صائم ایوب علاج مکمل ہونے کے بعد لندن سے پاکستان پہنچ گئے
اشاعت کی تاریخ: 26th, March 2025 GMT
قومی کرکٹ ٹیم کے جارح مزاج بیٹر صائم ایوب کا انگلینڈ میں علاج مکمل ہوگیا، جس کے بعد وہ پاکستان پہنچ گئے ہیں۔
یہ بھی پڑھیں صائم ایوب نے ٹخنے کی چوٹ سے بحالی کے بعد جِم کرنا شروع کردیا، ویڈیو وائرل ہوگئی
میڈیا رپورٹس کے مطابق صائم ایوب کا اب پی سی بی اکیڈمی میں فٹنس ٹیسٹ لیا جائےگا، جس کے بعد یہ فیصلہ ہوگا کہ وہ پی ایس ایل میں شرکت کر سکیں گے یا نہیں۔
فٹنس ٹیسٹ پاس کرنے کی صورت میں صائم ایوب پشاور زلمی کی نمائندگی کریں گے، اور بنگلہ دیش کے خلاف سیریز میں بھی شریک ہوں گے۔
میڈیا رپورٹس کے مطابق قومی کرکٹر صائم ایوب کی میڈیکل رپورٹ کو حوصلہ افزا قرار دیا گیا ہے۔
یہ بھی پڑھیں کرکٹر صائم ایوب سے تعلقات کی خبروں پر ٹک ٹاکر کشف علی نے خاموشی توڑ دی
واضح رہے کہ صائم ایوب جنوبی افریقہ کے خلاف ٹیسٹ میچ کے دوران ٹخنے کی انجری کا شکار ہوگئے تھے، جس کے بعد ان کا لندن میں علاج کرایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان پہنچ گئے پاکستان سپر لیگ پاکستان کرکٹ بورڈ پشاور زلمی پی ایس ایل پی سی بی صائم ایوب علاج مکمل فٹنس ٹیسٹ قومی کرکٹر وی نیوز.ذریعہ: WE News
کلیدی لفظ: پاکستان پہنچ گئے پاکستان سپر لیگ پاکستان کرکٹ بورڈ پشاور زلمی پی ایس ایل پی سی بی صائم ایوب علاج مکمل فٹنس ٹیسٹ قومی کرکٹر وی نیوز صائم ایوب کے بعد
پڑھیں:
ایشیا کپ، پاک-بھارت میچ میں تنازعہ کا شکار ہونے والے میچ ریفری اینڈی پائی کرافٹ کون ہیں؟
زمبابوے کے سابق کرکٹر اور موجودہ آئی سی سی ایلیٹ پینل آف میچ ریفریز کے رکن اینڈی پائیکرافٹ ایک تنازعے کی زد میں آگئے ہیں۔
پاکستان کرکٹ بورڈ (پی سی بی) کے مطابق پائیکرافٹ نے گزشتہ روز ایشیا کپ کے دوران پاکستان کے کپتان سلمان علی آغا کو بھارتی ٹیم کے ساتھ روایتی ہینڈ شیک سے روک دیا جسے پی سی بی نے کھیل کی روح کے منافی اور غیر جانبداری کے تقاضوں کے خلاف قرار دیا۔
یہ بھی پڑھیے: اسپورٹس مین شپ نظر انداز: بھارتی کھلاڑیوں کا پاکستانی کھلاڑیوں سے ہاتھ ملانے سے گریز
پی سی بی نے ان کے خلاف باضابطہ شکایت درج کرائی ہے اور آئی سی سی سے مطالبہ کیا ہے کہ پائیکرافٹ کو فوری طور پر ہٹایا جائے۔
اینڈی پائیکرافٹ، جو 2009 سے آئی سی سی ایلیٹ پینل آف میچ ریفریز کا حصہ ہیں، دسمبر 2024 میں 100 مردوں کے ٹیسٹ میچز میں میچ ریفری کے فرائض انجام دینے والے چوتھے ریفری بنے تھے۔ اس کے علاوہ وہ 238 ون ڈے انٹرنیشنل، 174 ٹی ٹوئنٹی انٹرنیشنل اور 21 خواتین کے ٹی ٹوئنٹی میچز میں بھی خدمات انجام دے چکے ہیں۔
پائیکرافٹ نے بطور کھلاڑی 1983 سے 1992 کے درمیان زمبابوے کی نمائندگی کرتے ہوئے 3 ٹیسٹ اور 20 ون ڈے میچز کھیلے۔ وہ زمبابوے کے سب سے کم عمر ٹیسٹ کپتان اور ملک کے پہلے سیاہ فام کپتان بھی رہے۔
پی سی بی کی شکایت کے بعد کرکٹ حلقوں میں بحث چھڑ گئی ہے اور شائقین اس معاملے پر آئی سی سی کے فیصلے کے منتظر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
andy pycroft ایشیا کپ پاک انڈیا میچ
کرینہ کپور کے دلچسپ جواب پر مداحوں میں چہ میگوئیاں