ہواوے کمپنی 3 لاکھ پاکستانیوں کو آئی ٹی کی تربیت فراہم کرے گی
اشاعت کی تاریخ: 27th, March 2025 GMT
ویب ڈیسک : وزیراعظم شہباز شریف سے ہواوے کے 5 رکنی وفد نے ملاقات کی۔
ملاقات میں ہواوے کے زیر اہتمام 3 لاکھ پاکستانی نوجوانوں کو آئی ٹی کے شعبے میں تربیت کی فراہمی کے حوالے سے پیشرفت پر بریفنگ دی گئی، بتایا گیا کہ تین لاکھ نوجوانوں میں سے دو لاکھ چالیس ہزار کو بنیادی نوعیت جبکہ ساٹھ ہزار نوجوانوں کو ہائی ٹیک تربیت فراہم کی جائے گی۔
وزیراعظم کو بتایا گیا کہ اس سال کے اختتام تک تمام 3 لاکھ نوجوانوں کی تربیت مکمل ہو جائے گی، تربیتی پروگرامزکی تھرڈ پارٹی ویلیڈیشن کروائی جائے گی۔
سونے اور چاندی کے آج کے ریٹس ۔جمعرات 27 مارچ, 2025
وزیراعظم نے کہا کہ پاکستانی نوجوانوں کو آئی ٹی کی فنی تربیت کی فراہمی اولین ترجیح ہے، ہواوے کے ساتھ ٹھوس اور طویل مدتی شراکت چاہتے ہیں۔ انہوں نے کہا کہ ہواوے کے تربیتی پروگرام سے آئی ٹی برآمدات میں اضافہ ہوگا، نوجوانوں کو روزگار کے مواقع حاصل کرنے میں بھی مدد ملے گی۔
.ذریعہ: City 42
کلیدی لفظ: نوجوانوں کو ہواوے کے
پڑھیں:
حج آپریشن کی تیاری ابھی سے شروع کی جائے، غفلت برداشت نہیں ہوگی، وزیراعظم کی ہدایت
اسلام آباد: وزیراعظم محمد شہباز شریف کی زیر صدارت آئندہ برس کے حج انتظامات سے متعلق اہم جائزہ اجلاس منعقد ہوا جس میں وزارت مذہبی امور کو ابھی سے حج آپریشن کی تیاری شروع کرنے کی ہدایت کی گئی۔
وزیراعظم نے کہا کہ سعودی عرب کی جانب سے جاری کردہ حج پالیسی کی روشنی میں جامع لائحہ عمل فوری طور پر مرتب کیا جائے تاکہ پاکستانی حجاج کرام کو بہتر سے بہتر سہولیات فراہم کی جا سکیں۔
انہوں نے واضح کیا کہ آئندہ برس حاجیوں کی خدمت میں کسی قسم کی لاپرواہی یا کوتاہی ہرگز برداشت نہیں کی جائے گی۔
وزیراعظم نے ہدایت دی کہ نجی حج اسکیم کو باقاعدہ ریگولیٹ کیا جائے تاکہ نجی سطح پر جانے والے حجاج کرام کو بھی حکومتی معیار کے مطابق خدمات میسر ہوں۔
انہوں نے وزارت مذہبی امور کو یہ بھی کہا کہ آئندہ حج کے شیڈول کا جلد تعین کر کے مکمل منصوبہ بندی پیش کی جائے۔اجلاس میں وفاقی وزراء ڈاکٹر مصدق ملک، سردار محمد یوسف اور متعلقہ اعلیٰ حکام نے شرکت کی اور حج امور پر تفصیلی بریفنگ دی۔ وزیراعظم نے تمام متعلقہ اداروں کو آپس میں مربوط رابطہ رکھنے اور حاجیوں کی سہولت کے لیے بھرپور اقدامات کی ہدایت کی۔
ٹرمپ اور اردوان کا رابطہ، ایران اسرائیل کشیدگی پر تشویش کا اظہار