مہلت آج ختم، افغان مہاجرین کی واپسی مرحلہ وار کرنے کی اپیل
اشاعت کی تاریخ: 31st, March 2025 GMT
لاہور:
پاکستان میں مقیم افغان مہاجرین کو دی گئی ڈیڈ لائن آج 31 مارچ کو ختم ہوجائیگی جس کے بعد ان کو افغانستان بھیجے جانے کاسلسلہ شروع ہوجائیگا۔
دوسری طرف لاہور کے علاقہ ٹھوکر نیاز بیگ کے قریب ہونیوالے افغان مہاجرین امن کمیٹی کے جرگے میں لاہور میں مقیم افغان خاندانوں کے سربراہان اور بزرگ شریک ہوئے۔
جرگہ کے بعد ایکسپریس نیوز سے بات کرتے ہوئے افغان مہاجرین امن کمیٹی کے نائب صدر حاجی محمد نے کہا انہوں نے زندگی کے 45 سال پاکستان میں گزارے ہیں۔ پاکستان میں جو پیار،عزت ،احترام ملا وہ ہمیشہ یاد رہے گا۔
مزید پڑھیں: اسلام آباد ہائیکورٹ کا رجسٹرڈ افغان مہاجرین کو ہراساں نہ کرنے کا حکم
حکومت پاکستان سے اپیل کرتے ہیں کہ افغان مہاجرین کی واپسی مرحلہ وار کی جائے۔جن لوگوں کے پاس پروف آف رجسٹریشن کارڈ ہیں انہیں اپنا کاروبار سمیٹنے کے لئے وقت دیاجائے۔ ہمارے ساتھ خواتین ،بچے ،بیمار اور بزرگ ہیں۔ حکومت مختلف تحصیلوں اور اضلاع کے لئے ان کی واپسی کے دن مقرر کرے۔
افغان مہاجرین امن کمیٹی کے فوکل پرسن محمد خان نے کہا ہماری خواہش ہے کہ جس طرح پاکستان نے 45 سال تک ہماری مہمان نوازی کی ہے۔ اب واپسی کا عمل بھی باعزت ہونا چاہیے۔
ایکسپریس نیوز سے بات کرتے ہوئے نوجوان افغان مہاجرین محمدحسین خان، حافظ لاجور خان اور میڈیکل کے طالب علم نورمحمد خان نے بتایا ان لوگوں کی تو پیدائش ہی پاکستان میں ہوئی اور وہ پاکستان کو ہی اپنا گھر سمجھتے ہیں۔
مزید پڑھیں: پاکستان نے افغان مہاجرین کو ملک بدری مؤخر کرنیکی طالبان کی درخواست مسترد کر دی
یہاں ہمارے دوست ہیں، شادیاں ہوئی ہیں، بچوں کی رجسٹریشن پاکستان میں ہوئی ہے۔ یہ سب کچھ اچانک چھوڑ کرجانا مشکل اور تکلیف دہ ہے لیکن ہم حکومت پاکستان کے فیصلے کا احترام کریں گے۔
افغان امن کمیٹی جرگے نے واضع کیا کہ جو پاکستان کے امن اورسلامتی کے دشمن ہیں وہ ہمارے بھی دشمن ہیں۔ سرکاری ریڈیو کے مطابق حکومت نے یقین دلایا ہے کہ واپسی کے عمل میں کسی سے ناروا سلوک نہیں کیا جائے گا اور واپس جانے والوں کیلئے خوراک اور صحت کی سہولیات کی فراہمی کیلئے انتظامات کئے گئے ہیں۔
.ذریعہ: Express News
کلیدی لفظ: افغان مہاجرین پاکستان میں امن کمیٹی
پڑھیں:
شاداب خان کے کندھے کی کامیاب سرجری، مداحوں سے دعاؤں کی اپیل
پاکستان کرکٹ ٹیم کے نائب کپتان اور آل راؤنڈر شاداب خان کے دائیں کندھے کی کامیاب سرجری ہو گئی ۔
اپنے سوشل میڈیا پیغام میں شاداب خان نے مداحوں کو اطلاع دی کہ ان کی سرجری کامیابی سے مکمل ہو گئی ہے۔
شاداب خان نے اپنے پیغام میں لکھا کہ “الحمداللہ، میری سرجری کامیاب رہی ہے، اب میرا اگلا مرحلہ ریکوری اور ری ہیب کا ہے۔
شاداب خان نے مداحوں سے دعاؤں کی اپیل کرتے ہوئے لکھا کہ آپ سب کی دعاؤں اور حمایت کا شکریہ، براہ کرم جلد صحت یابی کے لیے دعا کریں۔
سرجری کے بعد یہ امکان ظاہر کیا جارہا ہے کہ شاداب خان کم از کم 3 ماہ تک کرکٹ میدانوں سے دور رہیں گے، ان کی عدم دستیابی کے باعث وہ پاکستان کی آئندہ سیریز جو بنگلہ دیش اور ویسٹ انڈیز کے خلاف شیڈول ہے کا حصہ نہیں ہوں گے۔
یہ پیش رفت ایسے وقت میں سامنے آئی ہے جب پاکستانی ٹیم اگلے ماہ بنگلہ دیش کے خلاف 3 میچوں پر مشتمل ٹی ٹوئنٹی سیریز کی تیاریوں میں مصروف ہے، ذرائع کا کہنا ہے کہ اس دورے کے لیے قومی اسکواڈ کا اعلان آئندہ ہفتے متوقع ہے۔
شاداب خان کی ستمبر میں ہونے والے ایشیا کپ میں شرکت بھی غیر یقینی ہوگئی ہے۔
دوسری جانب پاکستان کرکٹ بورڈ (پی سی بی) کی جانب سے تاحال شاداب خان کی مکمل ریکوری کا باضابطہ ٹائم لائن یا ممکنہ واپسی کی تاریخ جاری نہیں کی گئی ہے۔
یاد رہے کہ شاداب خان حالیہ مہینوں میں انجری مسائل کے باعث کئی اہم میچز سے محروم رہے۔ میڈیکل ٹیم کی تجویز پر انہیں کندھے کے علاج کے لیے آپریشن کرانا پڑا۔
ویتنام پاکستان سے تجارتی تعلقات کو مزید مستحکم کرنے کاخواہشمند ہے