وزیراعلیٰ پنجاب کا اچانک دورہ، صفائی مہم اور طبی سہولیات کا جائزہ
اشاعت کی تاریخ: 24th, March 2025 GMT
وزیراعلیٰ پنجاب مریم نواز شریف نے صبح سویرے بغیر کسی سرکاری پروٹوکول کے لاہور شہر کا غیر اعلانیہ دورہ کیا اور مختلف علاقوں میں صفائی کی صورتحال اور فیلڈ اسپتال میں دستیاب طبی سہولیات کا تفصیلی جائزہ لیا وزیراعلیٰ مریم نواز شریف نے ستھرا پنجاب مہم کے تحت صفائی کی صورتحال کو بہتر بنانے کے اقدامات کا معائنہ کیا وہ مختلف شاہراہوں اور بازاروں میں گئیں اور موقع پر موجود صفائی عملے سے بھی معلومات حاصل کیں انہوں نے سڑکوں پر صفائی کی صورتحال کا براہ راست مشاہدہ کرتے ہوئے متعلقہ حکام کو مزید بہتری کی ہدایات دیں اس اچانک دورے کے دوران وزیراعلیٰ نے ہربنس پورہ میں قائم فیلڈ اسپتال کا بھی دورہ کیا جہاں انہوں نے اسپتال میں موجود طبی سہولیات کا معائنہ کیا۔ مریم نواز شریف نے اسپتال میں دستیاب ادویات کے اسٹاک اور معیار کا بھی جائزہ لیا اور اس حوالے سے عملے سے تفصیلی بات چیت کی وزیراعلیٰ نے اسپتال میں زیر علاج مریضوں سے ملاقات کی اور ان سے طبی سہولیات کے متعلق دریافت کیا مریضوں نے اپنے مسائل سے آگاہ کیا جس پر وزیراعلیٰ نے فوری اقدامات کی یقین دہانی کروائی انہوں نے اسپتال انتظامیہ کو ہدایت کی کہ مریضوں کو معیاری سہولیات فراہم کی جائیں اور کسی بھی قسم کی کوتاہی برداشت نہیں کی جائے گی اس دورے کے دوران مریم نواز شریف نے متعلقہ اداروں کو ہدایات جاری کیں کہ لاہور سمیت پنجاب بھر میں صفائی کی صورتحال مزید بہتر بنانے کے لیے تمام وسائل بروئے کار لائے جائیں اور اسپتالوں میں مریضوں کو ہر ممکن سہولت فراہم کی جائے
.ذریعہ: Nawaiwaqt
کلیدی لفظ: مریم نواز شریف نے صفائی کی صورتحال طبی سہولیات اسپتال میں نے اسپتال
پڑھیں:
کرپشن سے پاک پاکستان ہی ملک و قوم کی تقدیر بدل سکتا ہے، کاشف شیخ
ذمہ داران کے اجلاس سے خطاب کرتے ہوئے امیر جماعت اسلامی سندھ نے کہا کہ عوام صحت، تعلیم، روزگار اور صاف پانی جیسی بنیادی سہولیات سے بھی محروم ہیں لیکن حکمرانوں کے محلات اور بینک بیلنس میں دن بدن اضافہ ہورہا ہے۔ اسلام ٹائمز۔ جماعتِ اسلامی سندھ کے امیر کاشف سعید شیخ نے کہا ہے کہ عوام کو سبزباغ اور سنہرے خواب دکھانے والے حکمرانوں نے لوگوں کو مہنگائی، بیروزگاری، دہشتگردی اور بے امنی کے تحفوں کے سوا کچھ بھی نہیں دیا ہے جوکہ حکومتی نااہلی اورحکمرانوں کے دعوؤں کی سراسر نفی ہے، فارم 47 کی پیداوار حکمران عوام سے کیا گیا ایک وعدہ بھی پورا نہ کرسکے، کراچی سے کشمور پورا صوبہ لاوارثی اور محرومیوں کی عملی تصویر بنا ہوا ہے، عوام کا کوئی پرسان حال نہیں ہے، غریب اور امیر کے لئے الگ الگ قانون ہونے کی وجہ سے ان محرمیوں میں مزید اضافہ کیا ہے، تمام مسائل کی جڑ کرپشن کمیشن کا گٹھ جوڑ ہے، کرپشن سے پاک پاکستان ہی ملک و قوم کی تقدیر بدل سکتا ہے، جماعت اسلامی پاکستان کا ”بدلو نظام اجتماع عام“ موجودھ گھٹن اور سیاسی و معاشی بے یقینی کی صورتحال میں تبدیلی کی نوید ثابت ہوگا۔ ان خیالات کا اظہار انہوں نے ضلع دادو اور قنبر شہداد کوٹ کے ہر سطح کے ذمہ داران کے اجلاس سے خطاب کرتے ہوئے کیا۔
کاشف سعید شیخ نے مزید کہا کہ عوام صحت، تعلیم، روزگار اور صاف پانی جیسی بنیادی سہولیات سے بھی محروم ہیں لیکن حکمرانوں کے محلات اور بینک بیلنس میں دن بدن اضافہ ہورہا ہے، کراچی تا کشمور وکلاء کے حالیہ انتخابات میں پیپلز پارٹی کے گروپ کی سندھ پر سترہ سالوں سے قابض ٹولے کیلئے نوشہ دیوار ہے، وکلاء مبارکباد کے مستحق ہیں جنہوں نے صوبائی وزیر داخلہ کی دھونس، دھاندلی اور ہر قسم کی لالچ کو ٹھکرا کر سندھ دھرتی سے وفادار وکلاء کی جیت میں کردار ادا کیا ہے، عوام کو بنیادی سہولیات کی فراہمی، پرامن، مستحکم اور خوشحال پاکستان کیلئے کرپشن و دہشتگردی کے شیطانی کٹھ جوڑ کا خاتمہ انتہائی ضروری ہے۔ صوبائی امیر نے ضلعی رہنماؤں پر زور دیا کہ وہ مینار پاکستان اجتماع عام میں زیادہ سے زیادہ نوجوانوں کی شرکت کو یقینی بنائیں کیونکہ یوتھ امید پاکستان ہیں۔
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف