پنجاب: ایک لاکھ نوجوانوں کی تربیت اور روزگار کے حصول کا ہدف مقرر
اشاعت کی تاریخ: 14th, March 2025 GMT
وزیراعلیٰ پنجاب مریم نواز شریف نے ہنرمند افرادی قوت برآمد کرنے کے منصوبے سے متعلق اجلاس کی صدارت کرتے ہوئے ایک لاکھ نوجوانوں کی تربیت اور روزگار کے حصول کا ہدف مقرر کردیا۔
یہ بھی پڑھیں: وزیراعلیٰ پنجاب انٹرن شپ پروگرام: وظیفے کی رقم میں 100 فیصد سے زائد اضافہ
مریم نواز نے عہدیداروں کو ہدایت کی کہ ہنر مند کارکنوں کو بیرون ملک بھیجنے کے لیے ایک جامع منصوبہ تیار کیا جائے اور تربیت یافتہ افراد کے لیے بزنس کارڈز اور قرضوں تک ترجیحی رسائی پر زور دیا۔
دور افتادہ علاقوں میں نوجوانوں کی مدد کے لیے نجی شعبے کے اشتراک سے ’اسکلز آن وہیل‘ منصوبہ شروع کرنے کا فیصلہ کیا گیا۔ مزید برآں وزیراعلیٰ نے ‘’پلگ اینڈ پلے‘ کال سینٹر سسٹم سمیت متعدد نئے اقدامات کی منظوری دی۔پہلے مرحلے میں 5 ہزار نوجوانوں کو کال سینٹر کی تربیت دی جائے گی۔ 6 ہفتوں کا کورس مکمل کرنے کے بعد، شرکا تقریباً ایک لاکھ روپے ماہانہ کمانے والی ملازمت حاصل کرسکتے ہیں۔ اسکلز کارڈز متعارف کرانے کی تجویز پر بھی تبادلہ خیال کیا گیا۔
حکام نے بتایا کہ 480 خواتین قائد اعظم بزنس پارک میں گارمنٹ ٹریننگ انسٹی ٹیوٹ میں تربیت حاصل کریں گی۔
مزید پڑھیے: پنجاب: لینڈ مافیا کی چالبازی کا توڑ، دیہی ہاؤسنگ اسکیمز بھی ٹیکس نیٹ میں شامل
ان زیر تربیت افراد کو پک اینڈ ڈراپ سہولیات اور 20 ہزار روپے ماہانہ وظیفہ سے فائدہ ہوگا۔ انہیں روزگار کے لیے بڑے ٹیکسٹائل گروپوں میں بھی رکھا جائے گا۔
آئی ٹی اور ہنر مندی کی ترقی کے اقدامات میں توسیعسیکریٹری پنجاب اسکل ڈویلپمنٹ اینڈ انٹرپرینیورشپ نادر چٹھہ نے کہا کہ اسکل ڈویلپمنٹ کے تمام اداروں کو ایک محکمے کے تحت ضم کر دیا گیا ہے۔
وزیراعلیٰ اسکلڈ پنجاب انیشی ایٹو کے تحت 4 ہزار نوجوانوں نے بین الاقوامی آئی ٹی سرٹیفکیٹ مکمل کیے ہیں اور اسے 10 ہزار شرکا تک بڑھانے کا منصوبہ ہے۔
ایک برطانوی ادارے کے تعاون سے 6 ماہ کا مفت مہمان نوازی تربیتی پروگرام بھی متعارف کرایا جائے گا جس میں گریجویٹس کے لیے ملازمتوں کا انتظام کیا جائے گا۔
مزید برآں 1600 خواجہ سراؤں نے ٹیکسٹائل، میک اپ اور بیک اسٹیج پروڈکشن میں مہارت کی تربیت مکمل کی ہے اور انہیں ماہانہ 8 ہزار روپے وظیفہ دیا جاتا ہے۔دریں اثنا دیہی خواتین کے ڈیجیٹل ٹریننگ پروگرام کے لیے 27 ہزار درخواستیں موصول ہوئی ہیں جو مفت ڈیسک ٹاپ کمپیوٹرز اور انگریزی اور آئی ٹی کی تربیت فراہم کرتا ہے۔
ان اقدامات کو ہموار کرنے کے لئے پنجاب اسکل ڈیولپمنٹ اینڈ انٹرپرینیورشپ ڈپارٹمنٹ کے لئے ایک مرکزی ڈیجیٹل ڈیش بورڈ اپریل کے وسط تک لائیو کیا جائے گا۔
وزیر اعلیٰ کا قومی ترقی میں نوجوانوں کے کردار پر زوروزیر اعلیٰ مریم نواز نے نوجوانوں کو بااختیار بنانے کے عزم کا اعادہ کرتے ہوئے کہا کہ تربیت اور روزگار کے مواقع نوجوانوں کو ترقی کے عمل میں ضم کریں گے۔
مزید پڑھیں: اپنی چھت اپنا گھر پروگرام کے تحت 19 ہزار افراد کو رقوم جاری ہوچکیں، ڈی جی پنجاب ہاؤسنگ اینڈ ٹاؤن پلاننگ ایجنسی
ان کا کہنا تھا کہ پاکستان کے مستقبل کا دارومدار ہمارے باصلاحیت نوجوانوں کو ہنر سے آراستہ کرنے پر ہے۔
انہوں نے کہا کہ پنجاب حکومت تربیت اور جاب پلیسمنٹ کے لیے مکمل تعاون فراہم کرے گی۔
وزیر اعلیٰ پنجاب مریم نواز نے ٹورازم ڈیولپمنٹ کارپوریشن آف پنجاب (ٹی ڈی سی پی) کی جانب سے ڈبل ڈیکر بسوں کے کرایوں میں اضافہ فوری طور پر واپس لینے کا حکم دیا ہے۔
یہ بھی پڑھیے: پنجاب: میٹرک امتحانات میں نقل کی روک تھام کے لیے جدید ٹیکنالوجی کا استعمال
ان کی ہدایت کے بعد کرایوں میں اضافے کا نوٹیفکیشن واپس لے لیا گیا اور سابقہ ٹکٹ بحال کر دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نوجوانوں کی تربیت نوجوانوں کے لیے روزگار ہنجاب حکومت وزیر اعلیٰ پنجاب مریم نواز شریف.ذریعہ: WE News
کلیدی لفظ: نوجوانوں کی تربیت نوجوانوں کے لیے روزگار ہنجاب حکومت وزیر اعلی پنجاب مریم نواز شریف نوجوانوں کی نوجوانوں کو مریم نواز تربیت اور روزگار کے وزیر اعلی کی تربیت جائے گا کے لیے
پڑھیں:
ایم جی پاکستان کی بڑی پیشکش: الیکٹرک گاڑیوں پر 13 لاکھ روپے سے زائد کی زبردست رعایت
پاکستان میں ماحول دوست ٹرانسپورٹیشن کی حوصلہ افزائی کے لیے ایم جی پاکستان نے اپنی دو مشہور الیکٹرک گاڑیوں پر شاندار رعایت کا اعلان کیا ہے۔ کمپنی کی جانب سے جاری بیان کے مطابق، محدود مدت کے لیے صارفین کو فی گاڑی 13 لاکھ روپے سے زائد کی بچت کا موقع دیا جا رہا ہے۔
کون سی گاڑیاں شامل ہیں؟
یہ خصوصی آفر MG4 Excite اور MG ZS EV Short Range ماڈلز پر دستیاب ہے، جنہیں پاکستان میں الیکٹرک گاڑیوں کے شوقین افراد میں کافی پذیرائی حاصل ہو چکی ہے۔
MG4 Excite کی پرانی قیمت 97 لاکھ 99 ہزار روپے تھی، جسے اب 13 لاکھ 9 ہزار روپے کم کر کے 84 لاکھ 90 ہزار روپے کر دیا گیا ہے۔
MG ZS EV Short Range کی قیمت میں بھی 13 لاکھ روپے کی کمی کی گئی ہے، جس کے بعد اس کی نئی قیمت 96 لاکھ 90 ہزار روپے ہو گئی ہے، جو پہلے 1 کروڑ 9 لاکھ 90 ہزار روپے تھی۔
محدود وقت اور اسٹاک !
ایم جی پاکستان نے واضح کیا ہے کہ یہ رعایت محدود تعداد میں دستیاب گاڑیوں کے لیے ہے، اور اس آفر کی مدت کا باضابطہ اعلان نہیں کیا گیا۔ اس لیے اگر آپ برقی گاڑی خریدنے کا ارادہ رکھتے ہیں، تو یہ بہترین موقع ہو سکتا ہے — جلدی کیجیے!
ماحول دوست مستقبل کی جانب ایک قدم
کمپنی کا کہنا ہے کہ اس اقدام کا مقصد زیادہ سے زیادہ صارفین کو الیکٹرک گاڑیوں کی طرف راغب کرنا اور پاکستان میں ماحولیاتی بہتری کے لیے پائیدار ٹرانسپورٹیشن کو فروغ دینا ہے۔ الیکٹرک گاڑیوں کی قیمتوں میں کمی سے نہ صرف صارفین کو مالی فائدہ ہوگا بلکہ ملک میں صاف ستھری اور جدید سفری سہولتیں بھی فروغ پائیں گی۔
Post Views: 6
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان