ٹریفک حادثات میں معمرشخص سمیت 4افراد جان کی بازی ہارگئے
اشاعت کی تاریخ: 1st, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں حادثات و پُر تشدد واقعات میں خاتون سمیت 6افراد جاںبحق ہوگئے دیگر واقعات میں 5افراد زخمی ہوئے۔ تفصیلات کے مطابق نیو کراچی تھانے کی حدود ناگن چورنگی کے قریب2 موٹر سائیکلوں پر سوار چار حملہ آوروں نے فائرنگ کی جس سے 55 سالہ محمد اسماعیل ولد محمد عیسیٰ موقع پر ہی جاں بحق ہوگئے۔ فائرنگ کی زد میں آ کر راہ گیر 17 سالہ سہیل ولد عبدالرشید بھی زخمی ہوا۔ کلفٹن بلاک 2 کے قریب واٹر ٹینکر نے موٹر سائیکل سوار نوجوان کو ٹکر مار دی۔ حادثے میں موٹر سائیکل سوار شخص جاں بحق ہوگیا جس کی لاش جناح اسپتال منتقل کردی گئی ہے۔ جاں بحق شخص کی شناخت 30 سالہ حافظ الرحمان کے نام سے ہوئی۔ جیکسن تھانے کی حدود کیماڑی کے پی ٹی گیٹ نمبر 17 کے قریب گاڑی نے ایک بزرگ شہری کو ٹکر مار دی جس کے نتیجے میں وہ شدید زخمی ہوگیا، بزرگ شہری کو اسپتال منتقل کیا جارہا تھا تاہم وہ راستے میں ہی دم توڑ گئے۔ متوفی کی شناخت 60سالہ میشال خان ولد فقیر اللہ کے نا م سے ہوئی۔ گڈاپ سٹی تھانے کی حدود سپر ہائی وے پر حیدآباد سے کراچی آنے والے روٹ پر چکوال پمپ کے قریب ٹریفک حادثے میں 40 سالہ شخص جاں بحق ہوگیا۔ ابراہیم حیدری تھانے کی حدود کورنگی ساحل سمندر سے ایک 55سالہ شخص کی ڈوبی ہوئی لاش ملی ، متوفی کی شناخت اعجاز کے نام سے ہوئی ہے۔ ڈرگ روڈ ریلوے تھانے کی حدود کالا بورڈ ملیر ریلوے لائن پر ٹرین کی زد میں اکر 70 سالہ خاتون جاں بحق ہوگئی ۔
ذریعہ: Jasarat News
کلیدی لفظ: تھانے کی حدود
پڑھیں:
کراچی میں نجی ائیرلائن نے طیارے کو بس بنادیا؛سیٹوں سے زائد مسافر سوار کردیے
ویب ڈیسک : کراچی میں نجی ائیرلائن کا انوکھا کارنامہ، پرواز میں سیٹوں سے زائد مسافر سوار کر دیے
کراچی ائیرپورٹ پر نجی ائیرلائن نے انوکھا کارنامہ سر انجام دیتے ہوئے پرواز میں سیٹوں سے اضافی مسافر سوار کرا دیے۔ذرائع کے مطابق نجی ائیرلائن کی انتظامیہ نے اسلام آباد کی پرواز پی اے 206 میں سیٹوں سے زیادہ 2 اضافی مسافر سوار کرادیے۔ ذرائع کا کہنا ہے کہ طیارے میں نشستوں سے زیادہ مسافر سوار کرانے پر پائلٹ نے اعتراض کیا۔
لیسکو کا سموگ کے دوران بجلی بریک ڈاؤن سے بچاؤ کیلئے اقدامات کا آغاز
طیارہ اڑان کے لیے ٹیکسی کر رہا تھا تو کپتان کو 2 اضافی مسافروں کے طیارے میں سوار ہونے کا پتہ چلا جس کے بعد پائلٹ طیارے کو واپس پارکنگ میں بورڈنگ برج پر لے آیا۔ذرائع کا کہنا ہے کہ اضافی مسافر نجی ائیرلائن کے اپنے ملازمین تھے۔
کپتان نے اضافی مسافروں کو اتارنے کے بعد طیارے کی روانگی کا اعلان کیا۔ پرواز کو شام 5 بجے روانہ ہونا تھا اس واقعے کے باعث پرواز ڈیڑھ گھنٹے تاخیر کا شکار ہوئی۔تاخیر پر طیارے میں سوار 170 سے زائد مسافروں کو پریشانی کا سامنا کرنا پڑا۔
ماضی کی معروف اداکارہ سیمی زیدی کس حال میں اور کہاں؟
کراچی ائیرپورٹ انتظامیہ نے واقعے کی تصدیق کر دی اور پاکستان ائیرپورٹ اتھارٹی نے تحقیقات کا حکم دے دیا ہے۔
بچپن میں چینی کا محدود استعمال دل کی بیماریوں کے خطرات کم کرتا ہے، تحقیق