کیا حالیہ بارشوں سے پانی کی قلت کا خطرہ ٹل گیا؟
اشاعت کی تاریخ: 6th, March 2025 GMT
پاکستان میں رواں موسم سرما میں بارشیں معمول کے مقابلے میں بہت ہی کم ہوئی ہیں، جنوری تک موسم خشک اور سرد رہنے کے باعث ملک بھر میں پانی کی قلت کے خدشات بھی ظاہر کیے گئے ہیں۔
واضح رہے کہ اسلام آباد کا شمار ان شہروں میں ہوتا تھا۔ جہاں سردیوں میں بارش کا سلسلہ ایک جمعے سے دوسرے جمعے تک مسلسل چلتا تھا مگر رواں برس اسلام آباد میں بھی بارشیں نہ ہونے کے برابر ہی ہوئی ہیں۔
اس صورتحال پر مینیجنگ ڈائریکٹر واسا کا کہنا تھا کہ ملک بھر سے پانی کے بحران کی شکایات آ رہی ہیں، ملک بڑے پیمانے پر خشک سالی کا شکار ہونے جارہا ہے، زیر زمین پانی کی سطح انتہائی کم ہو گئی ہے۔
یہ بھی پڑھیں: ملک میں خشک سالی کے خدشات: ’چنے کی تقریباً آدھی فصل کو نقصان پہنچ چکا ہے‘
لیکن 18 فروری سے بارشوں کا ایک سلسلہ ملک کے مختلف شہروں میں داخل ہوا، جس کے بعد اسلام آباد سمیت ملک بھر کے مختلف شہروں میں اچھی بارشیں ہوئی ہیں، جس سے یقیناً پانی کی دستیابی میں کسی حد تک بہتری آئی ہوگی۔
حالیہ بارشوں نے پانی کی قلت کے مسئلہ کو کتنا حل کیا ہے اور کیا پانی کے دستیاب ذخائر موسم گرما میں کافی ہوں گے؟
اس ضمن میں ڈائریکٹرجنرل واٹر مینیجمنٹ کیپیٹل ڈیولپمنٹ اتھارٹی سردارخان زمری کا کہنا تھا کہ حالیہ بارشوں کے باعث سملی ڈیم میں پانی کی سطح میں تقریباً 4 فٹ اور ذخائر میں تقریباً 15 دن کا اضافہ ہوا ہے۔
مزید پڑھیں: برفباری اور بارشوں میں تاخیر کیا ملک کو پانی کی قلت سے دوچار کرسکتی ہے؟
’تاہم، خان پور ڈیم میں پانی کی سطح میں بلند نہیں ہوئی ہے، البتہ پانی کا ذخیرہ آئندہ مون سون تک طلب کو پورا کرنے کے لیے کافی ہے، خان پور ڈیم سے پانی کی باقاعدہ فراہمی کے ساتھ، رہائشیوں کی شکایات میں اچھی خاصی کمی واقع ہوئی ہے۔‘
سردار خان زمری کا کہنا تھا کہ اگلے کچھ روز کے بعد دوبارہ پھر وقفے وقفے سے مزید بارشوں کی توقع ہے، جس سے پانی کی فراہمی کی صورتحال میں مزید بہتری آنے کی امید ہے۔
موسمیاتی تبدیلی پر گہری نظر رکھنے والے شہری منصوبہ بندی کے ماہر محمد توحید کا کہنا تھا کہ رواں موسم سرما میں مجموعی طور پر بہت ہی کم بارشیں ہوئی ہیں اور جو ہوئی ہیں، اس مقدار میں نہیں ہوسکیں جس سے پانی کے موجودہ ذخائر کو خاطر خواہ فائدہ ہوتا اور ہم کہہ سکتے کہ پانی کی قلت نہیں ہوگی۔
مزید پڑھیں: بارش کے پانی کو محفوظ بنانے کا تجربہ، آزادکشمیر کا اسکول حکومت کے لیے مثال
’بنیادی معاملہ مون سون کی بارشوں کے وقت پر اور مناسب مقدار میں ہونے سے جڑا ہے تبھی یہ کہا جاسکے گا کہ پانی کی دستیابی کس حد تک ممکن ہے دیگر یہ کہ تمام معاملہ پھر فصلوں کی پیداوار کو براہ راست متاثر کرسکتا ہے۔‘
محمد توحید سمجھتے ہیں کہ ایسے حالات میں حکومت کی ذمہ داری بنتی ہے کہ پانی کو ذخیرہ کرنے کے منصوبے لائیں اور رین واٹر ہارویسٹنگ کو فروغ دینے کے لیے کام کریں۔
دوسری جانب محکمہ موسمیات کے ڈائریکٹر جنرل کا کہنا ہے کہ ملک میں بارشوں کا ایک اچھا سلسلہ داخل ہوا، جس نے پانی کے ذخائر کو کچھ حد تک فائدہ پہنچایا ہے۔ ’ان بارشوں کی مدد سے کم از کم پانی کی شدید قلت اور خشک سالی میں بہت زیادہ تو نہیں مگر کمی ضرور ہوئی ہے۔
مزید پڑھیں: بلوچستان میں کب تک بارش کا پانی ضائع ہوتا رہے گا؟
ماہر موسمیات کے مطابق فی الحال تو بارشوں کو کوئی اچھا سلسلہ مارچ کے آخر تک متوقع نہیں، لیکن امید ہے کہ اس کے بعد کوئی نہ کوئی اچھا سلسلہ ضرور تشکیل پائے گا، جس سے پانی کے ذخائر بہتر ہونے میں مدد ملے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش پانی کی قلت پانی کے بحران خان پور ڈیم خشک سالی ذخائر سردار خان زمری سملی ڈیم شہری منصوبہ بندی کیپیٹل ڈیولپمنٹ اتھارٹی محکمہ موسمیات محمد توحید موسمیاتی تبدیلی مون سون واٹر مینیجمنٹ.ذریعہ: WE News
کلیدی لفظ: پانی کی قلت پانی کے بحران خان پور ڈیم خشک سالی سملی ڈیم محکمہ موسمیات محمد توحید موسمیاتی تبدیلی واٹر مینیجمنٹ کا کہنا تھا کہ پانی کی قلت خشک سالی ہوئی ہیں سے پانی پانی کے کے لیے
پڑھیں:
فلم بائیکاٹ کا خطرہ، پہلگام حملے پر فواد خان کا ردعمل بھی سامنے آگیا
پہلگام میں ہونے والے دہشت گرد حملے کے بعد پاکستانی فنکاروں پر بھارت میں کام کرنے پر پابندی کے مطالبات ایک بار پھر زور پکڑ گئے ہیں۔ ایسے وقت میں معروف اداکار فواد خان نے اس حملے پر گہرے دکھ کا اظہار کیا ہے۔
فواد خان نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں انہوں نے لکھا کہ پہلگام میں گھناؤنے حملے کی خبر سن کر بہت دکھ ہوا۔ ہماری دعائیں متاثرین اور ان کے اہل خانہ کے ساتھ ہیں اور ہم اس مشکل وقت میں ان کے اہل خانہ کے لیے دعا گو ہیں۔
یہ بیان اُس وقت سامنے آیا ہے جب فواد خان اور وانی کپور کی فلم عبیر گلال 9 مئی کو ریلیز ہونے جا رہی ہے اور انتہا پسند گروپس کی جانب سے اس پر پابندی کا مطالبہ کیا جا رہا ہے۔
واضح رہے کہ فلم انڈسٹری کے فنکاروں کی تنظیم ’فیڈریشن آف ویسٹرن انڈیا سنی ایمپلائز‘ نے 2019 میں پلوامہ حملے کے بعد پاکستانی فنکاروں، گلوکاروں اور تکنیکی عملے کے بائیکاٹ کا مطالبہ کیا تھا۔
یہ بھی پڑھیں: ’فواد خان کی فلم ریلیز نہیں ہونی چاہیے‘، پہلگام حملے کے بعد بھارت میں پاکستانی فنکار کے خلاف احتجاج
پہلگام حملے کے بعد اس تنظیم نے اپنی ہدایت کو دوبارہ جاری کیا ہے۔ بیان میں کہا گیا چونکہ ہمیں حال ہی میں پاکستانی اداکار فواد خان کے ساتھ بننے والی فلم ’عبیر گلال‘ کے بارے میں معلوم ہوا ہے لہذا ’فیڈریشن آف ویسٹرن انڈیا سنی ایمپلائز‘ایک بار پھر پاکستانی فنکاروں، گلوکاروں اور تکنیکی ماہرین کے ساتھ ہر قسم کی شراکت پر مکمل پابندی کا اعلان کرتی ہے چاہے وہ بھارت میں ہو یا دنیا کے کسی بھی حصے میں۔
بیان میں مزید کہا گیا ہے کہ ’ہم یہ واضح کرنا چاہتے ہیں کہ اگر ہماری تنظیم یا اس سے منسلک کسی یونین جیسے کہ اداکار، ہدایتکار، تکنیکی ماہرین یا پروڈیوسرز نے کسی پاکستانی فرد کے ساتھ تعاون کیا، تو ان کے خلاف تادیبی کارروائی کی جائے گی۔ ہم اس بات کو بھی یقینی بنائیں گے کہ فلم ’عبیر گلال‘ بھارت میں ریلیز نہ ہو‘۔
یہ فیڈریشن بھارتی فلم انڈسٹری کی 32 مختلف یونینز پر مشتمل ایک مرکزی تنظیم ہے، جس کے 5 لاکھ سے زائد ارکان ہیں۔
یہ بھی پڑھیں: فواد خان نے بالی ووڈ فلم عبیر گلال میں کام کرنے کی وجہ بتا دی
اس سے قبل فلم کا ٹیزر جاری ہوتے ہی بھارت میں انتہا پسند تنظیموں نے فلم پر پابندی کا مطالبہ کردیا تھا۔ مہاراشٹرا نونرمان سینا (ایم این ایس) نے ملک میں فواد خان کی فلم کی ریلیز کی مخالفت کرنے کا اعلان کیا تھا۔
ان کا کہنا تھا کہ ’ہمارا موقف بہت واضح ہے۔ ہم ایسی کسی بھی فلم کو قبول نہیں کریں گے جس میں پاکستانی فنکار ہوں۔ اور اگر ایسی فلم ریلیز کی گئی تو ہم ایم این ایس کے طریقے سے احتجاج کریں گے‘۔
ایم این اس کے رہنما امے کھوپکر کا کہنا تھا کہ ’پاکستانی اداکاروں یا پاکستانی فلموں کی مخالفت ہم پہلے سے کرتے آ رہے ہیں اور آگے بھی کریں گے۔ پاکستانی اداکار کو لے کر یہاں کوئی بھی فلم ریلیز نہیں ہو گی اور میں تو چیلنج کرتا ہوں کہ اگر ہمت ہے تو کوئی اسے ریلیز کر کے دکھائے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پہلگام حملہ عبیر گلال فواد خان وانی کپور
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم