امریکا کی اورنج لسٹ کیا ہے ،فہرست میں پاکستان بھی شامل
اشاعت کی تاریخ: 15th, March 2025 GMT
واشنگٹن(ڈیلی پاکستان آن لائن )ٹرمپ انتظامیہ 43 ممالک کے شہریوں پر سفری پابندیوں کی تجاویز پر غور کر رہی ہے۔
نجی ٹی وی جیو نیوز نے امریکی اخبار کے حوالے سے بتایا کہ ٹرمپ انتظامیہ ایک نئی سفری پابندیوں کی فہرست پر غور کر رہی ہے جس میں مختلف ممالک کو تین مختلف کیٹیگریز میں شامل کیا جائے گا۔امریکی اخبار کی رپورٹ میں بتایا گیا ہے کہ 10 ممالک کو اورنج لسٹ میں شامل کرنے کی تجویز ہے، اورنج لسٹ میں پاکستان بیلاروس، ہیٹی، میانمار، روس اور ترکمانستان شامل ہیں۔
اورنج لسٹ میں شامل ممالک کے شہریوں کے امیگرنٹ اور سیاحتی ویزے محدود کئے جائیں گے، اس لسٹ میں شامل ممالک کے کاروباری مسافروں کو کچھ شرائط کے ساتھ امریکا میں داخلے کی اجازت دی جا سکتی ہے۔اس کے علاوہ ڈونلڈ ٹرمپ 11 ممالک کے شہریوں پر مکمل پابندی کا بھی ارادہ رکھتے ہیں، جن ممالک کو ریڈ لسٹ میں شامل کیا جا سکتا ہے ان میں افغانستان، بھوٹان، کیوبا، ایران، لیبیا، شمالی کوریا، شام، سوڈان، صومالیہ، وینزویلا اور یمن شامل ہیں۔
ٹرمپ انتظامیہ چاڈ، ڈومینیکا اور لائبیریا سمیت 22 ممالک کو یلو لسٹ میں شامل کرنے پر غور کر رہی ہے جس کا مطلب ہے کہ ان ممالک کے شہریوں کے پاس ویزا درخواست کے حوالے سے کسی قسم کے تحفظات کو دور کرنے کے لئے60 روز ہوں گے۔یاد رہے کہ ڈونلڈ ٹرمپ نے اپنے پہلے دور صدارت میں مسلم ممالک کے شہریوں کے امریکا سفر پر پاپندی کے 3 ایگزیکٹو آرڈرز پر دستخط کئے تھے جسے Muslim Ban کے نام سے جانا جاتا تھا۔ اس پابندی کے تحت ایران، عراق، لیبیا، سوڈان، صومالیہ اور سوڈان کے شہریوں پر پابندی عائد کی گئی تھی تاہم سابق صدر جو بائیڈن نے جنوری میں حلف اٹھاتے ہی ڈونلڈ ٹرمپ کی جانب سے عائد پابندیوں کو ختم کر دیا تھا۔
پاکستان سے سٹاف لیول معاہدے پر پیشرفت ہوئی، موسمیاتی تبدیلیوں پر فنڈز فراہم کئے جاسکتے ہیں: آئی ایم ایف
مزید :.ذریعہ: Daily Pakistan
کلیدی لفظ: ممالک کے شہریوں اورنج لسٹ ممالک کو
پڑھیں:
چین کا مزید ممالک کے لیے ویزا فری سہولت میں توسیع کا اعلان
چین نے اعلان کیا ہے کہ وہ اپنے 240 گھنٹے ویزا فری ٹرانزٹ پروگرام کو مزید بندرگاہوں تک توسیع دے رہا ہے، جبکہ 40 سے زائد ممالک کے لیے یکطرفہ ویزا استثنیٰ کی سہولت 31 دسمبر 2026 تک بڑھا دی گئی ہے۔
چینی حکومت کی جانب سے اٹھایا گیا یہ اقدام ملک کو دنیا کے لیے مزید کھولنے کی تازہ ترین کوشش ہے۔
یہ بھی پڑھیں: چین کا ’کے ویزا‘ کیا ہے اور یہ کس طرح حاصل کیا جا سکتا ہے؟
قومی امیگریشن ایڈمنسٹریشن کے مطابق، نئی شامل کی جانے والی بندرگاہوں میں گوانگژو، ژوہائی کے ہینگ چن اور ژونگ شان شہر، ہانگ کانگ-ژوہائی-مکاؤ پل، اور گوانگژو-شینزن-ہانگ کانگ ایکسپریس ریلوے کے ویسٹ کاؤلون اسٹیشن شامل ہیں۔
With Sweden newly added, the citizens of 48 countries now enjoy unilateral visa-free access to China. China’s door to the world is opening wider than ever.
We invite more international friends to see China and its progress firsthand. pic.twitter.com/Yr9YDcvxuN
— Mao Ning 毛宁 (@SpoxCHN_MaoNing) November 3, 2025
بدھ سے نافذ ہونے والی اس پالیسی کے تحت 240 گھنٹے کے ویزا فری ٹرانزٹ پروگرام کے لیے اہل بندرگاہوں کی تعداد 60 سے بڑھا کر 65 کر دی گئی ہے۔
اس سہولت کے تحت 55 ممالک کے شہری، مخصوص شرائط پوری کرنے پر، چین کے 24 صوبائی سطح کے علاقوں میں سے کسی بھی نامزد بندرگاہ سے داخل ہو سکتے ہیں اور بغیر ویزا کے 10 دن تک قیام کر کے کسی تیسرے ملک روانہ ہو سکتے ہیں۔
مزید پڑھیں: چین کی جانب سے ’کے ویزا’ کا اجرا، پاکستانی نوجوانوں کے لیے نئی راہیں کھل گئیں
یہ اقدام امیگریشن اتھارٹی کی جانب سے سرحدی آمد و رفت کے ضوابط میں نرمی کے لیے متعارف کرائی گئی 10 نئی پالیسیوں کا حصہ ہے، جن کا مقصد چینی اور غیر ملکی شہریوں کے لیے سفری سہولیات بڑھانا ہے۔
نئی پالیسی کے تحت 10 بین الاقوامی ہوائی اڈوں بشمول تیانجن، نانجنگ، اور چونگ چنگ کو 24 گھنٹے کے ویزا فری ٹرانزٹ کی فہرست میں شامل کیا گیا ہے، جہاں غیر ملکی مسافروں کو امیگریشن چیک سے گزرنے کی ضرورت نہیں ہوگی۔
مزید برآں، 20 نومبر سے غیر ملکی مسافر چین پہنچنے سے پہلے آن لائن داخلہ فارم پر کر سکیں گے، جبکہ سرحدی چیک پوائنٹس پر دستی یا الیکٹرونک فارم بھرنے کا آپشن بھی موجود ہوگا۔
پالیسی میں چین کے سرزمین کے باشندوں کے لیے ہانگ کانگ، مکاؤ اور تائیوان کے سفر کو آسان بنانے اور تائیوان کے باشندوں کے لیے چین آمد کے عمل کو بھی سہل کرنے کے اقدامات شامل ہیں۔
مزید پڑھیں: چین نے 6 ملکوں کے شہریوں کے لیے ویزا کی شرط ختم کردی
چینی وزارتِ خارجہ کے مطابق، چین نے فرانس، جرمنی، اٹلی، نیدرلینڈز، اسپین سمیت 40 سے زائد ممالک کے لیے ویزا فری پالیسی کی مدت 2026 کے آخر تک بڑھا دی ہے۔
اس کے ساتھ ہی سوئیڈن کو بھی 10 نومبر 2025 سے ویزا فری ممالک کی فہرست میں شامل کر لیا گیا ہے۔
وزارتِ خارجہ کی ترجمان ماؤ نِنگ کے مطابق، یہ اقدامات کمیونسٹ پارٹی کے حالیہ اجلاس میں منظور کیے گئے ترقیاتی منصوبوں کے مطابق ہیں۔
’جن کا مقصد چین کو عالمی سطح پر مزید کھولنا اور دیگر ممالک کے ساتھ افراد کی آمد و رفت کو فروغ دینا ہے۔‘
مزید پڑھیں: پاکستان کا چینی شہریوں کو 14 اگست سے مفت ویزا فراہم کرنے کا اعلان
سرکاری اعدادوشمار کے مطابق، 2025 کی تیسری سہ ماہی میں چین آنے والے غیر ملکی شہریوں کی تعداد 72 لاکھ 46 ہزار رہی۔
ان میں سے 72 فیصد نے ویزا فری پالیسی کے تحت سفر کیا، جو گزشتہ سال کے مقابلے میں 48 فیصد اضافہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرونک فارم امیگریشن اتھارٹی بندرگاہوں چیک پوائنٹس چین سرحدی آمد و رفت غیر ملکی شہریوں ہانگ کانگ وزارت خارجہ ویزا استثنیٰ ویزا فری ٹرانزٹ پروگرام ویسٹ کاؤلون اسٹیشن
کراچی، نادرن بائی پاس پر پلاسٹک کے گودام میں آگ لگ گئی