونسل سے وابستہ ظاہر کرتے رہے ہیں جس کے اپنے سربراہ صاحبزادہ حامد رضا کو دس سال کی سزائے بامشقت سنائی جاچکی ہے اور انہیں نا اہل قرار دیا جاچکا ہے اب خو د بھی قومی اسمبلی کے رکن نہیں رہے۔
قائد حزب اختلاف کے تقرر سے پہلے اسپیکر موصولہ درخواست پر ثبت ارکان کے دستخطوں کی انفرادی طور پر تصدیق کرینگے اگر کسی ایک رکن کے دستخط سیکریٹری میں پیش کردہ دستخطوں سےمختلف ہوئے اور ان کی تصدیق نہ ہوسکی تو پوری درخواست کو مسترد کردیا جائے گا۔
یونیورسٹی روڈ کی خستہ حالت کے باعث پیدا ہونے والی گرد و غبار سے شہریوں کو روزانہ مشکلات کا سامنا کرنا پڑ رہا ہے