ڈرامہ سیریل ’یقین کا سفر‘ نے میری زندگی بدل دی: احد رضا میر
اشاعت کی تاریخ: 5th, April 2025 GMT
شوبز انڈسٹری کے معروف اداکار احد رضا میر نے انکشاف کیا ہے کہ سابقہ اہلیہ، اداکارہ سجل علی کے ساتھ کیے گئے ڈرامہ سیریل ’یقین کا سفر‘ نے میری زندگی بدل دی تھی۔
اداکار احد رضا میر نے حال ہی میں ڈیجیٹل پلیٹ فارم پر آن لائن انٹرویو دیا ہے۔
احد رضا میر نے آن لائن انٹرویو کے دوران اپنی نجی و پیشہ ورانہ زندگی سے متعلق متعدد سوالات کے جواب دیے۔
اس موقع پر انہوں نے ایک سوال کے جواب میں بتایا کہ ڈرامہ سریل ’یقین کا سفر‘ میں کام کرنا میرے لیے بہترین تجربہ تھا۔
اداکار نے کہا کہ اس ڈرامے نے میری زندگی بدل دی تھی، یہ میرا پہلا شو تھا، اس ڈرامے کے بعد جو مجھے پیار ملا میں اس کے لیے تیار نہیں تھا، میں اپنی جانب سے جتنا بہتر کر سکتا تھا میں نے کیا۔
انہوں نے کہا کہ اس ڈرامے میں میرے کردار ڈاکٹر اسفندیار کو ابھی بھی یاد کیا جاتا ہے اور میں اس کے لیے بہت خوش ہوں۔
یاد رہے کہ اداکار احد رضا میر سینئر اداکار آصف رضا میر کے بیٹے ہیں، ان کے دادا احمد رضا میر بھی پاکستانی فلم انڈسٹری کا حصہ تھے۔
احد رضا میر نے 2010ء میں ٹی وی کی دنیا میں قدم رکھتے ہوئے ڈرامہ سیریل ’سمی‘ سے اپنے کیریئر کا آغاز کیا تھا۔
پھر وہ اپنی تعلیم مکمل کرنے کی غرض سے کینیڈا شفٹ ہو گئے تھے اور 2017ء میں انہوں نے اداکارہ سجل علی کے ساتھ ڈرامہ سیریل’یقین کا سفر‘ میں کام کیا۔
اس ڈرامے میں وہ بہترین پرفارمنس کا مظاہرہ کر کے راتوں رات شہرت کی بلندی پر پہنچ گئے تھے۔
’یقین کا سفر‘ میں سجل اور احد کی جوڑی کو مداحوں کی جانب سے خوب پزیرائی ملی تھی۔
خیال رہے کہ ڈراموں کی دنیا کے بعد اس جوڑی نے حقیقی زندگی میں بھی ایک دوسرے کو ہم سفر چنا مگر ان کی شادی زیادہ دیر نہ چل سکی۔
احد رضا میر اور اداکارہ سجل علی کی 2020ء میں دبئی میں شادی ہوئی تھی جو کہ بعد ازاں 2022ء میں پہلے علیحدگی اور بعد ازاں طلاق پر ختم ہو گئی تھی۔
Post Views: 1.ذریعہ: Daily Mumtaz
کلیدی لفظ: ڈرامہ سیریل یقین کا سفر اداکار ا
پڑھیں:
اداکار فیصل رحمان کا حیران کن انکشاف
پاکستان کے سینئر اداکار فیصل رحمان نے حالیہ انٹرویو میں اپنی زندگی کے کئی اہم پہلوؤں پر روشنی ڈالتے ہوئے انکشاف کیا ہے کہ وہ بچپن میں بانی پاکستان قائداعظم محمد علی جناح سے ملاقات کر چکے ہیں ان کا کہنا تھا کہ وہ اس یاد کو آج تک بھلا نہیں سکے اور یہ لمحہ ان کے ذہن میں خواب کی طرح محفوظ ہے فیصل نے بتایا کہ وہ اس وقت دو برس سے کچھ بڑے تھے اور ملاقات کی مکمل تفصیل تو یاد نہیں مگر یہ منظر ذہن میں آج بھی تازہ ہے اداکار فیصل رحمان نے نجی ٹی وی چینل کے پروگرام میں اپنی عمر پر براہ راست بات کرنے سے گریز کیا تاہم قائداعظم سے ملاقات کے تذکرے نے سامعین کو حیران کر دیا میزبان کے اندازے پر کہ وہ اسی سال کے ہیں فیصل نے کہا کہ وہ اس سے کچھ کم عمر ہیں انٹرویو میں فیصل رحمان نے اپنے شوبز کیریئر کے آغاز کے بارے میں بات کرتے ہوئے بتایا کہ انہوں نے بہت کم عمری میں اداکاری شروع کی اور جوانی میں ہی اسٹار بن گئے ان کا کہنا تھا کہ انہوں نے کئی عمر رسیدہ اداکاراؤں کے ساتھ بطور ہیرو کام کیا اور آج جب ان سے ملاقات ہوتی ہے تو وہ خود کو ان سے کم عمر محسوس کرتے ہیں لیکن آج تک کسی نے بھی انہیں بیٹا کہہ کر مخاطب نہیں کیا اداکارہ شبنم سے متعلق فیصل نے بتایا کہ ان کے ساتھ کام کرنا سب سے مشکل تجربہ تھا کیونکہ وہ عمر میں بڑی تھیں اور ان کے ساتھ فلم میں رومانس کرنے میں دشواری محسوس ہوئی فیصل کا کہنا تھا کہ شبنم کے ساتھ کام کرتے وقت اکثر ایسا لگتا تھا جیسے وہ ان کی والدہ ہوں شادی سے متعلق سوال پر فیصل رحمان نے کھل کر اظہار خیال کیا ان کا کہنا تھا کہ انہوں نے اپنی زندگی میں کبھی کسی سہارے کی ضرورت محسوس نہیں کی اور یہی وجہ ہے کہ شادی کا فیصلہ نہیں کیا وہ خود کو ایک آزاد پسند انسان سمجھتے ہیں اور شادی نہ کرنے پر انہیں کوئی پچھتاوا نہیں انہوں نے یہ بھی واضح کیا کہ ان کی زندگی میں ایسا کبھی نہیں ہوا کہ کسی سے محبت میں دھوکہ ملا ہو جس کی وجہ سے شادی سے دل اٹھ گیا ہو
متحدہ عرب امارات کے وزیر خارجہ کا دورہ پاکستان