جموں و کشمیر کا ریاستی درجہ بحال کیا جائے، کانگریس
اشاعت کی تاریخ: 17th, March 2025 GMT
سریند سنگھ نے کہا کہ کانگریس بی جے پی کو انکا وعدہ یاد دلانا چاہتی ہے کہ یہاں اسمبلی انتخابات بھی منعقد ہوئے، حالات کی بہتری کا دعویٰ بھی کیا گیا تو پھر وہ اپنا وعدہ کیوں بھول رہے ہیں۔ اسلام ٹائمز۔ جموں و کشمیر کے قصبہ ترال میں ریاستی کانگریس نے بھارت کی مودی حکومت سے مطالبہ کیا کہ جموں و کشمیر کا ریاستی درجہ فوری طور بحال کی جائے کیونکہ فی الوقت یہاں معاملات صحیح نہیں چل رہے ہیں۔ ان خیالات کا اظہار کانگریس کے نائب صدر و سینئر لیڈر سریند سنگھ چنی نے جنوبی کشمیر کے ترال علاقے میں ورکرز کنونشن میں شرکت کے دوران کہی۔ انہوں نے میڈیا سے بات کرتے ہوئے کہا کہ جس طرح ملک کے وزیراعظم نریندر مودی اور داخلہ وزیر امت شاہ نے پارلیمنٹ میں یہ بیان دیا تھا کہ حالات بہتر ہوتے ہی ریاست کا درجہ بحال کیا جائے گا۔
سریند سنگھ چنی نے کہا کہ کانگریس بی جے پی کو ان کا وعدہ یاد دلانا چاہتی ہے کہ یہاں اسمبلی انتخابات بھی منعقد ہوئے، حالات کی بہتری کا دعویٰ بھی کیا گیا تو پھر وہ اپنا وعدہ کیوں بھول رہے ہیں، اس لئے جلد از جلد جموں و کشمیر کا ریاستی درجہ بحال کیا جائے۔ سریندر سنگھ چنی نے مزید کہا کہ جموں و کشمیر کے وزیراعلٰی عمر عبداللہ کی زیر قیادت حکومت کو بھی اپنے انتخابی وعدوں کو پورا کرنا چاہیئے کیونکہ ان وعدوں پر ہی عوام نے ووٹ دیا ہے۔ انہوں نے کہا کہ حکومت کے لئے ڈیلی ویجروں کی مستقلی کے ساتھ ساتھ دیگر معاملات پر توجہ دینا ضروری ہے۔
ذریعہ: Islam Times
پڑھیں:
ای سی سی: گھر تعمیر کیلئے سستے قرضوں، گرین ٹیکسو نومی کی منظوری، شپ بریکنگ کو صنعت کا درجہ دیدیا
اسلام آباد (نمائندہ خصوصی) اقتصادی رابطہ کمیٹی نے جس کا اجلاس وزیر خزانہ سینیٹر محمد اورنگزیب کی صدارت میں منعقد ہوا وزارت تجارت کی طرف سے مسابقت اور سٹیل سیکٹر میں برآمدات پر مبنی گروتھ کے حوالے سے رپورٹ پر غور کیا گیا اور اس کی توثیق کی گئی۔ اس کا مقصد پیداواری لاگت کو کم کرنا اور برآمدات کے لیے مسابقت کی قوت کو بڑھانا تھا۔ کمیٹی نے وزارت تجارت کی ایک سمری کی منظوری دی جس میں فیصلہ کیا گیا تھا کہ سپریم کورٹ آف پاکستان میں ایک اپیل دائر کی جائے گی اور لاہور ہائی کورٹ کی طرف سے میسرز غنی گلاس لمیٹڈ کو گیس اور آر ایل این جی ٹیرف کی رعایات کو چیلنج کیا جائے گا۔ ماحولیاتی پائیداری کے حوالے سے پاکستان گرین ٹیکسونومی کی منظوری دی گئی۔ اس بارے میں سمری وزارت ماحولیاتی تبدیلی کی طرف سے پیش کی گئی تھی۔ وزارت تعلیم کی ایک سمری پر پاکستان سکل امپیکٹ بورڈ کے لیے ایک ارب روپے کی گارنٹی جاری کرنے کی بھی منظوری دے دی۔ کمیٹی نے رائے دی کے وزارت بتدریج پبلک پرائیویٹ پارٹنرشپ کے ماڈل کی طرف جائے اور اسی طرح کے اقدامات اسی ماڈل کے تحت کیے جائیں۔ اجلاس میں ہاؤسنگ کے سیکٹر کے لیے رسک شیئرنگ سکیم کے تحت مارک اپ سبسڈی فراہم کرنے کی منظوری دے دی گئی۔ اس کا مقصد کم لاگت کے گھروں کی تیاری کی حوصلہ افزائی کرنا ہے۔ کمیٹی نے وزارت ہاؤسنگ کو ہدایت کی کہ ایک مربوط ڈیٹا بیس تیار کی جائے۔ اجلاس میں وزارت صنعت و پیداوار نے ملک کے اندر ویجیٹیبل گھی کی دستیابی اور اس کی قیمتوں کے بارے میں بریفنگ دی۔ ای سی سی نے وزارت صنعت و پیداوار کی طرف سے اس یقین دہانی کو نوٹ کیا کہ ملک کے اندر ویجٹیبل گھی کے مناسب سٹاک موجود ہیں۔ اس بات پر تشویش ظاہر کی کہ بین الاقوامی مارکیٹ میں کھانے کے تیل کی قیمتوں میں کمی کے ثمرات صارفین تک فراہم نہیں کیے جا رہے۔ انفارمیشن ٹیکنالوجی اور ٹیلی کمیونیکیشن کی وزارت کی سمری پر ریڈیو بیس سروسز کے چارجز پر نظر ثانی کی بھی منظوری دی گئی۔ ای سی سی نے ہدایت کی کہ ریڈیو بیس سروس چارجز پر ہر تین سے پانچ سال کے عرصے میں نظر ثانی کی جائے۔ کمیٹی نے آئی ایم ٹی سپیکٹرم کے اجرا کے لیے مشاورتی کمیٹی کی ساخت پر نظر ثانی کے بارے میں سمری کی بھی منظوری دے دی۔ اقتصادی رابطہ کمیٹی نے شپ بریکنگ اور ریسائیکلنگ کو صنعت کا درجہ دے دیا۔ اس بارے میں وزارت بحری امور نے سمری پیش کی تھی۔ کمیٹی نے وزارت کو ہدایت کی کہ وہ پاور ڈویژن کے ساتھ رابطہ رکھے اور اس کے ساتھ بجلی کے استعمال کے حوالے سے ڈیٹا کو شیئر کرے۔
محکمہ موسمیات کی کراچی میں بارش کی پیشگوئی