پنجاب میں 13 نئے سہولت بازار قائم کرنے کی منظوری
اشاعت کی تاریخ: 5th, April 2025 GMT
لاہور:
وزیراعلیٰ پنجاب مریم نواز شریف نے صوبے بھر میں 13 نئے سہولت بازار قائم کرنے کی منظوری دے دی ہے۔
ان سہولت بازاروں کے زیر تکمیل پراجیکٹس کے لیے اگست کی ڈیڈ لائن مقرر کی گئی ہے، اور ان میں نوشہر ورکاں، بورے والا، کبیروالا، سانگلہ، اور جلال پور شامل ہوں گے۔ اس کے علاوہ بہاولپور، اٹک اور مری میں اضافی سہولت بازار قائم کرنے کا اصولی فیصلہ کیا گیا ہے۔
مریم نواز شریف نے ضلعی انتظامیہ کو ہدایت دی ہے کہ سہولت بازاروں کے لیے اراضی مختص کی جائے۔ ان بازاروں کو سولر انرجی پر منتقل کرنے کی منظوری بھی دی گئی ہے جس سے بجلی کی لاگت میں 70 فیصد تک کمی آئے گی اور یہ کمی عوام تک کم نرخوں میں پہنچائی جائے گی۔
سہولت بازاروں کی شمسی توانائی پر منتقلی کے لیے 69 کروڑ روپے سے زائد فنڈز کی منظوری بھی دی گئی ہے۔ اس منصوبے کا مقصد کمزور اور متوسط طبقے کو اشیائے خوردونوش کم نرخ پر فراہم کرنا ہے، اور مریم نواز شریف نے اس بات پر زور دیا کہ قائد محمد نواز شریف کے ویژن کے تحت مہنگائی کا خاتمہ کیا جا رہا ہے۔
.
ذریعہ: Express News
کلیدی لفظ: نواز شریف کی منظوری
پڑھیں:
ہر کیس کا فیصلہ 90 روز میں، قبضہ مافیا کا مستقل خاتمہ کر دیا: عظمیٰ بخاری
لاہور(نوائے وقت رپورٹ) وزیر اطلاعات و ثقافت پنجاب عظمیٰ بخاری نے کہا ہے کہ وزیر اعلیٰ پنجاب مریم نواز نے نئے پراپرٹی آرڈیننس کی منظوری دے کر قبضہ مافیا کا مستقل خاتمہ کردیا ہے۔ پنجاب میں اب کسی غریب یا کمزور شہری کی زمین پر قبضہ ممکن نہیں ہوگا۔ ماضی میں 40، 40 سال سے زمینوں پر قبضے کے کیسز عدالتوں میں زیر سماعت رہتے تھے لیکن فیصلے نہیں آتے تھے، تاہم نئے قانون کے تحت اب ہر قبضہ کیس کا فیصلہ 90 روز میں ہوگا۔ مریم نواز پنجاب کے سسٹم کو عملی طور پر ’’ریاست ہوگی ماں‘‘ کے ماڈل میں تبدیل کر رہی ہیں، جہاں شہریوں کے حقوق کا تحفظ، میرٹ اور انصاف بنیادی ترجیحات ہیں۔ وزیر اطلاعات نے واضح کیا کہ پنجاب میں کسی کو بھی غیر قانونی سرگرمیوں، اسلحے کی نمائش یا خوف و ہراس پھیلانے کی اجازت نہیں ہوگی۔ عوام کے جان و مال کا تحفظ، کاروبار کے لیے محفوظ ماحول، اور شہریوں کی خوشحالی مریم نواز کی حکومت کے اولین اہداف ہیں۔ وزیراعلیٰ پنجاب نے ترقی اور گورننس کا جو شفاف اور مؤثر نظام متعارف کروایا ہے، وہ آج دیگر صوبوں کے لیے رول ماڈل بن چکا ہے۔ مریم نواز روزانہ عوام کے معیارِ زندگی کو بہتر بنانے کے لیے نئے منصوبے شروع کر رہی ہیں، اور وسائل و فنڈز کے درست استعمال، میرٹ اور شفافیت پنجاب حکومت کے منصوبوں کی پہچان بن چکے ہیں۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف