فلم باغبان کی شاندار کامیابی کے باجود کام ملنا بند ہوگیا تھا؛ ساحل پر جاکر رویا کرتا تھا؛ اداکار
اشاعت کی تاریخ: 4th, March 2025 GMT
فلم باغبان میں امیتابھ بچن کے نافرمان بیٹے کا کردار نبھانے والے سمیر سونی فلم کی بلاک بسٹر کامیابی کے باوجود کام نہ ملنے کے باعث دل برداشتہ ہوگئے تھے۔
بھارتی میڈیا کو دیئے گئے ایک انٹرویو میں سمیر سونی نے کہا کہ میں انڈسٹری میں ولن بننے نہیں آیا تھا، مجھے ہیرو بننا تھا۔
سمیر سونی نے بتایا کہ جب باغبان میں کام کی پیشکش ہوئی اور کہانی بیان کی گئی تو مجھے یہ سمجھ نہیں آیا کہ آخر ولن کا کردار کیوں دیا جا رہا ہے۔
اداکار نے کہا کہ "میرے دماغ میں یہ خیال آیا کہ میں یہاں ہیرو بننے آیا ہوں، اور آپ مجھے ولن بنا رہے ہیں۔ ایسا کون کرتا ہے؟"
سمیر سونی نے کہا کہ میں نے فلم کے ڈائریکٹر روی چوپڑا کو کال کی اور کہا کہ وہ کردار دیا جائے جس میں امیتابھ بچن کے ساتھ زیادہ سے زیادہ سین ہوں۔
اداکار نے بتایا کہ یہ فلم باغبان کامیاب ترین فلم ثابت ہوئی لیکن حیران کن طور پر پھر مجھے تین ماہ تک کسی کام کی آفر نہیں ہوئی۔
سمیر سونی نے بتایا کہ اُن دنوں میں ساحل پر جاکر خوب رویا کرتا تھا اور اپنے پیدا کرنے والے سے دعا کرتا اور پوچھتا کہ آخر آپ کیا چاہتے ہیں؟"
اداکار نے مزید کہا کہ بالآخر مجھے ٹی وی شو "جیسے کوئی نہیں" کی پیشکش ہوئی، جو میرے کیریئر کا ایک اہم موڑ ثابت ہوا۔
.
ذریعہ: Express News
کلیدی لفظ: کہا کہ
پڑھیں:
لیبیا میں ساحل کے قریب کشتی الٹ گئی، 61 افراد لاپتہ
طرابلس (اُردو پوائنٹ اخبارتازہ ترین - این این آئی۔ 18 ستمبر2025ء)لیبیا کے ساحل کے قریب کشتی الٹ گئی، 61 افراد لاپتہ جبکہ 13 افراد کو بچالیا گیا۔غیرملکی خبر ایجنسی کے مطابق کشتی میں 74 افراد سوار تھے جن میں سے زیادہ تر سوڈانی پناہ گزین تھے۔(جاری ہے)
یو این ایچ سی آر نے کہا کہ شمال مشرقی لیبیا میں توبروک کے ساحل پر کشتی ڈوبنے کے بعد صرف 13 افراد زندہ بچ گئے جبکہ 61 دیگر لاپتہ ہوگئے۔
اپنی سلامتی اور خودمختاری کو نشانہ بنانیوالے کسی اقدام کو قبول نہیں کرینگے، قطر کا اسرائیلی حملے پر ردعمل