سندھ بلڈنگ، کھوڑو سسٹم میں شہر پر تعمیراتی لاقانونیت کا راج
اشاعت کی تاریخ: 14th, March 2025 GMT
ڈی جی اسحاق کھوڑو کی مہربانیاں کماؤ افسران جلیس احمد صدیقی اور سجاد خان پر برقرار
ناظم آباد نمبر 3پلاٹ A8/1اور G3/14پر عدالتی احکامات کے بر خلاف تعمیرات
ڈی جی اسحاق کھوڑو کا تعمیراتی خلاف ورزیوں پر رابطوں کے باوجود موقف دینے سے گریز
سندھ کنٹرول بلڈنگ اتھارٹی میں کھوڑو سسٹم کے تحت غیر قانونی تعمیرات میں دن بدن اضافہ دیکھنے میں آ رہا ہے اور کمزور بنیادوں پر بالائی منزلوں کی تعمیرات میں تیزی دیکھنے میں آئی ہے۔ واضح رہے کہ ڈی جی اسحاق کھوڑو کی مہربانیاں کماؤ افسران پر برقرار ہیں ۔ایسے ہی ایک ڈائریکٹر جلیس احمد صدیقی نے وسطی میں ناجائز تعمیرات کا سسٹم سنبھال رکھا ہے اور ملکی محصولات کو نقصان پہنچا کر بغیر نقشے اور منظوری کے رہائشی پلاٹوں پر کمرشل تعمیرات اور کمزور بنیادوں پر بالائی منزلوں کی تعمیرات شروع کروا رکھی ہیں۔ دوسری جانب دُہری شہریت کے حامل ڈائریکٹر ڈیمالیشن عبدالسجاد خان نے بھی وفاداری کا ثبوت دیتے ہوئے نمائشی انہدامی کاروائیوں کی آڑ میں خطیر رقوم کی وصولیوں کا سلسلہ شروع کر رکھا ہے۔ دلچسپ امر یہ ہے کہ ان منہدم کی جانے والی عمارتوں کی ازسرنو تعمیر بھی شروع کروا دی گئی ہے اور ایسی کوئی عمارت دکھائی نہیں دیتی ،جسے انہدام کے بعد ازسرنو تعمیر کی اجازت نہ ملی ہو،جبکہ ڈی جی اسحاق کھوڑو ان سب معاملات سے لاعلمی کا اظہار کرتے دکھائی دیتے ہیں۔ ان کا ماننا یہ ہے کہ کراچی میں جاری تعمیرات بلڈنگ قوانین کے عین مطابق ہیں ۔ان دنوں بھی ناظم آباد نمبر 3میں پلاٹ نمبر A8/1اور G3/14پر عدالتی احکامات کے بر خلاف تعمیرات جاری ہیں، ڈائریکٹر جنرل سندھ بلڈنگ اسحاق کھوڑو سے ان تعمیراتی خلاف ورزیوں پر موقف لینے کے لئے رابطہ کیا گیا مگر موصوف نے کوئی جواب دینا ضروری نہیں سمجھا ۔
.ذریعہ: Juraat
پڑھیں:
بارش کی تباہ کاریوں کیخلاف کسی صوبے کو مدد چاہیے تو حاضر ہیں، شرجیل میمن
کراچی:سندھ کے سینئر وزیر شرجیل انعام میمن نے کہا ہے کہ سندھ حکومت 2010ء سے اب تک کئی بار طوفانی بارشوں اور سیلابوں کا سامنا کر چکی ہے اور اس ضمن میں مکمل تجربہ رکھتی ہے، اگر کسی دوسرے صوبے کو سندھ حکومت کی ضرورت پڑی تو ہم ہر ممکن مدد کے لیے تیار ہیں۔
کراچی میں پریس کانفرنس کرتے ہوئے صوبائی وزیر اطلاعات، ٹرانسپورٹ و ماس ٹرانزٹ شرجیل انعام میمن نے کہا کہ وزیراعلیٰ سندھ سید مراد علی شاہ کی قیادت میں انتظامیہ پوری طرح الرٹ ہے اور مشینری ہمہ وقت دستیاب ہے،گورنر پنجاب کے حالیہ دوروں کے تناظر میں بھی سندھ حکومت کی جانب سے انہیں مکمل ہم آہنگی اور اقدامات کی یقین دہانی کرائی گئی ہے۔
بلوچستان میں ہوئے افسوس ناک واقعے پر ان کا کہنا تھا کہ معصوم اور بے گناہ لوگوں کے قتل میں ملوث افراد کو سخت ترین سزائیں دی جانی چاہئیں، پاکستان پیپلز پارٹی اس طرح کے واقعات کی شدید مذمت کرتی ہے۔
شرجیل میمن نے کہا کہ کاروباری طبقے کو درپیش مسائل کے حل کے لیے سندھ حکومت نے ریڈ ٹیپ ازم کے خاتمے کے لیے آن لائن ون ونڈو آپریشن شروع کیا ہے، پاکستان میں اس وقت کاروبار کے لیے سنہری موقع موجود ہے اور سندھ حکومت کی کوشش ہے کہ صنعت کاروں اور تاجروں کو ہر ممکن سہولیات فراہم کی جائیں۔
انہوں نے کہا کہ کراچی میں حالیہ بلڈنگ گرنے کے واقعے پر سخت ایکشن لیا گیا ہے،61 انتہائی خطرناک عمارتوں میں سے 59 انتہائی خطرناک عمارتوں کو خالی کروایا جا چکا ہے جہاں غیر قانونی تعمیرات ہو رہی ہیں، وہاں فوری کارروائی کی جا رہی ہے اور متعدد عمارتیں مسمار کر دی گئی ہیں، کرایہ داروں کو چھ ماہ کا کرایہ سندھ حکومت کی جانب سے فراہم کیا جا رہا ہے تاکہ انہیں مشکلات کا سامنا نہ کرنا پڑے عوام سے اپیل ہے کہ جہاں بھی غیر قانونی تعمیرات نظر آئیں، فوری اطلاع دیں، کیونکہ ان سے قیمتی انسانی جانوں کو خطرہ لاحق ہوتا ہے، جسے کسی صورت برداشت نہیں کیا جا سکتا۔
شرجیل میمن نے کہا کہ جام صادق پل اگست تک مکمل ہو کر عوام کے لیے کھول دیا جائے گا جبکہ شاہراہ بھٹو پر بھی تعمیراتی کام جاری ہے، یلو لائن اور ریڈ لائن بی آر ٹی کے منصوبے جلد پایہ تکمیل تک پہنچنے والے ہیں کے فور منصوبے پر بھی وزیراعلیٰ سندھ مسلسل میٹنگز کر رہے ہیں اور یہ منصوبہ جلد مکمل ہو جائے گا۔
صوبائی وزیر نے کہا کہ اگر کسی سیاسی رہنما کو سزا دی جاتی ہے، تو ہم اس پر خوشی نہیں مناتے، لیکن اگر وہ ریاستی املاک پر حملے کریں، جلاؤ گھیراؤ کریں، تو یہ کسی طور معافی کے قابل نہیں، پیپلز بس سروس، ایمبولینسز اور قائداعظم کے گھر کو آگ لگانا بدترین دہشتگردی کے مترادف ہے ایسے عناصر کو قانون کے مطابق کیفر کردار تک پہنچانا ریاست کی ذمہ داری ہے۔
انہوں نے کہا کہ 9 مئی کے جلاؤ گھیراؤ کا ماسٹر مائنڈ اس وقت اڈیالہ جیل میں قید ہے، جس نے خود اپنے بچوں کو بیرون ملک رکھا لیکن عام گھروں کے بچوں کو سڑکوں پر نکال کر ریاست کے خلاف استعمال کیا یہ سیاست نہیں بلکہ دہشت گردی ہے جسے ہر صورت روکا جانا چاہیے۔
شرجیل انعام میمن نے مزید کہا کہ تاریخ میں پہلی بار غیر قانونی تعمیرات پر بڑے سرکاری افسران کے خلاف کارروائی کی گئی ہے۔ بہت سی جگہوں پر بغیر نقشے کے تعمیرات کی گئی ہیں، جن کے خلاف سروے کے بعد کارروائیاں جاری ہیں۔ جو بلڈر قانون کی خلاف ورزی میں ملوث پائے گئے ہیں، ان کے خلاف قانونی چارہ جوئی کی جا رہی ہے تاکہ آئندہ کسی کو انسانی جانوں سے کھیلنے کی اجازت نہ دی جا سکے۔
والد نے مسلسل رابطوں سے پریشان ہوکر تدفین کا بیان دیا، بہن بہت خوددار تھی، بھائی حمیرا اصغر