اسلام میں جتنی بھی عبادات ہیں ان کے پیچھے ایک پیغام ہے
اشاعت کی تاریخ: 3rd, April 2025 GMT
لاہور:
گروپ ایڈیٹر ایکسپریس ایاز خان کا کہنا ہے کہ مجھے لگتا ہے کہ ہم نے جو ہمارا دین ہے تھیوری کے لیے رکھ دیا ہے بس پریکٹیکل ہم نہیں کرتے، سب سے بڑا ہمارا المیہ یہ ہے کہ اچھی اچھی باتیں ہم لوگوں کو بتا بھی رہے ہوتے ہیں لوگ ہمیں بھی بتا رہے ہوتے ہیں۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہا کہ اب دیکھیں نہ کہ سوشل میڈیا پہ جمعہ مبارک، عید مبارک، اور اچھے اچھے میسیجز لوگ بھیج رہے ہوتے ہیں، بندہ ان سے یہ پوچھے کہ تمہارے اندر یہ کوالیٹیز موجود ہیں جس کا آپ لوگوں کو درس دے رہے ہیں۔
تجزیہ کار فیصل حسین نے کہا کہ اصل میں اللہ پاک نے پاکستان کی شکل میں ہمیں جنت عطا فرمائی ہے اور ہم نے بڑی محنت سے اس کو دوزخ بنا دیا، پاکستان کو اللہ کا ایک انعام سمجھا جاتا ہے، کون سا ایسا اچھا عمل ہے جس سے دنیا یا زندگی حسین ہوتی ہو وہ اس پاکستان میں موجود نہ ہو۔
تجزیہ کار نوید حسین نے کہاکہ اسلام میں جتنی بھی عبادات ہیں ان عبادات کے پیچھے ایک میسج ہے، ایک اسپرٹ ہے جس کو شاید ہم سمجھ نہیں پائے اور نہ ہی سمجھنا چاہتے ہیں، تجزیہ کار عامر الیاس رانا نے کہا کہ چونکہ من حیث القوم بات ہو رہی ہے کہ ہم سارے رئیس المنافقین ہیں، ہمارے اندر اتنی ریاکاری ہے کہ جس کا نتیجہ پوری قوم بھگتی بھی ہے کہ ہم سب لوگ چاہے وہ میڈیا سے ہو، سیاستدان ہو، بیوروکریٹ ہو سب ہمیں نظر آتا ہے کہ بھاشن دیتے ہوئے نظر آتے ہیں لیکن اپنی ذاتی زندگی پہ بھی اتنا اسلام عمل میں نہیں لاتے جتنا ہم لوگوں کو تلقین کر رہے ہوتے ہیں۔
تجزیہ کار محمد الیاس نے کہا کہ ہم مسلمان ہیں، بالکل عید کے موقع پر جو، اس میں یہ ہے کہ تقویٰ کی بنیاد اور آپس میں بھائی چارے کی اور اس طرح کی فضا پیدا کرنے، رمضان میں دیکھیں آپ لوگ جو بھی نہیں ہے ایک دوسرے کو بانٹ کہ، ایک دوسر ے سے ملتے ہیں، جلتے ہیں، زیادہ سے زیادہ کوشش کرتے ہیں کہ جن لوگوں کے پاس نہیں ہے ان لوگوں تک پہنچایا جائے۔
.ذریعہ: Express News
کلیدی لفظ: رہے ہوتے ہیں تجزیہ کار نے کہا کہ
پڑھیں:
امارات،سنگاپوراور ناروے اے آئی کے استعمال میں نمایاں، پاکستان بہت پیچھے
data-id="863a0a8" data-element_type="widget" data-widget_type="theme-post-content.default">
کراچی: سنگاپور،ناروے، متحدہ عرب امارات، نے آرٹیفیشل انٹیلیجنس (AI) کے عالمی استعمال میں نمایاں برتری حاصل کر لی ہے۔ جبکہ پاکستان اس دوڑ میں کافی پیچھے ہے جہاں آبادی کا صرف ایک محدود حصہ روزمرہ زندگی میں اے آئی ٹولز استعمال کر رہا ہے۔
رپورٹ میں 170 ممالک میں آرٹیفیشل انٹیلیجنس کے فروغ، اس کے استعمال اور سرکاری و نجی شعبوں میں اس کے انضمام کا تفصیلی جائزہ پیش کیا گیا ہے۔ جس کے مطابقمتحدہ عرب امارات اور سنگاپور میں کام کرنے والے 50 فیصد سے زائد افراد باقاعدگی سے آرٹیفیشل انٹیلیجنس استعمال کر رہے ہیں، جس سے یہ دونوں ممالک عالمی درجہ بندی میں سرِفہرست قرار پائے ہیں۔جبکہ پاکستان میں اے آئی کا استعمال 15 فیصد سے بھی کم ہے، جہاں بیشتر افراد اب تک آرٹیفیشل انٹیلیجنس کام یا تعلیم کے لیے استعمال نہیں کر رہے۔یہ انکشاف مائیکروسافٹ کے اے آئی اکنامی انسٹیٹیوٹ کی نئی رپورٹ ’اے آئی ڈیفیوشن رپورٹ 2025ء‘ میں کیا گیا ہے۔
ماہرین کے مطابق پاکستان میں آرٹیفیشل انٹیلیجنس کے فروغ میں سست رفتاری کی بنیادی وجوہات انٹرنیٹ کی محدود رسائی، ڈیجیٹل مہارتوں کی کمی اور پاکستان کی علاقائی زبانوں میں اے آئی ٹولز کی عدم دستیابی ہیں۔ جن ممالک میں لوگ اپنی زبان، جیسے انگریزی یا عربی میں اے آئی استعمال کر سکتے ہیں، وہاں اس کا استعمال تیزی سے بڑھ رہا ہے۔
مسلم ممالک میں متحدہ عرب امارات سب سے آگے ہے، اس کے بعد سعودی عرب، ملائشیا، قطر اور انڈونیشیا نمایاں ہیں، جو آرٹیفیشل انٹیلجنس کی تعلیم، ڈیٹا سینٹرز اور حکومتی پروگرامز میں بھاری سرمایہ کاری کر رہے ہیں۔
رپورٹ کے مطابق اسرائیل بھی اُن 7 ممالک میں شامل ہے جو جدید آرٹیفیشل انٹیلجنس ماڈلز تیار کر رہے ہیں، اسرائیل ساتویں نمبر پر ہے جبکہ امریکا، چین، جنوبی کوریا، فرانس، برطانیہ اور کینیڈا اس فہرست میں اس سے آگے ہیں۔
رپورٹ میں کہا گیا ہے کہ اگرچہ پاکستان ابھی آرٹیفیشل انٹیلجنس تیار کرنے والے ممالک میں شامل نہیں، تاہم بہتر ڈیجیٹل تعلیم، انٹرنیٹ سہولتوں اور مہارتوں کے فروغ کے ذریعے وہ اس میدان میں اپنی پوزیشن بہتر بنا سکتا ہے۔ تجویز کیاگیاہے کہ امیر اور غریب ممالک کے درمیان بڑھتے ہوئے اے آئی کے فرق کو کم کیا جائے تاکہ تمام اقوام اس جدید ٹیکنالوجی کے فوائد سے یکساں طور پر مستفید ہو سکیں۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق