ثانیہ سے طلاق کی وجہ؟ شعیب کی بہنوں کے تہلکہ خیز انکشافات
اشاعت کی تاریخ: 21st, March 2025 GMT
لاہور(نیوز ڈیسک)پاکستان کرکٹ ٹیم کے سابق کپتان شعیب ملک کی بہنوں نے بھارتی ٹینس اسٹار ثانیہ مرزا سے بھائی کی طلاق کی وجہ بتا کر سب کو حیران کردیا۔
شعیب ملک اور ثانیہ مرزا کی شادی کے مسائل 2022 سے میڈیا کی توجہ کا مرکز بنے ہوئے ہیں لیکن 20 جنوری 2024 کو پاکستان اور بھارت میں ایک ساتھ طوفان برپا کرتے ہوئے شعیب ملک نے ثناء جاوید کے ساتھ شادی کی تصاویر جاری کیں جس کے بعد سوشل میڈیا پر اس شادی پر تنقید کا سلسلہ شروع ہوگیا۔
جہاں ایک طرف شعیب اور ثناء کی شادی زیرِ بحث تھی وہیں دوسری جانب ثانیہ مرزا کے والد نے بھارتی خبر رساں ادارے سے گفتگو کرتے ہوئے یہ بتایا کہ ‘ثانیہ مرزا نے شعیب ملک سے خلع لی تھی’۔
اسٹار جوڑی کے چاہنے والے اس خبر کو قبول کرنا نہیں چاہتے تھے لیکن بالآخر انہیں ایسا کرنا پڑا کیونکہ بات اب دونوں کے درمیان علیحدگی کی افواہ کی نہیں تھی بلکہ شعیب ملک کی دوسری شادی کی تصاویر بھی منظرِ عام پر آچکی تھیں۔
یاد رہے کہ ثانیہ مرزا نے سال 2010 میں پاکستانی کرکٹر شعیب ملک سے محبت کی شادی کی تھی جن سے ان کا ایک بیٹا اذہان مرزا ملک 2018 میں پیدا ہوا۔
شعیب ملک اور ثانیہ مرزا کی شادی 13 سال چلنے کے بعد 2023 میں ختم ہوگئی اور شعیب ملک نے جنوری 2024 میں اداکارہ ثناء جاوید سے اپنی شادی کی تصاویر جاری کردیں۔
دو جوڑوں کے ٹوٹنے کے نتیجے میں بننے والی اس نئی جوڑی کو شدید تنقید کا سامنا بھی رہا لیکن دونوں نے سب کچھ نظر انداز کیا اور رواں سال اپنی شادی کی پہلی سالگرہ بھی منالی۔
بھارتی میڈیا پر شعیب ملک کی بہنوں کے بیان زیرِگردش ہیں۔ انہوں نے اپنے بھائی کی شادی سے متعلق کچھ حیران کن تفصیلات شیئر کی ہیں۔
شعیب کی بہنوں نے شعیب اور ثانیہ مرزا کی طلاق کے پیچھے کی وجہ سے متعلق لب کشائی کی۔
رپورٹ کے مطابق بہنوں نے شعیب کی علیحدگی پر تشویش کا اظہار کیا اور تصدیق کی کہ شعیب کے نکاح میں خاندان نے شرکت نہیں کی۔
رپورٹ میں یہ بھی بتایا گیا کہ شعیب ملک کی بہنوں نے خلع کی اصل وجہ پر سے پردہ ہٹاتے ہوئے کہا کہ ‘ثانیہ مرزا، شعیب کے ایکسٹرا میریٹل افیئرز سے ناخوش تھیں اور انہوں نے کافی عرصہ اسے نظر انداز کرنے کے بعد علیحدگی کا فیصلہ لیا۔
مزیدپڑھیں:برطانیہ ، بجلی کا طویل بریک ڈاؤن، ہیتھرو ایئرپورٹ بند، ہزاروں پروازیں منسوخ
ذریعہ: Daily Ausaf
کلیدی لفظ: شعیب ملک کی ثانیہ مرزا کی بہنوں کی شادی شادی کی
پڑھیں:
طلاق کے بعد انجلینا جولی کی جانی ڈیپ کے ساتھ دوبارہ سے بڑھتی رومانوی قربتیں ؟
ہالی ووڈ میں انجلینا جولی اور جانی ڈیپ کے درمیان خفیہ ملاقاتوں نے مداحوں کو چونکا دیا ہے۔
عالمی خبر رساں ادارے کے مطابق ہالی ووڈ کے دو سپر اسٹارز جانی ڈیپ اور انجلینا جولی ایک بار پھر سرخیوں میں ہیں لیکن اس بار وجہ کوئی فلم نہیں بلکہ ان کی "خفیہ ملاقاتیں" ہیں جنھوں نے شوبز کے پنڈال میں ہلچل مچادی۔
فلم ’دی ٹورسٹ‘ میں ایک ساتھ کام کرنے کے بعد جنم لینے والی جوڑے کی کیمسٹری ایک بار پھر سب کی نظروں میں آگئی۔
رپورٹس کے مطابق یہ دونوں اسٹارز لندن اور لاس اینجلس کے پوش ہوٹلوں، پرائیویٹ سویٹس اور خفیہ کلبوں میں اکثر نظر آرہے ہیں۔
دلچسپ بات یہ ہے کہ جانی ڈیپ نہ صرف انجلینا سے دوبارہ قریب آ رہے ہیں بلکہ وہ اس رشتے کو ایک "سنجیدہ رومانوی تعلق" میں بدلنا چاہتے ہیں۔
قریبی ذرائع کا کہنا ہے کہ جانی اپنے قریبی دوستوں سے کھل کر کہہ چکے ہیں کہ میں برسوں سے انجلینا کے لیے دل میں ایک خاص جگہ رکھتا ہوں۔
دوسری جانب انجلینا جولی بھی جانی ڈیپ کی "پُراسرار اور باوقار شخصیت" سے بے حد متاثر ہیں۔
ذرائع کے مطابق، انجلینا سمجھتی ہیں کہ جانی ان چند لوگوں میں سے ہیں جن کے ساتھ وہ خود کو محفوظ اور مکمل محسوس کرتی ہیں۔
یہ سب ایسے وقت پر سامنے آیا ہے جب انجلینا جولی نے بریڈ پٹ سے طویل قانونی جنگ کے بعد 2024 کے آخر میں طلاق حاصل کی، جبکہ جانی ڈیپ بھی ایمبر ہیرڈ کے ساتھ قانونی تنازعے کے بعد کافی عرصے سے تنہا ہیں۔
اب دیکھنا یہ ہے کہ کیا یہ "خفیہ ملاقاتیں" صرف ملاقاتیں ہی رہیں گی یا ہالی ووڈ کو ایک نئی ہاٹ جوڑی دیکھنے کو ملے گی؟
کراچی میں شلوار قمیض پہنے شہری کو ریسٹورنٹ سے نکال دیا گیا، شہری کا عدالت سے رجوع