وزیراعظم، وزیر داخلہ اور دیگر کے خلاف مقدمہ درج کرنے کی درخواست خارج
اشاعت کی تاریخ: 22nd, March 2025 GMT
اسلام آباد ( اُردو پوائنٹ اخبارتازہ ترین۔ 22 مارچ 2025ء ) وزیراعظم شہباز شریف، وزیر داخلہ محسن نقوی اور دیگر کے خلاف اندراج مقدمہ کی درخواست خارج کردی گئی۔ تفصیلات کے مطابق اس حوالے سے وفاقی دارالحکومت اسلام آباد کی ایڈیشنل ڈسٹرکٹ اینڈ سیشن محمد افضل مجوکا نے محفوظ فیصلہ سنایا، اپنے فیصلے میں وزیراعظم شہباز شریف، وزیر داخلہ محسن نقوی اور دیگر کے خلاف اندراج مقدمہ کی درخواست خارج کردی۔
بتایا گیا ہے کہ پی ٹی آئی 26 نومبراحتجاج اورمبینہ ہلاکتوں کے معاملے میں شہری گل خان نے اپنے بیٹے اور دیگر کی مبینہ ہلاکت پر اندراج مقدمہ کی درخواست دی تھی جس پر عدالت نے درخواست خارج کی، درخواست گزار شہری گل خان کا بیٹا مبینہ طور پر 26 نومبر کو ڈی چوک میں قتل ہوا تھا، جس پر درخواست گزار نے وزیر اعظم، وزیرداخلہ اور دیگر کے خلاف مقدمہ کے اندراج کی استدعا کی تھی۔(جاری ہے)
دوسری طرف اسلام آباد کی انسداد دہشت گردی عدالت نے 26 نومبر احتجاج سے متعلق کیس میں سابق وزیراعظم عمران خان کی اہلیہ بشریٰ بی بی، پی ٹی آئی رہنماؤں سلمان اکرم راجہ، عالیہ حمزہ، شیر افضل مروت اور عمر ایوب کی عبوری ضمانتوں میں 5 مئی تک توسیع کردی، تھانہ کوہسار میں درج مقدمے میں عدالت نے پولیس کو 5 مئی تک زرتاج گل کی گرفتاری سے روک دیا۔ انسداد دہشت گری عدالت کے جج طاہر عباس سپرا نے کیس پر سماعت کی، بشریٰ بی بی کی جانب سے حاضری سے استثنیٰ اور کیس میں شامل تفیش ہونے کے لیے درخواست دائر کردی گئی، جس پرعدالت نے قرار دیا کہ ’تفتیشی افسر کو ڈائریکشن کی جائے گی کہ شامل تفتیش کریں‘ عدالت نے بشریٰ بی بی کی عبوری ضمانت میں 5 مئی تک توسیع کردی۔ اسی طرح 26 نومبر احتجاج سے متعلق کیس میں انسداد دہشت گردی عدالت نے سلمان اکرم راجہ، عالیہ حمزہ، شیر افضل مروت، عمر ایوب کی حاضری سے استثنیٰ کی درخواستیں منظور کرتے ہوئے سماعت 5 مئی تک ملتوی کردی، جج طاہر عباس سپرا نے ریمارکس دئیے کہ ’میں تمام استثنیٰ کی درخواستیں دیکھ کر فیصلہ کروں گا، اگر ملزمان کی جانب سے یہ معمول ہوا تو وہی ہوگا پھر جو سب ملزمان کے ساتھ ہوتا ہے، تمام ملزمان کا درخواست میں مؤقف الگ الگ ہے، اس وجہ سے تمام درخواستیں دیکھ کر بتاؤں گا کیا کرنا ہے‘۔ بتایا جارہا ہے کہ انسداد دہشت گردی عدالت نے زرتاج گل کی ضمانت قبل از گرفتاری میں 5 مئی تک توسیع کرتے ہوئے پولیس کو گرفتاری سے روک دیا، 26 نومبر احتجاج سے متعلق کیس میں راجہ بشارت کی عبوری ضمانت بھی منظور کرلی گئی، تھانہ کوہسار درج مقدمہ میں سابق وزیر اعظم آزاد کشمیر عبدالقیوم نیازی، شعیب شاہین، علی بخاری و دیگر کی عبوری ضمانت میں 5 مئی تک توسیع کردی گئی۔.ذریعہ: UrduPoint
کلیدی لفظ: تلاش کیجئے میں 5 مئی تک توسیع اور دیگر کے خلاف کی عبوری ضمانت درخواست خارج کی درخواست عدالت نے کیس میں
پڑھیں:
محکمہ داخلہ پنجاب نے دفعہ 144 کے نفاذ میں 7 دن کی توسیع کردی
data-id="863a0a8" data-element_type="widget" data-widget_type="theme-post-content.default">
لاہور: صوبہ پنجاب میں دفعہ 144 کے نفاذ میں 7 دن کی توسیع کردی گئی۔
ترجمان محکمہ داخلہ پنجاب کے مطابق دفعہ 144 کے دوران ہر قسم کے احتجاج، جلسے، جلوس، ریلیوں، دھرنوں، اجتماعات پر پابندی برقرار رہے گی۔جبکہ اشتعال انگیز، نفرت آمیز یا فرقہ وارانہ مواد کی اشاعت اور تقسیم پر بھی سخت پابندی ہوگی۔
ترجمان کے مطابق دفعہ 144 کے تحت 4 یا زائد افراد کے عوامی مقامات پر جمع ہونے پر مکمل پابندی عائد ہوگی، اسلحہ کی نمائش اور لاؤڈ اسپیکر کے استعمال پر بھی مکمل پابندی نافذ ہے۔
ترجمان کا کہنا ہے کہ دفعہ 144 کے نفاذ میں توسیع کا فیصلہ امن و امان کے قیام، انسانی جانوں اور املاک کے تحفظ کے پیشِ نظر کیا گیا ہے۔
ترجمان کے مطابق پابندی کا اطلاق شادی کی تقریبات، جنازوں اور تدفین پر نہیں ہوگا، سرکاری فرائض کی انجام دہی پر موجود افسران و اہلکار اور عدالتیں اس پابندی سے مستثنیٰ قرار دی گئی ہیں۔
مزید بتایا گیا ہے کہ لاؤڈ اسپیکر صرف اذان اور جمعے کے خطبے کے لیے استعمال کیے جا سکیں گے، محکمہ داخلہ پنجاب نے ہفتہ 8 نومبر تک دفعہ 144 کے نفاذ میں توسیع کا باقاعدہ نوٹی فکیشن بھی جاری کردیا ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف