صدر اور وزیراعظم سمیت اہم شخصیات نے عید کی نماز کہاں ادا کی؟
اشاعت کی تاریخ: 31st, March 2025 GMT
ملک بھر میں عیدالفطر مذہبی عقیدت و احترام کے ساتھ منائی جا رہی ہے، صدر مملکت آصف زرداری اور وزیراعظم شہباز شریف سمیت اہم سیاسی شخصیات نے اپنے اپنے آبائی علاقوں میں نماز عید ادا کی۔
صدر مملکت آصف علی زرداری نے زرداری ہاؤس نواب شاہ میں عید کی نماز ادا کی اور سب سے گلے مل کر عید کی مبارکباد دی۔
وزیراعظم شہباز شریف نے ماڈل ٹاؤن لاہور میں نماز عید ادا کی، حمزہ شہباز اور دیگر پارٹی رہنما بھی شریک ہوئے جبکہ نواز شریف نے جاتی امراء میں نماز عید پڑھی۔
صوبائی وزیر صحت ڈاکٹر عذرا فضل پیچوہو اور ایم پی اے فریال تالپور بھی نواب شاہ میں عید منا رہی ہیں۔
چیئرمین سینیٹ یوسف رضا گیلانی نے ملتان اور سابق چیئرمین سینیٹ صادق سنجرانی نے عید الفطر کی نماز اپنے آبائی علاقے نوکنڈی میں ادا کی۔
ملک بھر میں عید الفطر مذہبی جوش و جذبے سے منائی جا رہی ہے۔
چیئرمین پاکستان پیپلز پارٹی بلاول بھٹو زرداری اور وزیراعلیٰ سندھ مراد علی شاہ نے گڑھی خدا بخش لاڑکانہ میں نماز عید ادا کی، بلاول بھٹو نماز عید کے بعد شہریوں سے عید ملے اور مبارک باد دی، ان کے ہمراہ قائم علی شاہ، آغا سراج درانی، سہیل انور سیال و دیگر بھی موجود تھے۔
چیئرمین پیپلز پارٹی نے نماز عید کے بعد شہید ذوالفقار علی بھٹو اور شہید محترمہ بینظیر بھٹو کے مزارات پر حاضری دی اور فاتحہ خوانی کی، انہوں نے بیگم نصرت بھٹو، شہید میر مرتضیٰ بھٹو اور شہید میر شاہنواز بھٹو کے مزارات پر بھی فاتحہ خوانی کی۔
امیر جماعت اسلامی حافظ نعیم الرحمان نے عیدگاہ گراؤنڈ کراچی میں نماز عید ادا کی جبکہ گورنر پنجاب سردار سلیم حیدر نے اٹک اور سندھ کے سینئر وزیر شرجیل میمن نے حیدرآباد میں نماز عید ادا کی۔
اپوزیشن لیڈر عمر ایوب خان نے نماز عید ہری پور میں اپنے آبائی گاؤں ریحانہ میں ادا کی۔ گورنر سندھ کامران ٹیسوری، خالد مقبول صدیقی، فاروق ستار اور دیگر رہنماؤں نے گورنر ہاؤس کراچی میں نماز عید ادا کی جبکہ میئر کراچی مرتضیٰ وہاب، ڈپٹی میئر سلمان مراد، سابق میئر کراچی وسیم اختر، رکن قومی اسمبلی مرزا اختیار بیگ اور ارشد وہرا نے پولو گراؤنڈ کراچی میں نماز عید پڑھی۔
وزیراعلیٰ خیبرپختونخوا علی امین گنڈاپور نے ڈی آئی خان اور وزیراعلیٰ بلوچستان میر سرفراز احمد بگٹی نے وزیراعلیٰ ہاؤس کوئٹہ میں نماز عید ادا کی۔
چوہدری برادران نے نماز عید الفطر گجرات میں ادا کی، وفاقی وزیر چوہدری سالک حسین نے نماز عید جامع مسجد عیدگاہ میں کارکنوں کے ہمراہ ادا کی جبکہ صوبائی وزیر صنعت و تجارت چوہدری شافع حسین نے جامع مسجد شاہ ولایت میں نماز ادا پڑھی۔
سابق چیف جسٹس پاکستان افتخار چوہدری، سپریم کورٹ کے آئینی بینچ کے سربراہ جسٹس امین الدین خان، سپریم کورٹ کے جسٹس شاہد بلال حسن، لاہور ہائیکورٹ کے جسٹس عابد عزیز شیخ، جسٹس ساجد محمود سیٹھی نے نماز عید جی او آر ون کی مسجد میں ادا کی۔
.ذریعہ: Jang News
کلیدی لفظ: میں نماز عید ادا کی میں ادا کی عید الفطر
پڑھیں:
ڈیگاری واقعہ — شوبز شخصیات کا غیرت کے نام پر قتل پر شدید ردعمل
بلوچستان کے علاقے ڈیگاری میں غیرت کے نام پر ایک مرد و خاتون کے لرزہ خیز قتل نے ہر طرف غم و غصہ پھیلا دیا ہے ویڈیو وائرل ہونے پر حکام نے ایکشن لیا ہے جس میں دیکھا جا سکتا ہے کہ مسلح افراد دونوں کو گولیاں مار کر قتل کر دیتے ہیں اس واقعے پر شوبز انڈسٹری بھی خاموش نہ رہ سکی اداکارہ ہانیہ عامر نے انسٹاگرام پر ایک جملہ شیئر کیا کہ اگر عورتیں غیرت کے نام پر قتل شروع کر دیں تو ایک بھی مرد زندہ نہ بچے ان کا یہ پیغام سادہ مگر بہت پُرتاثیر تھا اداکارہ نعیمہ بٹ نے تصویر کے ساتھ لکھا ڈرپوک دیکھنا ہے؟ وہ دیکھو ہاتھ میں بندوق ہے بہادر دیکھنا ہے؟ وہ دیکھو ہاتھ میں قرآن ہے دونوں اداکاراؤں کی پوسٹس کو سوشل میڈیا صارفین کی جانب سے سراہا گیا اور قانون کی بالا دستی کا مطالبہ زور پکڑ گیا
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست